بەیانیەی هاوبەش:  کووبینەوەی هاوبەش سازمان دموکراتیک یارسان و حزب کوومەڵەی کوردستان ئێران!

یارسانمدیا
‏02‏ مارس‏ 2026

بەیانیەی هاوبەش:  کووبینەوەی هاوبەش سازمان دموکراتیک یارسان و حزب کوومەڵەی کوردستان ئێران!

لە ئدامەی پرووسەی هاوکارییەیل دولایەنە، ڕووژ ١ مارس ٢٠٢٦ زایینی کووبینەوەی هاوبەش لە ناوین ڕابەریی حزب کوومەڵەی کوردستان ئێران و سازمان دموکراتیک یارسان لە فەزاێگ ئارام و سازندە وەڕێوەچی.

لەی دیدارە کاک عەبدوڵڵا ئازەربار (ئەندام دەفتەر سیاسی)، ئومێد تاهری و کاوە عەزیزی ) لە ئەندامەیل کومیتەی ناوەندی)و مەنسوور یاری (کادر بەرجستەی کوومەڵە) لە حیزب کوومەڵەی کوردستان ئێرانەوە ئامادە بین. هەرلێوا کاک ئەحمەد مورادی، سەید ئەشکان حوسەینی، سام ئەڵقاسی و مەنووچەر عەزیزی جوور (ئەندامەیل شورای مەرکەزی) سازمان دموکراتیک یارسان لە

کووبینەوەکە بەشدار بین.

لەی دیدارە، تاوڵات ئیسەی ناوچەکە و ئاقبەی هەمڵەیل سەربازیی ئەمریکا و ئسرائیل ئەڕا سەر جمهووری ئسلامی ئێران تاوتوێ کریا. هەردکلا سەربار هەڵسەنگاندن تاسیرات پێشهاتەکان لەسەر ساختار دەسڵات، وزیەت داخڵی وڵات و نووڕین لە ئایندەی سیاسیی ئێران، جەخت لەسەر ئەو خاڵە کردن کە وەزیەت ئیسە توانێد زەمینەی بنەوایی ئەڕا تاوڵات و ڕاگوزەر لە جمهووری ئسلامی ئێران خوەش بکەید.

هەروەیجوورە بەشداربیەیل پا دانە گەز لەبان مودویریەت وەرپرسانە لەی مەرحەڵەی هەساس و تاریخییە، وە ڕێبازێک لەسەر بنەوای سەقامگیری و دویرگیری لە تونوتیژی و پارێزین دەسکەفتەیل مەردم کورستان و ئێران.

هەردک هەیئەت سەربار ئشارەیان وە هاوبەشیی فکری، تیوری و تاریخی و لەوەرچەوگردن دیرووک هاوکاریی نزیک و نزیکایەتی فرەتر ئی دوو جمشتە، جەخت لەسەر هاوکاریی پراکتیکی و ئامانجدار و هاوئاهەنگی لە ڕاسای مەنافەیل هاوبەش گەل کورد و چین و پێکهاتەیل ترەک ئێران کردنوە و بەیان کردن، کە لە وەزیەت ئیسە وە چەوپووشی لە جیاوازییەکان، قەبوولکردن فرەچەشنی سیاسی و کوومەڵایەتی لە کوردستان و سەراسەر ئێران لە چوارچوو پرووسەی دموکراسی، هەوجەێگ تاریخییە.

لەی چوارچووە لایەنەکان جەخت کردنوە لەسەر بنەوایەیل دموکراسی، دەستەوەرکردن حقووق یەکسان ئەڕا هاووڵاتیەیل، تامین حەق و حقووق مەردم، هەرلێوا دروسکردن متمانە و جوبران دووچەوکیەیل لە دەورەی وەرین، لە چوارچوو میکانیزمەیل دموکراسی.

لە ئاخر دیدارەکە، سازمان دموکراتیک یارسان و حزب کوومەڵەی کوردستان ئێران، قەرار هاوبەش دان  لەسەر میکانیزم هاوکاری وە شێوەی کرداری لە بوارەیل سیاسی، فکری، تەشکیلاتی و دیپلووماسی لە زویترین وەختا. ئەڕا ئی کارە هەیئەتێک لە هەردکلا دیاری کریا ئەڕا پەیجووری و جێوەجێکردن قەرارێک کە لە بەینیان هەس و قەوڵ دان دیدارەیل ناوینیان وە شێوەی سامانمەند و ستراتیژی وەردەوام بوود.

کووبینەوەکە لەشوون یەک ساعەت گفتوگوو و ئاڵشت فکر و ئەنديشە، لەفەزاێگ موسبەت و دووسانە و وە قەیرزانی لە یەکترەکی، کووتایی وەپێ هات.

حزب کوومەڵەی کوردستان ئێران

سازمان دموکراتیک یارسان

١ی مارس  ٢٠٢٦زایینی

بازدیدها: 127