بەیانیەی کوتایی کۆنگرەی پەنجم “ئاخیز یاران” (ستکهوڵم) سازمان دمکراتیک یارسان

یارسان مدیا
2026-01-13

لە شوون ئەوەیکە شەورای ناوەندی سدی لە ناو مانگەیل وەرین لە ڕی بەیانیە، بانگەوازی، بەرنامەی تلیزونی و کاناڵەیل ناو تەشکیلاتی، نزیکەو بیین کۆنگرەی پەنجم خوەی وە گشت ئەندامەیلی لە ناو و دەیشت وڵات ئێلام کرد، هەر چەن پێشتر قەرار بی ئی کۆنگرە لە ناو دو رۆژ وەرێوە بچود، دویاخر وە  تەسمیم زورم یارەیل بەشداربی لە رۆژ ٢٣ ئاپریل ٢٠٢٢  وە شێوەی فشردە و لە ناو ١٣ ساعەت وەرێور چی .

کۆنگرەکە وەگەرد یە دەقە بێ‌دەنگی ئەڕا رێزگردن لە یاد گیان‌بەخت بییەیل رێ ئازادی دەس وە پی کرد. لە شوون ئەوەیگە هەیئەت رەئیسەی کۆنگرە “مهرەنگیز نعمەتی و فەرشید سولتانی” بەرنامەی کاری کۆنگرە و پەیام شەورای ناوەندی ئەڕا بەشداربییەیل خوەندن، مەنسور جوانمیری لە رابەری هاوبەش، گوزارش سیاسی سازمان لە چەند بەش پێشکەش کرد. گوزارش سیاسی پێک هاتوی لە ٣ بەش : ١. رەوش سیاسی کۆمەڵگەی جەهانی ٢. ئاسیا و ڕۆژهەڵات ناوەڕاس ٣. ئێران، کوردستان و یارسان.

لە شوون هەر نەوبەت لە گوزارش سیاسی، گشت بەشداربییەیل وە چەندین گروپ پەنج کەسی بەش کریان و لە بارەی مژارەیل پەیوەندیدار قسە و باس کردن کە لە هەر گرۆپ یە نمایندە ڕا و نەزەر گروپەگە و پرسیار و جواوەگان ئەڕا گشت بەشداربییەیل کۆنگرە ئێلام کرد.

مژارەیلێک کە لەو بەشەیلە باس و تاوتوی کریا پێک هاتوین لە: ناوەڕۆک و فرم سیستمەیل جیاواز سیاسی، ئقتسادی، مدیریەتی وە جور سیستم متمرکز، متمرکز ناوچەیی، سیستم نامتمرکز، فدرالیسم، کونفدرالیسم، خوەیوەرێوەبەری، خودمختاری، خودگەردانی، نەوین تەمرکز ئتنیکی، نەوین تەمەرکز جغرافیایی، کوموناڵ‌بەنی، دموکراتیزاسیون، سکولاریسم، لائیسیته، سکولاریسم دموکراتیک، جمهوری، سوسیالیسم، نزام شەورایی و صنفی، هەروەیجورە مەسەڵەی ئنرژی هەستەیی و مبارزەی چەکداری و مبارزەی مەدەنی .

لە بەش ترەک ئی کۆنگرە گزارش کمیسیونەیل سازمان  لە لایەن مسئول و نمایندەیل پەیوەندیدار: کمیسیون  پەیوەندی سیاسی و دیپلماسی “شەهریار ئەڵقاسی، کمیسیون ماڵی “موستەفا ئەکبەری”، کمیسیون تەشکیلات “هوشەنگ خسرەوی” و کمیسیون تەبلیغات و ئنتشارات “ئەحمەد مرادی” پێشکەش کریا. لە کوتاهی ئی بەشە، ژمارێگ لە ئەندامەیل تەشکیلات وە نمایندەگی لە رابەری هاوبەش، جوار پرسیار بەشداربییەیل لە بارەی تشکیلات ناو ئێران دانەو .

کونگرەکە بەشێ ترەک لە دەستور کار خوەی ئختساس دا قسە و باس ئازاد. لەی بەشە گشت یارەیل فرسەت پەیا کردن کە رخنە و پێشنیار خوەیان لە بارەی کار و خەبات سازمان بەیان بکەن .

وەرجە ئەوەیگە کۆنگرەی چوارم هەڵبوەشیەدەو، هەێئەتێک سێ کەسی کە بەرپرس ناسانن گوڕانکاری ئەساسنامەیی، نەقشەڕی سیاسی، بڕیارنامەیل پیوست بەرنامە، بریارنامە ژن، پەرچەم کوردستان، کوردستان – ئێران، ئسول چوارگانە و ڕاپورت سیاسی کۆمیتە مەرکەزی ئەڕا کۆنگرە ٥ بین، گوڕانگاریەکان شی کردنەو لە شوون قسە و باس یارەیل سازمان وە تەسویب کونگرە رەسین. لە رۆژەیل بانان سەنەدیل پەسەن کریاگ کۆنگرە لە لایەن سدی بڵاو کریەدەو.

جێ وەتنە لە دەسپێک هەربەش، ژمارێگ لە پەیام یارسانییەیل ناو ئێران کە ئەڕا کۆنگرە هەناردوینەی، لە لایەن هەیئەت رەئیسەی کۆنگرە خوەنیاوە.

لە کوتایی کۆنگرە ١١ کەس لە یارەیل خوەیان کاندید کردن کە ئەڕا ماوەی ٣ ساڵ وەجور شەورای مەرکەزی سازمان دموکراتیک یارسان دەسنیشان کریان. ناو ئەو یارەیلە وەی شێوەسە: ۱- مەنسور جوانمیری ۲- مهرەنگیز نعمەتی ۳- فەرزاد سەلیمی ۴- ئەحمەد مرادی ۵- شەهریار ئەڵقاسی ۶- مەنوچەر عەزیزی ۷- ئەمیر سەلیمی ۸- مستەفا ئەکبەری ۹- سەی ئەشکان حوسەینی ۱۰- فەرەحناز فەتحی ۱۱- هوشەنگ خوسرەوی

کۆنگرەی پەنجم “ئاخیز یاران ” ستکهوڵم سازمان دمکراتیک یارسان ٢٦ ئاپریل ٢٠٢٢

.

بازدیدها: 351