Home / بیانیە کوردی / پەێام سازمان دموکراتیک یارسان وە بونەی ترور رێزان جاوید

پەێام سازمان دموکراتیک یارسان وە بونەی ترور رێزان جاوید

 

 ١٢ ئاگوست ٢٠٢٢ ز

Åpne bilde

سازمان دمکراتیک یارسان ترور ئازدیخواز کورد یوسف رەبانی ناسریاگ وە رێزان جاوید هاوسەروک پێشو کۆدار کە لە لایەن ڕژیم داگیرکەر تورکیە ئەنجام گرد شەرمەزار کەی و یاد ئەو تێکوشەر کوردە بەرز راگرێ.

سازمان دمکراتیک یارسان سەربار شەرمەزارکردن هێرشەکان ڕژیم تورکیە ئەڕا سەر فدراسیون دموکراتیک  شەماڵ سوریە، هاسەر ئەو باوەڕە کە ڕژیم تورکیە بەشێگە لە نزام پانخوازی جەهانی و گشت وەختێگ لە ژێر ناو مۆبارزە وەگەرد تروریسم هێرش کەێدە سەر ئقلیم کوردستان- ئەراق و فدراسیون دموکراتیک شەماڵ سوریە و وە گشتێ ئارامی و سەقامگیری لە ناوچەکەکان لە ناو بردێە.

ڕژیم تورکیە وە هەدەف زنێوە کردن ئمپراتوری ئوسمانی بەردەوامە لە جنایەتەیل دژ بەشەری و ئی کارەساتە لە ژێر سایەی بێدەنگی وڵاتەیل ناودەوڵەتی درێژە دێری. هێرشە تروریستیەگان ئەڕا سەر رۆژئاواێ کوردستان لەشون دیدار سێ لایەنەی پوتین و رەئیسی و ئەردوغان فرەتر بیە و ئیە نیشان دەی کە دوژمەنەیل گەل کورد ئەڕا لەناوبردن گەلەکەمان هانە هەوڵ و تەقالا و تێکوشەرەیل کورد کردنەسە ئامانج . مەردم کورد و لاێەنەیل سیاسی کوردی لازمە هوشیار بون و لە وەرانوە پلانەیل دژ وە کورد ڕژیمەیل ئێران و تورکیە بێدەنگی بشکنن و یەکیەتی داشتوین.

سازمان دمکراتیک یارسان ، با تەوجە وە ئیدەی تاریخی و ئاسو فکری نزام یاری،  تەئکید کەی کە مەسئەلەێ کورد لە گشت نوقات جەهان ئەڕا ئی سازمانە جێ ئەهەمیەت تایوەت دێرێ و لە گشت تێکوشەرەیڵ کورد کە ئەڕا ئازادی و رەسین وە ماف ڕەوای نەتەوەیی کوردستان وە شیوەگەل جیاواز تێکوشان کەن خاونداری کەی. سازمان دمکراتیک یارسان جارێ ترەک هێرش رژیم تورکیە ( تەروریسم دەڵەتی ) لە ڕوژ شەممە ٦ ئاگوست ٢٠٢٢ ئەڕا سەر کا نتون/ئقلیم قامیشلو فدراسیون دموکراتیک  شەماڵ سوریە ، کە لەو هێرشە چەندین کەس مەدنی گیانیان لە دەس دان و زامار بین وە توندی شەرمەزار کەی. هاوەخت یاد گیانبەخت کردگ یوسف رەبانی ناسریاگ وە رێزان جاوید خەلک مەهاباد، کە گشت ژیان خوەی ئەڕا مبارزە لە وەرانوەر داگیرکەر تەرخان کرد، بەرز ڕاگری و سەرەخوەشی خوەی ئاراستەی گەل کورد و جمشت ئازادی خوازی کوردستان کەی.

 

سازمان دمکراتیک یارسان

شەورای مەرکەزی

١٢ ئاگوست٢٠٢٢ ز

بازدیدها: 321