Home / پانل آزاد / تۆ کە ماڵت لە شۆشەیە، بەرد لە ماڵی کەس مەگرە

تۆ کە ماڵت لە شۆشەیە، بەرد لە ماڵی کەس مەگرە

یارسانمدیا

۶ م مارس ۲۰۲۳ م

یەکتر قبوڵ نەکردن و پەنابردن بۆ ترور و کاری نادوستانە لە پێناۆ سەرخستنی هەندێک ئامانجی کەسی و حیزبی، بە داخەوە بۆتە نەرێتیک لە نێو کورددا. خۆ بە زل زانین و ئێعتبار دان بە مەوقعیەت و جێگای سەرەوەتر بۆ خۆ، نەک هەر نەیتوانیوە یارمەتی بە چەسپاندنی ئەو جیگایە بکات، بەڵکو ڕێگای گەیشتن بەو ئامانجانەش بەرەو مەحاڵ برددوە.
ئەحزابی کڵاسیکی کوردی ئێران کە دەسەڵات و هەوزەی فەعالیتیان زیاتر لە ناوچەکانی مۆکریان دایە زۆر لە مێژە گیرودەی نوعێک لە خۆ بە زل زانی بوونە و دەیانهەوەی خویان وەک نۆێنەری خەڵکی کوردستان نیشان بدەن، کەچی تا ئیستا نەیاتوانیوە یەک ئعترازی چەند کەسی لە ناوچەکانی کرماشان و ئیلام وە رێ بخەن. ئەوەی جێگای لێوردبوونەوەیە کە ئەم حێزبانە باسی فدرالیزم و دێموکراسی و مافەکانی مرۆڤ دەکەن و گویی دنیایان کەڕ کردووە کە باوەڕی قوڵیان بە فرە حیزبی هەیە و نابێ لە ئێرانی دوای جمهوری ئێسلامی ئێران “حزب هراسی” بێت و بەپێچەوانەوە دەبێ زەمینەی زیاتر بۆ کاری حیزبی و دورستکردنی حیزبی زیاتر بڕەخسێندرێ.
باس لەوە دەکەن کە نابێ سیاسەتی تواندنەوە و هەڵاواردن و لەبەرچاونەگرتنی ڕەنگە جیاوەزەکان ببێتە فەرهنگ و بەرنامەی کاری حکومەتی داهاتووی ئێران. باس لە وە دەکەن کە ئێران وڵاتێکی فرە نەتەوەیە و نابێت دەسەڵات و قودرت تەنیا لە یەک جێگا کۆ بکرێتەوە و بەرئەساسی تەرجەمە و تەعریفی سیستمی “غیر متمرکز” دەبیت دەسەڵاتەکان تەقسیم و دسانترالایز بکریت. ئەمانە هەمۆیان وەک خواست و شەرتەکانی ئەحزابی کلاسیکی کوردین و نەتەوەسازی لە ئێران کە لە سەد ساڵی ڕابردوو بە متودی ڕەزا شا بە توندی ڕت دەکەنەوە و بە جورێک لە فاشیزم و ڕگەزپەرستی و تواندنوە تەماشای دەکەن.
کەچێ کاتێ ئەم باسانە بەرەوڕویان دەکرێتەوە، ڕاست پێچەوانەی ئەو سیاسەتانە بەرخورد دەکەن کە بۆ خویان لە نێو ئەحزابی ئێرانی بە دورستی دەزانن.
بەرێز خالید عەزیزی سکرتێری پێشوی حیزبی دیموکراتی کوردستان و وتەبێژی ئێستای حیزبی دیموکراتی کوردستانی ئێران لە کونفرانسیک لە سەر نەتەوەسازی بە ئاشکرا و بە هەمان مێتوودی ڕەزا شا و کەماڵ عەتاتورک باس لە قڕ کردنی زاراوە کوردیەکان و باڵادەست کردنی زاراوەیەک کە لە هیچکام لە زاراوەکانی دیکەی کوردی قەدەمەتی تاریخی نیە دەکات. ئەگەر باس لە فرە حیزبی دەکریت، ئەحزابی کلاسیکی کوردی حتا حازر نین وڵامی نامەی ڕەسمی سازمانی دیموکراتیکی یارسان بدنەوە لە بەر ئەوەی سازمانی دیموکراتیکی یارسان هێزی چەکداری نیە. ئەم حیزبانە کە هیچ دەسەڵاتیکی سیاسیان لە ئێران دا نیە و هیچکات لە مەیدانی هەڵبژاردن خویان تاقی نکردووتەوە، زۆر پاوانخوازانە لە گەڵ ئەحزابی سیاسی، بە تایبەت ئەحزابێک کە لە دایکبووی موکریان نیەن بەرخورد و تەعاموڵ دەکەن. ئەم هەڵسوکەوتانە ڕاست پێچەوانەی ئەو قسانە دەر دەخات کە “خط قرمز”یان بۆ هیچ حزبیک نیە.
شەفافیەت و ڕو ڕاستی لە گەڵ ئەندامان و لاینگران و خەڵک وەک پرنسیپ و مورال یەکێکە لە بناغەی باوەڕ و ئێعتمادی خەڵک بە هەر حەرەکەت و جەریانێکی کۆمەڵایەتی، مەدەنی و سیاسی.
سازمانی دیموکراتیکی یارسان لە سەرەتای پێکهاتنیەوە زۆر بە ڕاشکاوی لە ڕوانگەی ڕئاڵ پوڵتیک، هەڵکەوتەی جوغرافیایی، لە باری ژئوپولیتیکەوە، باری ئیقتسادی و ئەمنییەتیوە وە بە خوێندنەوەی واقعبینانە بۆ مەوقعیەتی سیاسی و فەرهەنگی کورد و خەڵکی یارسان لە بەرنامەی سیاسی خویدا خەبات و موبارزەی لە چوارچێوەی ئێران هەڵبژاردووە و هیچ مەرجێکیچ بۆ دیالوگ لە گەڵ هیچ لایەن و کەسایەتییەک دانەناوە و هیچ مەرجێکیش لە هیچ کەس و لایەن قبول ناکات.
کاک قادر ئەلیاسی لە ماڵپەڕی کوردستانمدیا، ئورگانی ناوەندی و زمانحاڵی حیزبی دێموکراتی کوردستانی ئێران لەم ڕۆژانەدا وتارێکی لە ژێر ناۆنیشانی ” کوژرانی خاڵۆ قوربانی هەرسینی چ وانەیەکمان فێر دەکا؟ ” بڵاو کردووتەوە کە زوور دور لە ڕاستی و حەقبیژی و بە ئاجندای سیاسیەوە ناڕاستەوخۆ سازمانی دیموکراتیکی یارسان و ڕێبەرانی ئەم ڕێکخراوە بە خاڵۆ قوربانی شوبهاندووە. ئەمە لە حاڵیک دایە کە حدکا بە باشی دەزانێ کە سدی بۆ وتوویژ لە گەڵ هەر لایەنێکی سیاسی بە پێویست بزانی واردی گفتگو دەبێت و بە شەهامەتەوە لە گەڵ خەڵک و ئەندامان و لاینگرانی خوەی بەوپەڕی شەفافیتەوە نەتیجەی گفتوگوکان پییان ڕادەگەیەنێ.
بە داخەوە بە چاۆخشاندنێک بە تاریخی کورد لە ئێران‌دا، لە پەنجا ساڵی ڕابردودا بۆمان دەردەکەویت کە دودەستەگی و یەکتر شکاندن و خۆ بچووککردنەوە لە بەرانبەر خەڵکی غەیرە کورددا بە زەقی و ڕوونی بەرچاو و دیارە.
حیزبەکەی کاک قادر کە وتارەکەی بە ئیزنی ئەوان لە ماڵپەڕی زمانحالی ئەو حیزبەدا بڵاو کردووتەوە ئامادەیە لە گەڵ ئەحزابی بە ناو کۆنگرەی نەتەوکانی ئێران لە یەک بەرەدا بێت، بەڵام ئامادە نیە حەتا لە گەڵ سازمانی دیموکرایکی یارسان گفتگو بکات و وڵامی نامەکانی بداتەوە. ئەمە لە کاتێکدا دایە، هەندێک لەو حزبانەی لە ناو کونگرەی نەتەوەکانی ئێران بە زۆر خاوەنی پەیجیکن لە سوشیال میدیا. کاک قادر لە بیری چووە کە بەرپرسی یەکەمی حزبەکەی لە تازەترین وتویژی لە گەڵ کەناڵی العربیە دژایەتی حکومەتی پاشایەتی ناکات و ئەگەر خەڵکی ئێران بەو ئاکامە بگەن، ئەوانیش قبوڵیانە. کاک قادری ئەلیاسی یان بە برنامە و بە سیاسەتیکی دیاریکراو ئەم چەواشەکاریە دەکات، یان لە بەرنامەی حیزبەکەی خوشی بە ئاگا نیە. حیزبی دیموکراتی کوردستانی ئێران هیچکات لە مێژووی خەباتی خویدا وتویژی ڕت نکردووتەوە و زور بە داخیشوە لە سەر میزی گفتگو لە گەڵ کۆماری ئیسلامی سکرتیری حیزبەکەی بە بێ‌ئاگاداری ڕێبەرایەتی حزبەکەی لە لایەن دیپلومات تروریستەکانی کۆماری ئیسلامی ئێرانەوە ترور کراوە.
بۆ ئاگاداری کاک قادر ئەلیاسی لە کاتی نووسینی ئەم وتارەدا نۆێنەرانی حیزبی دیموکراتی کوردستانی ئێران لە وتویژ دان لە گەڵ ئاغای ڕەزا پەهلەوی. ئەمە تەنیا بۆ سازمانی دیموکراتیکی یارسان حرامە، بەڵام بۆ حیزبی دیموکرات وا دیارە حەڵاڵە. چما بەرێز کاک عبداللە مهتدی بە بەرچاوی هەموانەوە لە گەڵ ئاغای پەهلەوی دیدار و بەرنامەڕێژی بۆ ئعتلاف دەکات و کەس متقی لێوە نایەت و زۆریش بە کارێکی واقعبینانە و سیاسی ئەژمار دەکرێت. بەڵام بۆ سازمانی دموکراتیکی یارسان بڤەیە!
سازمان دیموکراتیکی یارسان هەر وەک چون لە ڕابردودا نیشانی داوە، قازانج و بەرژەوەندیەکانی خەڵکی یارسان دیاری دەکەن لە کام بەرەی سیاسیدا جێ دەگرن و زۆر ڕاشکاوانە شێوەی موبارزەی خوەی لە پێناو بە دەست هێنانی ئەو مافانە دیاری دەکات.
سازمانی دیموکراتی یارسانی لە کەسی نەشاردووتەوە کە ئامادەی هاوکاری و هاۆپێوەندییە لە گەڵ ئەحزابی کوردی، بە تایبەتی لە گەل حیزبی دیموکراتی کوردستانی ئێران و کومەڵەکان، بەڵام بە هەویەت و ناسنامە و سەربەخویی سازمانیەوە. سازمانی دیموکراتیکی یارسان کارنامەیەکی پاک و خاوینی هەیە و هیچ وابستگی سیاسی و ئێقتسادی بە هیچ کس و لایەنەوە نیە و بەوپەڕی شانازیەوە بە خەبات درێژە دەدات. باوڕمان وایە لە کوردستانی ئێران دا دەبێ “تکثر” و جیاوازیەکان، چە لە باری فرهەنگی، ئاینی، مەنتەقەیی، زاراەوەیەوە وەک خوی قبوڵ و پێناسە بکریت. قبوڵ کردنی ڕەنگاوڕەنگیەکان و پلورالیسمی سیاسی و فەرهنگی زەمینەی کاری هاوبش و پێوەندی دوستانە دابین دەکات.
هیوادارم کاک قادر ئەلیاسی زامەت بە خوی بدات و ڕابردوو وەک خوێ و دور لە دەمارگرژی بخوێنێتەوە و بە دیدیکی ڕئالیستیانەوە بڕوانێتە واقع و مسەڵەی کورد و چاوێکیش بە سیاسەتەکانی حیزبەکەی خویدا لە ڕابردوو و ئێستادا بخشێنێتەوە. لە هەمان کات‌دا ئەگەر لە گەڵ لایەنێک یان کەسانێک هاوڕا نەبوو، ئەگەر سیاسەتی حیزبەکشی بۆ لە باری ئخڵاقیەوە بە خوەی ئیجازە نەدات کە لایەن و خەڵکانێک وەک نۆکر و بەکرێگیراو لە قەڵەم بدات.

مەنوچەر عەزیزی
05.03.2023

Visits: 393