بەیانییەی کۆتایی کۆنگرەێ ٣ێ سازمان دمۆکراتیک یارسان

هاونیشتمانان!

ئەندامان، لاینگران و دڵسوزان سازمان دمۆکراتیک یارسان!

دۆیای باس و ڕاوێژ فەعاڵانەی بەشداران کۆنگرە، تەحلیل و ئانالایز کردن ڕاپوورت سیاسی کۆمیتەی مەرکەزی مونتەخەب کۆنگرە ٢ و تەسویب بەرنامە و ئەساسنامە و دویای گوش گردن لە ڕخنە و پێشنیار و داواکارییەکان بەشداران کۆنگرە و ئنتخاب کۆمیتە مەرکەزی، لە ڕێکەفت ٢٠١٦/٦/١٨ ساعەت ٨ ئێوارە کۆتایی وە کارەکان کۆنگرە ٣ێ سازمان دمۆکراتیک یارسان هات.

بەشداران کۆنگرە جارێکتر ئامادەگی و هاۆپشتیوانی خوەێان ئەڕا ڕەهبەری تازە هەڵوژریاگ سازمان دمۆکراتیک یارسان نیشان دان.

ئەندامان کۆنگرە وە خوشحاڵیوە نەتیجەێ کۆنگرە وە مەوەفەق تەوسیف کردن و دەستاوەرد کۆنگرە ئدامەێ موجودییەت و دەسنیشانکردن پلان و بەرنامەکان سازمان دمۆکراتیک یارسان ئەڕا ٢ ساڵ ئایندە زانستن.

لە ئەوەڵین جەلەسەی کۆمیتەی مەرکەزی بەڕێز کاک عەلی عەسکەر خوسرەوی وەک سۆخەنگو و کاک ناوخاس نەزەری وەک جێگر سوخەنگو و هەیئەت ئجرایی دەسنیشان کریا.

لە ڕۆژگەل ئایندە ڕاپورت سیاسی کۆمیتەی مەرکەزی لە سەر سایت سدی چاپ و بڵاو کریەتوە.

کۆمیتەی مەرکەزی سازمان دمۆکراتیک یارسان

٢٠١٦/٦/١٩

بازدیدها: 57