بەشداری سازمان دموکراتیک یارسان لە گردبینەوەێ جەماوەری لە اسلو ئەڕا پشتیوانی لە “خۆبەڕێوەبەریی باکوور و ڕۆژھەڵاتی سووریا”

یارسانمدیا

ڕووژ شەمە ڕێکەفت  25.01.2025 گردبینەوەێ فەراوانێک وەبەشداری کوردەکان نروژ لە اسلو وەڕێوە بریا. ئی گردبینەوەێ اعترازیە ئەڕا پشتیوانی “خۆبەڕێوەبەریی باکوور و ڕۆژھەڵاتی سووریا ” و محکوم کردن شەڕفروشی دەوڵەت ترکیە بی کە لە لاێەن احزابگەل کوردستان سوریە ، «ی پ گ، ی پ ژ و ه س د» وەڕێوە بریا. احزاب و ڕێکخراوگەل پارچەکانتر بەشدار بین.

داواکاریەکان ئی گردبینەوە ئی چوار خاڵە بی:  قەبول کردن وجود “خۆبەڕێوەبەریی باکوور و ڕۆژھەڵاتی سووریا”، هاوکاری بەشەردوستانە ئەڕا “خۆبەڕێوەبەریی باکوور و ڕۆژھەڵاتی سووریا”، وەسانن هێرش دەوڵەت ترکیە ئەڕا سەر “خۆبەڕێوەبەریی باکوور و ڕۆژھەڵاتی سووریا” وە مەنتەقەێ پەرواز مەمنوع تاکو ترکیە نەتوانێت هەمڵەگەل هەوایی لە “خۆبەڕێوەبەریی باکوور و ڕۆژھەڵاتی سووریا” انجام بێەێت.

جی باسە کە بەشێک لە ئەندام و لاێەنگرێەل سازمان دموکراتیک یارسان، بەشدار بین و وە ئەرکێک اخڵاقی زانستن کە دەنگ خوەێان بخەنە پاڵ دەنگ  پێکهاتەکان خۆبەڕێوەبەریی باکوور و ڕۆژھەڵاتی سووریا.

گردبینەوەکە وە چەندین بەرنامەێ ھونەری کوتایی وەپێ ھات.

سازمان دموکراتیک یارسان، کومیتەێ کشوەری نروژ

بازدیدها: 35