Yarsanmedia Yarsan Democratic Organization Official Website
رۆژێ پەنجشەممە رێکەفت ٢٥. ٥. ٢٠١٧ هەێئتیک لە نوینەراێەتی سازمان دموکراتیک یارسان لە وڵات نروژ بەشدار پرسەێ تێکوشەر ناودار کوردستان باشور، رێزدار نەوشیروان مستەفا رێکخەر گشتی بزوتنەوەێ گوڕان بین.
هەر لەو رێوڕەسمە کە بەش فرەێک لە نوینەر هێزە سیاسیەکان هەرچوار پارچەێ کوردستان و سەدان کەس لە کوردەکان دانیشتو وڵات نروژ بەشدار بین، پەێام هاوخەمی سازمان دموکراتیک یارسان وە زاراوەێ گورانی لە لاێەن کاک شادوست کەریمی پێشکەش وە رێوڕەسمەکە کریا.
جێ باسە کە هەێئت سازمان دموکرایک یارسان پێک هاتووی لە جەم فرەێک لە ئەندام و لایەنگران سدی لە نروژ. لەناو ئەو هەێئەتە کاک امیر سەلیمی و کاک احمد مرادی ئەندامان کۆمیتەێ مەرکەزی و کاک مەجید بابایی، مەجید کازمی، خویشکە هما ئەسکەری و شادوست کەریمی ئەندامان فعال سدی لە نوروژ هزور داشتن.
دەق پرسەنامەکە:
پەێام هاوخەمی نوینەرایەتی سازمان دموکراتیک یارسان لە وڵات نوروژ وەبونەێ کوچ دوایی کاک نەوشیروان مستەفا رێکخەر گشتی بزوتنەوەێ گۆران.
نەندامان و لاێەنگران بزوتنەوەێ گۆڕان،
خویشکهل، براێەل بەشدار کوڕ ماتەمینی کاک نەوشیروان !
له وەختێکا كه كوردستان و ناوچهكه له ههل ومهرجێكی ههستیارە، رەوان شاد کاک نەوشیروان تازە تەشڕیف هاوردویە کوردستان، هەم مەردم و هەمیج هێزە سیاسیەکان باشور کوردستان جاوەڕوان دەرکەفتن ئەو سەرکردە کارێزما بین، کەچی خەور مەرگ لەناکاو ئەو پیاگە گەورە و ئازادیخوازە، دڵ هەر کوردێک دڵسوز له چوار پارچه و چوار گوشهێ دنیا، ک ئاگادار خەبات و تێکوشان ئەو بەڕێزە بین ، هاوردە ژان.
ئیمە لە سازمان دموکراتیک یارسان کۆچێ دوایی بەڕێز نهوشیروان مستهفا رێکخهر گشتیی بزوتنهوهێ گۆڕان وە خەسارێکی گەوەرە زانیم ئەڕا نەتەوێ کورد وە گشتی و کوردستان باشوور وەتایبەتی. هەروەی بونەوە خوەمان وەبەشدار ئەو خەمە گەورەێ بنەماڵەێ بەڕێزێان و سەرجەم ئەندام و لاێەنگران بزوتنەوەێ گوڕان زانیم.
وەباوەڕ ئیمە ئەو پیاگە گەورە هەم جور سهرکردهیهک سیاسی و کارێزما و هەم جور رووشنفکر و نووسەر جێگاێ دیار و تایبهتی خوی له مێژوو سیاسی نەتەوەکەمان وەتایبەت لە باشوور کوردستان هەس. رێزگردن ئی چەند رۆژە لەشون کوچ دوایی ئەو بەڕێزە لە ناو جەماوەر و گوڕان و لایەنە سیاسی و کۆمەڵایەتیەکان، پاکی و راستی و دڵسوزی ئەو سەرکردە وەئاسانی ئەڕا گشلاێک دەرخەێ.
ئیمە لە سازمان دموکراتیک یارسان سەرەڕاێ وەداخ بینمان ئەڕا کوچ دوایی ئەو سەرکردە ئازادیخوازە، وە چەو رێزو ستایشەوە نواڕیمنە رابردوو خهبات و تێکۆشان پەنجاساڵەێ و لە دەسدانێ وە خەسارێکی گەوەرە زانم!
گۆمان لهوه نیه ک خەبات و تێکوشان پەنجا ساڵەێ هەتا هەتاس لە ناو لاپهڕهکان مێژوو نەتەوەکەمان وه نیکی و پاکی یاد وهلێ کریەت
لە کوتاییا جارێکتر سهرهخۆشی له بنهماڵهێ بهڕێز رەوانشاد کاک نهوشیروان و سهرجهم ئەندام و لاێەنگران بزوتنهوهێ گۆڕان کەیم و هیواداریم کۆچ دوایی ئەو سەرکردە نەمرە بکرێتە دهرفهتێک ئەڕا تهبایی و ئاشتهوایی و یەکیەتی و یەکڕێزی کورد له باشوور کوردستان. رۆح كۆچكردو شاد و سهبوریی و دڵنهواییش ئەڕا ئیوەی بەڕێز.
نوینەرایەتی سازمان دێموکراتک یارسان لە نروژ
٢٥.٥.٢٠١٧
بازدیدها: 52