پەێام سازمان دموکراتیک یارسان وە مەناسبەت ٨ مارس ڕۆژ جەهانی ژن

پەێام سازمان دموکراتیک یارسان وە مەناسبەت ٨ مارس ڕۆژ  جەهانی ژن

8 مارس روژ جه‌هانی ژن لە تەمام ژنان دونیا، وە تایوەت ژنەیل و دویەتەیل یارسانی مبارک بود. ژنان جور بەشێک لە جامعەی بەشەری هەر لە دەوران دەس وە پێکردن ژیان ئەڕا دفاع لە حەق و حقوق خوەێان و ژیانێک خاستر دەس وە موبارزە دانە و وەشکلگەل جوراوجور ئی موبارزە تا ئیمڕۆژ ئدامە دێرێت.

یەکیک لە موهمترین دەلیلەکان موبارزەی ژنان و دەفاع لە حەق و حقوقێان، هاتنێان وە ناو بازاڕ کار بی. هەر لەی مەوقەوە شکل موبارزە و نەیرو موبارزەێ ئازادیخوازی ژنان لە بوعد گەورەتریک خوەێ نیشان دا. وەی شێوە ژنان نیشان دان و توانستن لە موبارزەی حەقتەڵەبی خوەێان لە چوارچو خانەوادەکانێان بانە دەر و دەس بێەنە ئعتراز و موبارەزەێک سنفی و گشتگیر.

‌ژنان کارخانەگەل نەساجی نیویورک لە سال 1857 وە ئعتراز وە شەرایەت سەخت کار، تەبعیز و کەم بین حەق کار (دستمزد) لە موقایسه‌ وە گەرد حەق کار پیاگەکان دەس دانە مانگرتنێک ڕێکخریاگ و سازمانیافته.

روژ هەشت مارس بیە ڕوژێک سومبوڵیک موبارزاتی ژن بەرزد شەرايەت سەخت کاری و لە ساڵەکان دویاتر لە وڵاتگەل جوراوجورئوروپايى و ئامريكا موبارزه ژنان ئەڕا و وەدەسهاوردن حەق و حقوق موساوی داشت.

ئی ڕەوەند موبارزاتی ژنە وە شکڵگەڵ جوراوجور ئدامە داشت تا لە کوپنهاگ پایتەخت دانمارک لە دومين كونفرانس سوسياليستى ناونەتەوەیی ژنان كه وە بەشداری ژنان موبارز و ئازادیخواز لە هەڤدە وڵات دونیا گیریا و وە پيشنەهاد خاتون كلارا زتكين لە ۲۷ ئاگوست سال ۱۹۱۰ لە كوپنهاك ڕوژ ٨ مارس جۆر ڕوژ جەهانی ژن دیاری کریا.

دیارە خواستە ئەساسیەکان ژنان لە دویای دیاریکردن ٨ مارس جور ڕوژ ژن لە شکڵگەل موبارزاتی جوراوجور خوەێ بەرجەستە کرد. خواست حەق و حقوق موساوی چە لە بار دەسمزد و چە لە بار ئنسانیوە، حەق کار، حەق رأی و بەشداری لە ئنتخابات و کەمکردن ساعەت کار لە جومڵە حەقەیلک بین کە موبارزە ئەڕاێ کردن و تا ئیسەیچ لە فرە لە وڵاتگەل دونیا ئدامە دێرێت.

جێ خوەشحاڵییە کە ژنان ئوروپایی و ئامریکای وە فرە لە حەقەکان خوەێان ڕەسینە،یانی ئەوە  کە سولتان سەهاک مودەتها پێش وەتێسەی، ژنان ئی کومەڵگاگەلە وەپێ ڕەسینە.

 سولتان سەهاک لە ڕوانگەی باوەڕ وە حقوق ئنسان و دین یاری پێشتر لە ٧٠٠ سال پێش لە رابتە وە گەرد حقوق ژن یارسانی وەت:

کناچە و کری، کناچە کری

توفیرشان نین کناچە کری

 ئەما حەقیقەت ئیسە کە شەرایەت ژنان یارسانی چەندان ئاڵوگوڕ وە سەری نەهاتێە وە وەزعیان ئەسڵەن وە گەرد ژنان وڵاتگەڵ غەربی قابل موقایسە نیە، چوینکە جامعەێ ئیمە هەنوز حەتا پیاگەکانیچ کە لە ماڵ حاکم و حوکفرمانیچ، لە دەرون جامعە لە حەق و حقوق فردی و ئجتماعی خوەێان مەحروم و مەوقعییەت سیاسی و ئجتماعی حاکم نزام ئەرزشی و فەرهەنگی کومەڵگای ئیمە ئی زەمینە نەێرێت کە ئە‌قشار کومەڵگای ئیمە لە بەیانکردن دید و ئەفکار و ئارەزوەکان خوەێان ئحساس ئازادی و ئەمنییەت بکەن.

لە وڵات ئێران، ژن سەنگسار کەن، وە زعیفە حەساوێان کەن، موڵک پیاگ و دالك مناڵ و بایەد لە ژێر فەرمان بنەماڵە و باوک و برا و پیاگ وە عام تەسمیم بگرن و کەمترین نەک حەق موساوی، بەڵکە حەق بەیان نەزەرات و دیدگاێ خوەێان کە دەڵاڵەت لە ئارەزوەکانێان بکەێت

نەێرن.

سازمان دموکراتیک یارسان باوەڕ کامڵ وە بەرابەری حەق و حقوق ژنان دێرێت و هەر وەی خاترە سەخت ئەڕا ناساندن و دەسنیشان کردن حەق و حقوق ژنان و وە نەهادینە کردنێ لە ناو ئورگانەکان سدی تەڵاش کەێت.

سازمان دموکراتیک یارسان باوەڕ دێرێت، کە هیچ کومەڵگاێک ناتوانێت ئازاد و مەوەفەق بود، ئەگەر نیمەی ئی کومەڵگا کە ژنە ئازاد نەوە.

کومیتەی مەرکەزی سازمان دموکراتیک یارسان ڕوژ ٨ مارس لە تەمام ژنان لە سەراسەر دونیا، وە تایوەت ژنان یارسانی پیروز کەێت.

سازمان دموکراتیک یارسان

کومیتەی مەرکەزی

٨ مارس ٢٠١٦

بازدیدها: 67