Yarsanmedia Yarsan Democratic Organization Official Website
هەر ڕوژتان نەوروز نەوروزتان پیروز
نەوروز و ئومیدێەڵ تازە
نەوروز یا ڕوژ تازە پەیام دوارە گیانگردن تەبیعەت و پەێکار تازەس. تاریکی، سکوت و بی دەنگی کەم کەم مرن وە دی خەتەر و ترسیان لە بەرانبەر بزە، حس جوان وە عزم وە ڕی کەفتن تسلیم بن و ئاخرین هەناسەیان کیشن.
مردوم یارسان سەرەڕای زندەگی سەخت خسوسی و ئجتماعی وە سیاسی، وە جەشن گردن نەوروز دوارە وە گەرد خویان قەرار و مەدار بەسن کە لە وچان و غیرەت دایین وە خوی ئەڕا زندەگی ئازاد، بەرابەر وە دادپەروەر لە جمشت نەوسن.
تەوهین کردن یە مەشت ئەفراد وە مقدسات مردوم یارسان بیە باعث ئەوە کە جاریکتر مرودم یارسان لە داخڵ وە خارج وە پشتیوانی خەیرخوازەکان کومەڵگاێ کوردسان ئیران یەکدەس هەڵسن وە وەشیوەی سالم وە دویر لە زور و ئاژاواە هەڵس و بنیش و وێر خویان نیشان بیەن.
ئومیدەواریم کە نەوروز ئیمساڵ پڕ بوت لە سەرکەفتن وە خوەشی ئەڕا مردوم یارسان. داوا کەیم لە تەمام ئەفراد وە کوەشەرێەڵ فەرهەنگی، سیاسی، ئجتماعی و حقوق بەشری کە خویان سازماندەهی بکەن تا ئەوەیکە جامعەی یارسان بتوانیت بیشتر و خاستر لە جاران لە مەیدان تەڵاش و کوشش مەوەفقتر بوتن وە بتوانیت خاستەکان و حقوق مردوم دروستر ئەڕا چواردەوری وە جامعە جەهانی تاریف وە ماڕفی بکەیت.
هەر ڕوژتان نەوروز
نەوروزتان پیروز
کمیتە مرکزی
سازمان دمکراتیک یارسان
١٦/٣/٢٠١٦
بازدیدها: 64