پیام سازمان دمکراتیک یارسان وه جه‌م یاران وه مناسبت پیشوازی له ‘نوروز آزادی’

وەرەوو گڕ ئاگر نەوروز که نماد آزادیه وه وەهار سەووزپووش زاگروسوە چیمن.

نەورووز و ئاگرەکەێ، لە مێتۆلۆژی مەردمان زاگروس هەمیشە سەووزپووشە و قامەتبەرز، کە نیشانەێ گووڕین ڕۆخسار و سیمای لوو چین دەیشت و بانە.

مەردمان زاگروس، شاهو و دالاهو نشین، هەر ساڵ چنە پیری نەوروزوە، وە فەرش و قالیە خاکپووشەگان، وە گەلەژن و گەلەجوانەێل، بەنە حەووش و وەل خوەندن شیعر و گورانی تەمام تەۆپوتۆزگەێ تەکننوە.

مەردمان کۆێەکان سەووزپووش زاگروس و شاهو و داڵاهوو، چەپە چەپە سەووزی گرەدەن و کۆيزەڵە چننوە و هەرچی خاکە وە دەوارخاکپووشیاێە دەنەوەر واێە، تا تووز و خاک ساڵ وەرین وەل نەحس و ناخوەشیا بکەفێە گەرئاسیاوە.

کومەلگاێ یارسان وەل ساێر مەردم دانێشتیەێل زاگروس و شاهو و داڵاهوە، وەل سائر ئقلیمەگان یارسان لە سەرانسەر ئێران و کوردستان، هەر لە مێان دوئاو تا کلاردەشت و شەهڕزا تا لوڕستان و خوراسان شماڵی ئیمساڵیچ هاودەنگ و هاوڕەنگ سەووزپوش چۆێ ژیان و ژینگە چنە پیری نەوروز و وەهار سەرسەووز و سەربەرز چوی دالاهوو.

وە پێچەوانەێ هۊیر تەنگ تاریکی پەرسەکان، زاگرۆس و شاهو و دالاهونشینەکان هەرچێ خاک پارەکەس لە خوەێان تەکننوە و سەوزپووش و ڕەنگواڕەنگ، پێشوازی لە نەوروز آزادی کەن.

یاران، بان تا ئیمساڵیچ سەوەزپووش چۊی وەهار، ڕەنگواڕەنگ چۊی گۆڵەکان وەهار، سۊیر و قرمز چۊی ئاگر نەورووز، دەس برایی و خۆەیشکیمان نوکەمینەوو.

یاران وه پوشان لباس ڕەنگین پێشێنیان خوەمان، سەلتە و زون و فەقیانە و گوڵوەنی کە نیشانەێ ئساڵەت مەردمان زاگرۆسە پەێمان پایداری و مقاومت و نویر لە بەرابەر تاریکی و ستەم زنێوە کەیم.

نەووزتان پیروز

هەر ڕووژتان نەورووز بوو

سازمان دمکراتیک یارسان

بازدیدها: 516