لە ستۆكهۆڵم هەندێ گەڕەك لە سوێدی قەدەخەن

توضیح سایت:بسیار جالب و قابل تامل است، بە قول معروف بیگانە صاحب خانە شد و صاحب خانە بیگانە! روزی این بە اصطلاح نگونبختان بە دنبال پناهندگی بە سوئد آمدند و کشور و مردم سوئد با آغوشی باز بە آنها جا و مکان و امکانات دادند،حالا پایتخت سوئد را میخواهند اشغال کنند و بە سوئدیها میگویند آمدنتان بە این منطقە ممنوع است. رعایت نکردن قوانین سوئدی در خیلی از این مناطق تا برسد بە ورود سوئدیها ممنوع ! این است کە باید از آیندە این ممالک آرام ترسید. لطفا مطلب زیر کە سایر روداو آن را منتشر کردە بخوانید.

لە ستۆكهۆڵم هەندێ گەڕەك لە سوێدی قەدەخەن

رەنگە پێویستت بە پرسیاركردن نەبێت بۆ دۆزینەوەی گەڕەكێكی تاراوگەنشین لە سوێد، لە هەر شوێنێك گەڕەكێكی پیس و پۆخڵت بینی، ئەوە بە دڵنیاییەوە گەڕەكی تاراوگەنشینانە. فڕێدانی پاشماوە لە شوێنی گشتی و پیسیی تەنەكەخۆڵەكان، سیمای گەڕەكە بیانییەكانە. ئەو گەڕەكانە بەوەش جیادەكرێنەوە كە دانیشتووانەكەی خەرجیی بەكارهێنانی تەلەفزیۆن نادەن.

تێنستا، ئاكالا، هیوسبی و رێنكەبی لەو ناوچە ناسراوانەی شاری ستۆكهۆڵمی پایتەختی سویدن كە كەمترین قژ زەردی سوێدی لێ‌ دەبینرێت و زۆربەی دانیشووانەكەی سەرڕەشن، واتە بیانین. بۆیە سویدییە رەسەنەكان و ئەوانەی خۆیان لە كڵاسێكی بەرزتر دەبینن، بە ئەستەم باس لە باكووری ستۆكهۆڵم دەكەن و بگرە لێشی دووردەكەونەوە.

ئەم كێشانە هەموو پەنابەران و تاراوگەنشینانی ئەو وڵاتە دروستیان كردووە. هەرچەندە كورد لە سەرڕەشە سەلامەتەكانن، بەڵام ئەوانیش لەگەڵ تەنەكەی خۆڵ و دانی پارەی تەلەڤزیۆنیان كێشەیان هەیە.

جەبار ئەحمەد، لە كۆمپانیای بریكاری ئەو بوارە كار دەكات و رەخنە لە بیانییەكان دەگرێت كە پارەی تەلەڤزیۆن نادەن. لە سوێد هەر ماڵێك تەلەفزیۆن بەكاربهێنێ، دەبێت لە بەرامبەردا مانگانە بڕە پارەیەك بدات. پارەكەش بەپێی گەڕەك دەگۆڕێت، بەڵام لە 45 دۆلار تێناپەڕێت.
جەبار دەڵێت “كەناڵە حكومی و نیمچە حكومیەكان بەخۆڕایین. ئەو پارەیەشی وەردەگیرێت، بەشێكی بۆ پاڵپشتیی ژینگەیە، وەك قەرەبووی بەكارهێنانی ئامێری كارەبایی”.

رێسای پشكنینی بەكارهێنانی تەلەڤزیۆن لەلایەن تیمی كۆمپانیاكانەوە كە كۆمۆنی ناوچەكان سەرپەرشتیی دەكات، لەرێگەی گەڕان و سەردانی ماڵەكان و كۆنترۆڵی ماڵە، بۆ ئەوەی بزانن تەلەفزیۆنیان هەیە یان نا. جەبار دەڵێت “ماڵە بیانییەكان، كاتێك دەزانن ئێمەین، دەرگا ناكەنەوە”.

نەكردنەوەی دەرگا لە كەسی نەناسراو، بووەتە عادەتی بیانی و تاراوگەنشینان، بۆیە ئێستا كۆمۆنەكان خەڵكی بیانی ناوچەكە دادەمەزرێنن، تا زانیاری زیاتر بەدەستهبێنن. جەبار گوتی “بەهۆی زۆریی كورد و عەرەب لەم ناوچەیە، من دامەزرێنراوم”.

“هاتنە ژوورەوە بۆ سویدی قەدەغەیە”

نووسینی سەر دیوارەكانی دوو لە گەڕەكە دیارەكانی باكووری ستۆكهۆڵم “سویدییەكان كافرن و بۆیان نییە بێنە ژوورەوە”، پۆلیسی شارەكەی تووشی شۆك كرد. ئەمە دوای زنجیرەیەك كاری تێكدەرانە هات دژ بە رێكلامەكانی مەی خواردنەوە و ئەو رێكلامانەی كە وێنەی كچانی نیمچە رووتیان تێدایە.
چالاكڤانێكی سویدی دەڵێت: “من هیچ كاتێك داكۆكی لە بزووتنەوەی نەژادپەرستی ناكەم، بەڵام هیچ كەسێكیش مافی ئەوەی نییە بیروباوەڕی وڵاتی پێشووی بسەپێنێ”.

ریهانا ئەندرسۆن كە لە رێكخراوێكی بواری گونجاندنی بیانییەكان كار دەكات، درێژە بە قسەكانی دەدات و دەڵێت “كۆڵانێكی پیس، تێكەڵكردنی خۆڵ و پیسییەكان، جگە لە سەرئێشە بۆ كۆمۆن و بارگرانی چ سوودێكی دیكەی هەیە؟ چارەسەری كێشەی سویدییە بیانییەكان كەی بەوە دەكرێ‌ شاشەی رێكلامەكان بشكێنن، چۆن ئەو مافە بە خۆتان دەدەن خەڵكانی دیكە بكەنە دەرەوە”.

ئەو رووداوە لە هەردوو گەڕەكی رینكەبی و تێنستا روویداوە كە زۆربەی دانیشتووانەكەی عەرەب و سۆماڵین، كوردیش بە پلە سێ دێت. بەڵام سویدییەكان بە یەك چاو سەیری كورد و بیانییەكانی دیكە دەكەن.

چالاك رەئوف، دانیشتووی یەكێك لەو دوو گەڕەكە دەڵێت “زۆربەی كوردەكانی ئەم گەڕەكانەش تێكەڵی بەشێك لە كێشەكان بوون، چونكە زۆربەیان زیاد لە پێویست سەردانی مزگەوتەكان دەكەن”.
ئەندرسۆن دەڵێت “بەداخەوە بیانییەكان ویلایەتێكی بچووكی نیمچە ئیسلامییان لە شارێكی وەك ستۆكهۆڵم دروستكردووە”.

زبَڵدانەكان كێشەی گەورەن

یەكێك لە كێشە گەورەكانی كۆمپانیاكانی بواری كۆكردنەوەی زبڵ و پاشماوەكان، لەم جۆرە گەڕەكانەیە. تۆفیقە سوور، كەسایەتییەكی ناسراوی كورد لە سوید كە پشكێكی لە كۆمپانیایەكی كۆكردنەوەی زبڵ هەیە، گوتی “كەم لە كۆمپانیا سویدییەكان خۆیان لە قەرەی ئەم گەڕەكانە دەدەن”.

لە نەریتی ژیانی كۆمەڵایەتی ئەوروپا و بەتایبەت سوید كە زیاتر لە وڵاتانی دیكە بایەخیان بۆ پرسەكانی ژینگە هەیە، شوێنی فڕێدانی كەلوپەل و شمەك و خۆراك و شووشە جیاكراوەتەوە. بەڵام تۆفیقە سوور دەڵێت “كورد و بیانییەكان، گوێ بەمە نادەن، ئەمەش كێشە بۆ كۆمپانیاكانی كۆكردنەوەی خاشاك دروست دەكات، بە جۆرێك خەرجی كۆكردنەوەی خاشاك لەو گەڕەكانە سێ‌ هێندەی گەڕەكەكانی دیكەیە”.

تاكسی رەش و خواردنەوەی قاچاخ

یەكێك لە تایبەتمەندییەكانی ئەم گەڕەكانە، بوونی شوێنی فرۆشتنی جلوبەرگ و ئەو شتانەیە كە پەیوەندییان بە كولتووری ئیسلامییەوە هەیە، بۆ نموونە گۆشتی حەڵاڵ و حیجاب و پۆشاكی ئیسلامی لە پڕفرۆشترین شمەكەكانی ئەم گەڕەكانەن.

ئەحمەد تاڵب‌، دانیشتووی گەڕەكی هیوسبی و خەڵكی شاری عەممارەی عێراق دەڵێت “زۆربەی ئەو دوكانانەی ئەو شتانە دەفرۆشن لە نزیك مزگەوتەكانن”. گوتیشی “لەگەڕەكی هیوسبی، شمەكی شیعەكان و لە رینكەبی نیقاب زیاتر دەفرۆشرێن”.

بەڵام ئەوەی زۆر جێگەی شۆكە، بوونی ماددەی قاچاخ و خواردنەوە كهولییە قاچاخەكانە. ئەبو شەهاب كە لە یەكێك لەم دوكانانە خواردنەوەی ئەڵمانی و رووسی بە قاچاخ دەفرۆشێت، بە (رووداو)ی گوت “نرخەكەی زۆر لە نرخی بازاڕە فەرمییەكان هەرزانترە”.

بەپێی سیستمی سوید، ئەم جۆرە بازرگانییە لە ئاست فرۆشتنی ماددە سڕكەرەكانە و سزای توندی هەیە، بەڵام شەهاب دەڵێت “نەك هەر كورد و عەرەب، بەڵكو ئێستا گەنجە سویدییەكانیش دێنە لامان”.

چالاك كە تاكە كوردی دانیشتووی گەڕەكی سۆماڵییەكانە، زانیارییەكی دیكەی لەبارەی دانیشتووانی ئەو گەڕەكانە ئاشكرا كرد و گوتی “ئێستا تاكسی رەش (قاچاخ) لەو گەڕەكانە هەیە و بازاڕی تاكسییە فەرمییەكانیان كز كردووە”. چالاك گوتیشی “لەبەر ئەوەی فەرمی نین و هیچ باجێك و رسوماتێك نادەن، بۆیە نەفەر بە سێ‌ قات و چوار قات هەرزانتر لە تاكسییەكان دەگوازنەوە”.

بازدیدها: 72