پەیام سەرەخوەشی سازمان دموکراتیک یارسان(سدی) وە بونەێ ماڵئاوایی لە ژیان کردن کاک روسەم خسروی، ناسیاگ وە “ڕوسەم بازگر”

ئەگەر بتوایم شناخت درستیک لە ئنسانەکان داشتیمن، نیاز وە بەڕەسی لایەنە تاریخی، ئجتماعی و فەرهەنگییەکان هەر کسیک دێرێت تا بتوانیم تعریفێ مناسب و قابل‌قەبوڵ ئەرای داشتیمن. وە خاتر ئەوەی بتوانیم تعریفێک لە کاک ڕوسەم ئرائە بیەیم، باید یادیک لە خسڵەت، برخورد و ڕەفتار ئجتماعیەکانێ بەکەیم.

چن فاکتورئەسڵی هەس کە ئنسانییەت و گەوەرەیی ئنسانەکان لە مەحەک ئازمایش قەرار دەێت. تەحەمول و مقاومەت و لە خودگوزەشتەگی لە وەختە سەخت و تەنگناکانە، وە نەحوەێ ڕەفتاریان لە وەخت دەسچین و دسلات داریا.

کاک ڕوسەم دارای ئی جور خسوسیاتە وە مانای کەلەمە بی. لە وەخت تەنگانە، لە وەخت داشتن و نەیاشتن، فکر و هویر و تەڵاشێ نەک هەر لە لای خانەوادەکەی بی، بەڵکە وە تەحمل و مقاومەتیچ ئنرژی موسبەت وە چوار دەورەکەی بەخشی، وە گەرد و لە ناۆ مەردم بی.

ساڵها لە غوربەت، ئەویچ لە ئوردگاکان عراق کە خەریک بی ئنسانیەت ئنسانەکان بردە ژێر پرسیار، گەواهی ئی حەقیقەتەسە کە کاک ڕوسەم لە ڕۆژە تەنگەکان زندگیی، هەمیشە جور شەخسییەتێک مەردمێ و موسبەت توانست سبب دڵخوەشی و دڵنەوایی چواردەورەکەێ بود.

ئەما لە وەختێکیچ کە لە مەوقعییەت خاسترێک و دەسەڵات زیاترێک بەرخوردار بی، نەحوەێ ڕەفتارێ وە گەرد دیگەران و دوستانێا نمایانگر ئەرزشگەل ئنسانی و مدارا و مونفەعەت کۆمەڵگایک بی.

منتق و خەرەد ئی پیاگە لە هەڵس‌ و کفت وە گەرد دیگەران و حفازەت کردن لە مسڵەحەت و مونفەعەت چوار دەورەکەێ، مەوقعییەت ئنسانی و خوشەویستیی لە ناۆ مەردم سفت وە خاون جایگای شایستەێ خوەیە.

کاک ڕوسەم بازگر، شەخسییەتێک یارسانی، خۆەشناۆ، قسە خوەش، مەردمدار، مهماننەواز، مەنتەقەێ و دایم خوش تیپ بی. هەمیشە لە خۆەشی و ناخۆەشییەکان مەردم بەشدار بی و تەڵاش کرد وە موحەبەت و حەرکەتە دوستداشتەنیەکانی ئارامش لە ناۆ مەردم درۆس بکەێت.

کاک ڕوسەم لە سەر اساس وە قول معروف “چراخیک وە خانە رواس وە مسجد حەرامە”. بەرخورد کرد. هەر لەی گوشە نگاوە باوەڕ داشت کە ئنسان ئەوەڵ بایەد هەوڵ و تیکۆشان ئەڕا جامعە و مردم خوەێ بیەیت، تا بتوانێت لەی تەریقوە ئەڕا دیگەرانیچ موفید واقع بود. باوەڕ داشت کە مردم یارسان نیازمند ئتحاد و دفاع کردن ئەڕا وە دەس هاوردن حەق و خواستەکانیە. هەرچەند پیروزی و سەربەرزی مەردم و جامعەی یارسان ئەڕای لە موهمەکان و ئەولیەت زیاترێک قرار داشت، ئەما رفتارێ وە گەرد دیگەرانیچا مردم دارانە و مدارا بی.

هەر ئی خسوسیاتگل خاسیە باعس بی کە لە ناۆ مردم یارسان و هاوسا غیر یارسانیە کانا لە ئحترام بەرخوردار بود. لەێرەسە کە هونەر ئی گەورە پیاگە توانێت لە تەعاموڵ وە گەرد جامعە و برخورد ئجتماعی وە گەرد دیگەران تحلیل و تعریف کرد.

کاک ڕوسەم لە دروس کردن روابت ئجتماعی و ئاشتی کۆمەڵایەتی و تولرانس هەم باتجربە و هەم ئوستاد بی. هەر کەس کاک ڕوسەم بناسێت، حەتمەن خاس زانێت کە ئی پیاگە تەمام خەم و وهمێ خارج لە چوارچۆ خانەوادە و ئێڵکەی ئەڕا خزمەت و یەکیەتی و ئاشتی کۆمەڵایەتی وە کار برد و فرەجارێچ توانست وە بەرخوردەکانێ مەوقعییەتێک موسبەت لە ناۆ جامعەکە دروس بکەێت.

شاعر معاصرئێرانی، نیما یوشیج لە جشن یە سالی مناڵەکەێ هیشیت:
پسرم یک بهار، یک تابستان، یک پاییز و یک زمستان را دیدی،
از این پس همه چیز جهان تکراریست جز مهربانی!

کاک روسم هەم مهربان و فروتن و لە خود گوزشتە بی، هەم ئنسانێک ئازادە بی. ئەو ئەڕا خوشبەختی دیگەران کوشا، چوین باوەڕ داشت کە ئەو شادی و خوشبەختیە کە وە دیگەران ڕەسێ لە دڵ جێ گرێ.

کاک ڕوسەم ئەگەر چە سالیان فریک لە ئومرێ لە دویرلە ولات ژیا، ئەما هەمیشە دڵێ لە لای وەتەن و ئارەزوێ ئەوە بی کە بتوانێ لە وڵات خوەێ وە ئازادی و ئاسودە بژێت، ئەما مەرگ ئی مەجاڵە نەێا، وە لە سن ٨٢ێ ساڵیا لە ولات دانمارک ماڵئاوایی لە ژیان کرد.

سازمان دمکراتیک یارسان ئفتخار وە بنە مالە گەورە خسروی و جامعە یارسان کەێت کە ڕۆڵە و کەڵە پیاوگەلێک جور کاک ڕوسەم لە دامین خوی پەروەردە کردگس, لە ساێەی ئیجور شەخسیەتگەلێک ئی جامعە توانێت سەربەرز و سالم بود و کۆچ کردنێ وە خەسارێک گورە ئەرا جامعەکمان زانێت.
کۆمیتەی مەرکەزی سازمان دموکراتیک یارسان وە بونەی کۆچ و ماڵئاوایی کاک روسەم لە هاۆسەر ئەزیزێ میم ئامینە، خانەوادەکەێ، دوستانێ و ئێڵ بازگر سەرەخوەشی کیت و ئارەزۆ سلامتی ئەرا تمام بازماندەگان دیریت.

دەسێ لە داوان پیر خوەێ نەوڕیەت و ڕوحێ شاد.

کومیتەی مەرکەزی سازمان دموکراتیک یارسان, ئارهوس / دانمارک

25.2.2018

بازدیدها: 55