Yarsanmedia Yarsan Democratic Organization Official Website
یارسان مدیا
٣٠.١٢.٢٠٢٠
دویای مردن آیت اللە خمینی لە سال ١٣٦٨، علی خامنەای تا زەمان رفراندوم قانون ئەساسی وە دەنگ ئەکسەریەت مجلس خوبرەگان ڕەهبەری جور ڕەهبەر موقەت هەڵوژیریا و دویای گشتپرسی و ئسلاح قانون ئەساسی و حفز شەرت مەرجەعیەت ئەڕا ڕەهبەر لە مرداد سال ١٣٦٨ بیە ڕەهبەر دایمی جمهوری ئسلاامی ئێران.
مجلس خوبرەگان رەهبەری کە تەشکیل بویگەس لە فقیەگەل، بەر ئەساس ئەسڵ ١٠٧ قانون اساسی جمهوری اسلامی وەلی فقیە (رەهبەر جمهوری اسلامی)ئنتخاب کەێت و نزارەت وەسەر ئەمەڵکەرد دێرێت(هەڵبەت لە مودەت رەهبەری خامنەیی نیشان داگەس ویجورە نیە و هویچ نەهادێک تا ئیسە نەتوانستگەس کەسێکتر لە شون خامنەیی ئنتخاب بکەێ).
وەزیفە و اختیارگەل ڕەهبەری لە جمهوری اسلامی اێران!
– دە سنیشان کردن سیاسەتگەل گشتی نزام جمهوری اسلامی اێران لە شون مشورەت وەل مەجمە تەشخیس مەسڵەحەت نزام، (ئەیەچە جێ پرسیارە) .
– نزارەت دروس وەسەر سیاسەتگەل گشتی نزام
– فەرمان گشت پرسی
– فەرماندەێ گشتی نیروگەل موسەلە
– اێلان جەنگ و سوڵ و ڕێکخەر نێروگەل مەردومی
هەروەیجورە مەسول انتخاب، دەرکردن و قەبول کردن و استێفا یا دەرچین:
– فقەگەل شوراێ نگابان
– ڕەییس سازمان سداو سیماێ جمهوری اسلامی اێران
– ڕەییس گشتی نیروگەل موسەلە جمهوری اسلامی اێران
– فەرماندەێ گشتی سپاێ پاسدارەێل و دەێان اختیارات و مەسولیەت تر، لە یەک جومڵە توانریەت بویشیەت کە شەخس خامنەیی و بەیت ڕەهبەری کە ها ژێر نزارەت شەخس خامنەیی لە گەورەترین تا بویچکترین تەسمیمگیریەکان دەخاڵەت کەێ و بگرە فرەێچێ لەورە( لە بەیت ڕەهبەر) لەسەرێ بڕیار دریەت و جێوەجێ کریەت.
فرە لە موخاڵفەێل ڕژیم باوەڕ دێرن کە جمهوری اسلامی اێران وە بویین خامنەیی و وە یا دویاێ خامنەیی ها لە حاڵەت سقوت. بەش فرەێک لە موخاڵفەل جمهوری اسلامی اێران لە زمن سازمان دموکراتیک یارسان باوەڕ دێرن کە ئی ڕەژیمە وەوگەرد چاڵشگەل داخڵی و خارجی فرەێ جواروجور و گەورە ڕویوەڕویە کە وەیزوی حەتا وە لە زەمان ژیان خامنەیی ڕەژیم ناتوانێ ڕاحەلگەل دروس و ئەمەڵی ئەڕاێان پەێا بکەێ. چاڵش و موشکڵاتێک جور نگرانی مەردم لە گوزەرانن شەراێەت سەخت اقتسادی و کومەڵاێەتی و شکاف گەورەێ بەین مەردم وەگەرد نزام و حکومەت، تەنگتر بوین هەڵقەێ فشارگەل مەنتەقەیی و جەهانی وەسەر فیلترگەل حەێاتی و تەنەفوسی جمهوری اسلامی ونەتوانی و بێبەرنامەیی ڕوژلە دویاێ ڕوژ حکومەت لە پەێونی وەگەرد تەمام ئی چاڵش و موشکڵاتە ڕژیم لە بونبەست قەرار داێە .
مەسەڵەن فرز بەر ئیە بوت کە خامنەیی وەرلەوێ بمرێ ئایا لە انتخاب ڕەهبەر لە دویاێ خوەێ تاسیر دێرێ؟
ئەو نەزەرێ لەسەر ڕەهبەر ئایندە چوین بەێان کەێ؟
چو بازیگەرەێلێ لە انتخاب ڕەهبەر لە ئایندە خاون تاسیرن؟
جمهوری اسلام لە شون خامنەیی وەگەرد چو چاڵش و موشکڵاتێک ڕویوەڕوی بوت؟
تەجروبە نیشان داگەس کە خامنەیی لە سەر بویچکترین مەسائڵ لە جمهوری اسلامی نەزەر دەێ و شەخسەن لە تەسمیمگیری لە بارەێان دەخاڵەت کەێ. دویر لە باوەڕە کە لەسەر مەوزوێک موهم جور انتخاب ڕەهبەر ئایندە ساکت بوت.
هەڵبەت جارو بار لە مەورد ڕەهبەری ئیاندە باس لە موجتەبا خامنەیی لە ناو بڕێک لە نەهادگەل و لاێەنگەل ناو دەسەڵات کریەت.
وەلێ ئایا موجتەبا خامنەیی کارامایی و توانایی ئەوە دێرێ جور باوکێ ئی هەمکە نەهادە لە ژێر نفوز خوەێ مەهار بکێ، هەڵبەت ئەگەر مجڵس خوبرەگان تەنیا نەهاد حقوقی تەسمیمگر و داراێ اختیار قانونی لە تەیین ڕەهبەر تازە بزانیم، بڕێک لە نەهادگەل نفوزدار و موهم تر لە انتخاب ڕەهبەر ئایندە توانریەت وەک سپاێ پاسدارەێل وەتاێوەت بەش اتڵائاتی لەی بەشە، وەزارەت اتڵائات، بەیت ڕەهبەری، و بڕێکتر نەهاد لەوەرچەو گرد، پەس شانس موجتەبا خامنەیی اتماڵەن کەم بوت اڕا انتخاب بوینێ جور ڕەهبەر ئایندەێ جمهوری اسلامی اێران.
لە واقع مەسەڵەێ موهمتر ئیەسە کە لە شون مردن خامنەیی، ئارایش قودرەت بازیگەرەێل ئەسڵی چجورە.
لەلاێکتر، قودرەت- ئەویچ قودرەت موتڵەقەێ چوی وەلی فقیە-ئەوجورە گولدەرە کە مومکنە کە بازیگەرەێل ئەسڵی قودرەت لە جمهوری اسلامی اێران ڕویوەڕوی یەکتروە بکێ.
سپاە، بەیت ڕەهبەری، قوەێ قەزایە، وەزارەت اتڵائات،، مەجمەێ تەشخیس مەسڵەحەت، رەیس مجڵس کە ئیسە و لە زەمان خامنەیی فرە موتەحد نیەن مالوم نیە دویاێ ئەوئیانە وەگەرد یەک وارد تەنش بێشتر نەون.
ئەما سازمان دموکراتیک یارسان کە خاون بەرنامە و ئەهداف سیاسی دموکراتیکە، باوەڕ وە ئاڵوگوڕ و دەساودەس کردن دەسەڵات لە ناو جمهوری اسلامی اێران نەێرێ و باوەڕ دێرێ تەنیا گوزینە سقوت نزام جمهوری اسلامی اێرانە.
سازمان دموکراتیک یارسان کە فوکوسێ هالەسەر کومەڵگەێ یارسان و ئەڕا ئازادی، کەرامەت ئنسان، دموکراسی و ئداڵەت اجتماعی موبارزە و خەبات کەێ باوەڕ دێرێ کە حکومەتێک سکولار و دموکرات و ناموتەمەرکز کە لە تەمام استان،شار و شارسان و مەناتقتر دەسەڵات بەر ئەساس جوقرافیا و وەشێوەێ خود مودیریەت وە یا کومناڵ بوت و نێشتەجێەل ئە ومەنتەقەگەلە خاون نمایندەێ هەڵوژیاگ خوەێان بون لە ناو حکومەت و دەسەڵات (لە تەمام ئاستەکان) وەڕێوەبەری لە ناو وڵات. سازمان دموکراتیک یارسان باوەڕ دێرێ ئی جور نزام و دەسەڵات سیاسیە توانێ وەرلە فرە لە نزاع و کشمەکشگەل قەومی، دینی و مەزهەبی دویاێ سقوت جمهوری اسلامی اێران بگرێ.
ڕابەری هاوبەش، سازمان دموکراتیک یارسان
٣٠ ژانویە ٢٠٢٠
بازدیدها: 109