Yarsanmedia Yarsan Democratic Organization Official Website
كاكهییهكانی كوردستانی باشوور نیگهرانی خۆیان لهمهڕ ههڵوێستی كۆماری ئیسلامی ئێران لهبهرامبهر یارسانهكان و چهوساندنهوه و بێڕێزیكردن پێیان دهردهبڕن.
یارسانەكان ، یەكێكن لەو ئایینیانەی ، كە لە پاڵ ئایینیەكانی دیكهی كۆماری ئیسلامی ئێران و شیعەكانی ئەو وڵاتەدا دەژین. بەڵام بهپێی گوتهی خۆیان وێرای ئەوەی ئێران كورسی كەمە ئایینیەكانی بۆ پەیڕهوانی ئەو ئایینە ڕهوا نهبینیوه دهشچهوسێنرێنهوه.
“ئاكۆ شاوەیس” كەسایەتی دیاری كاكەیی و نوێنەری كاكەییەكانی هەڵەبجە لە ئەنجومەنی پارێزگای هەڵەبجە ، بۆ (باسنیوز) گوتی: “زیاتر لە 2 ملیۆن و 500 هەزار كەسی پهیڕهوی یارسان لە كۆماری ئیسلامی ئێراندا هەیە و دووەم كەمینەی ئەو وڵاتەن لە دوای موسڵمانە سونەكان ، بەڵام حكومەتی ئێران یارسانەكان دەچەوسێنێتەوە و دژایەتیان دەكات”.
گوتیشی: “دژایەتی كردن و بێرێزكردن بەرامبەر یارسانەكان بۆ ئەوە دەگەڕێتەوە ، كە یارسانەكان كوردن و ئایینەكەشیان كوردییە، ئەوانیش دژایەتی كورد دەكەن ، بۆیە دژایەتی یارسانەكان لەو وڵاتەدا دەكرێ ، واتە هۆكارەكەی هەم مەزهەبییە و هەمیش سیاسی”.
ناوبراو زیاتر گوتی: “بەلای ئێرانەوە گرنگە ، كە یارسانەكان لەناو جمهوری و پەرلەمانی ئێراندا دەنگ و ڕەنگ و داواكارییان نەبێت ، ئەمەش كاكەییەكانی كوردستانی باشووری نیگەران كردووە لەو دۆخەی ، كە لە وڵاتی كۆماری ئیسلامی ئێراندا ڕووبەڕووی یارسانەكان دەبێتەوە”.
ئاماژهی بۆ ئهوهش كرد كه له (27-2-2016) گروپێكی توندڕەو لە شیعەكانی ویلایەتی فەقی لە شاری (شائاباد) چوونەتە ناو (جەمخانە) ی یارسانەكان لە شارەكەدا و مەڕوماڵاتیان بردووەتە ناو حەوشەكەی و داویانە لە خەڵك و سوكایەتیان بەرامبەركردوون”
بەپێی ئاماره نافهرمییهكان ، كاكەییەكان لە هەرێمی كوردستاندا نزیكەی (200 بۆ 250) هەزار كەس دەبن و هەرچەندە هەوڵیانداوە ناویان لەناو دەستووری هەرێمی كوردستاندا بهێنرێت ، بەڵام تا ئێستە هەوڵەكان وەك پێویست ئەنجامی نەبووە.
ئاكۆ شاوەیش ، لەبارەی هەوڵەكانیان لە كوردستانی باشوودا گوتی: “هەوڵمانداوە لە حكومەت و پەڕلەماندا نوێنەرمان هەبێ و لە كاتی كێشەكاندا بتوانین بەرگری لە خۆمان بكەین ، هەندێك لەو هەوڵانەش جێبەجێ بووە ، بەڵام بهشێكی كهمه”
نوێنهری كاكهییهكان له ئهنجومهنی پارێزگای ههڵهبجه، زیاتر گوتی: “لەماوەی وهستانی كارهكانی پەڕلەمانی كوردستان و ئەو دۆخەی هەرێمی پێدا تێپەڕبووە ،هەستمانكردووە ، كە كۆماری ئیسلامی ئێران كاریگەری هەبووە لە سەر حیزبەكانی زۆنی (سەوز) و تا ڕادەیەك خاوبوونهوهیان له پشتگیری ئێمه پێوە دیارە”.
بازدیدها: 45