کۆچی دوایی شاعیر و نووسەر وسەیخان قاسمی

یارسان مدیا

09.05.2026

ئەوەڵ و ئاخر یار

شاعر و نویسەرێک یارسانی لە دیار گووران، ماڵاوایی لە ژیان کرد

وەپای خەوەرێگ ک وەدەسمان ڕەسییە، لەناو ڕووژگەل وەرین، شاعر و نویسەر، وسەیخان قاسمی لە گاوارەی گووران، ماڵاوایی لە ژیان کرد. ئوستاد وسەیخان لە تویل ئومر خوەی خزمەت فرەیگ وە زوان و ئەدەبیات گوورانی و جەمگەی یارسان کرد. ئەو لەبارەی ئەدەبیات باوەڕی یارسان شیکاری و مینەوان ئەنجام دا و هاسڵ ڕەنج و زامەتەکانی کتاوێکە وە ناو ( تاریخ تحلیلی آیین یاری و شرح دورهای ذاتی)، کە وەداخەوە هەتا ئیسە ئی ئاسار ئەرزشمەندە وە دەلیل موشکڵ ماڵی چاپ و بڵاو نەکریاسەو. نەمر وسەیخان هەرلێوا شاعرێگ قەڵەمڕەنگین و خاون زەوق و شەوق بی. زۆرم شیعرەکانێ وە زوان گوورانییە. ئەو لەڕێ شیعرەکان خوەی دەوڵەمەنی زوان داڵگی ک ڕیشە لە فەرهەنگ و ئەدەبیات یارسان و گووران دێرید، دەسنیشان کرد. وسەیخان وەخاتر لفت و گفت شیرین و شوون و لوون مەعنەوی لە ناو جەمگەی یارسان، خاون هورمەت و خوەشەویستی فراوان بی. بێشک کووچ دومایی ئی شەخسیەتە، لەتمەیگە لە جەمگەی ئەدەبی و فەرهەنگیی یارسان. کومسیوون پەخش و خەوەرڕەسانی و ئامووزشی حزب دموکراتیک یارسان وەی بوونەوە خوەی وە شەریک خەم و ئاخین خانەوادە و کەسوکار کووچکردێ و جەمگەی یارسان زانید.

بازدیدها: 256