پیرووزبایی گەرم لە دەسەی وەڕێوەبەریی و تیم تلیزوون زاگرووس ٢٤

بەڕێزگەل وەڕێوەبەران و ئەندامگەل تیم کاناڵ زاگرووس ٢٤

بێگوومان ڕەسانن( Media ), ڕوکن چوار دموکراسی یا دەسڵات چوارمە و هەمیچ ئازادی بەیان شاڕەگ دموکراسییە. هەر لە سەر فامین ئی بنەوا، وە لایەن کومسیوون پەخش و خەوەرڕەسانی حزب دموکراتیک یارسان، وە هەوەجە زانیمن ک وە بوونەی دامەزرانن کاناڵەکەتان، گەرمترین پیرووزبایی خوەمان پێشکەشتان بکەیمن و ئمێدواریم لە سەنگەر ڕەساننا سەرکەفتگ بین.

ئیمە چەوەڕوانیمان ئەوەسە ک وەڕێوەبەران ئی کاناڵە، پێشتر لە ئایدولوژیایی سیاسی وەگەرد موخاتبەکانیا هەڵسووکەفت بکەیت. لە لایەک تروە، ئمێدواریم ک ئی پارادیم نوو میدیاییە هەم بووت وە فاکتەرێگ ئەڕا ئاشکەراکردن هەقیقەت و ڕاسییەکان و هەمیچ بووت وە سەنگەرێگ ئەڕا پەڕەسەندن دموکراسی مشارەکەتی، دیالووگ، ئازادی بەیان و دەنگ جەمگەگەل ستەمدیدە. دانان ناو ” زاگرووس ” لە سەر ئی کاناڵە، مەسوولیەتێگ ئخڵاقی لە بار میدیایوە خەیتە سەر شان وەڕێوەبەرگەل کاناڵەکە ک بتوانێت بووت وە پێلێگ لە بەین دەنگ و ڕەنگ مەردم جنووب زاگرووس ( کرماشان، ئیلام، لووڕسان، هەمەدان) وەگەرد نەتەوەگەل ناو ئێران.

لەی بەینە، جەمگەی یارسان جوور یەکیک لە ڕەسەنترین و بنەڕەتی ترین کوڵەکەکان جنووب زاگرووس، دەس هاوکاری ئەڕا لاتان درێژ کەیت و ئمێدواریم ک دەروەچێگ واز بووت تا لە سەر بنەڕەت خاڵگەل هاوبەشمان لە زاگرووس وەگەرد یەکترا تێکووشان میدیایی ئەنجام بیەیم.

وەگەرد ڕێز و هورمەت, کومسیوون پەخش و خەوەرڕەسانی

حزب دموکراتیک یارسان

15 ژوئەن ٢٠٢٦ وەرانوەر وە ٢٥ واران بڕان خورەتاوی

بازدیدها: 279