مراسم سال2015 نوروز له ولات سوئد

هەر ئەوجورە کە لە ئتڵائیەێ وەرین لەڕێ فەیسبوک فدراسیون یارسان  و سایت یارسان میدیا وە ئتڵاتان ڕەسی، لە تاریخ ٢١.٠٣،٢٠١٥
مەراسمێک وە مناسبه ت جەشن نەوروز و ساڵ تازەێ ٢٧١٥
کوردی لە شار نیشوپینگ لەتەرەف ئەنجومەن ئەو شاروە و وەهاوکاری فدراسیون یارسان وە بەشداری هونەرمەند دەنگ خوەش ناوچەێ
کرماشان کاک ایمان احمدی و موزیک ژەن پەنجەڕەنگین سەیدبێهزاد حوسەینی وەڕێوە چی

.جور سونەتێک فەرەنگی مەردم وەختێ وارد لوکاڵ مەراسمەکە بین وەگەرد یەکتر ئەێد بمارکی کردن و ئارەزو ساڵێک خوەشتر ئەڕا یەکتر کردن
.لە سەرەتاێ بەرنامەکە کا قەمەر چیان وەخەێر هاتن بەشدارگەل مەراسم نەوروز کرد و جەشنە پیروزە وەپێان وەت
دوای ئەو کا احمد خودایاری سوخەنگو فدراسیون یارسان پەێامێک وە بونەێ نەوروز و ساڵ تازە پێشکەش کرد، لە ئدامەێ بەرنامەکە پەێام نەوروزی سازمان دموکراتیک یارسان لەتەرەف کاک مەنسور
جوانمیریوە تەقدیم کریا، لە ناو پەیامەکان ئشارە وە ئەهەمیەت و گرنگی جەشن نەوروز کریاوی و ئی ڕوژە وە ڕوژێک تاریخی و پڕ مانا وەسف کریاوی کە نەوروز سەرەڕاێ ئەوەێ هەڵگر پەێام ئاشتی و
.ژیانێک تازە س، بەڵکە لە ئەین حاڵ نەوروز جەشن سەرفەرازی و ئازادیە لە موقابڵ نابەرابەری و زوڵمو ستەم و شەوپەرەسی
لە شون خوەندنەوەێ پەێامەکان نەوبەت ڕەسیە گورانیوێژ دەنگ خوەش کاک ایمان احمدی کە وە گورانی کوردی گڕ و تین خاسێک دا جەشنەکە و مەردم وە زەوق و شادی و هەڵپەڕێ جارێکتر نەوروز

.شکودارتر کردن

جێ دێرێت ئشارە بکریەت کە سەرەڕاێ پێشکەش کردن گورانیگەڵێک وە لەهجەێ سورانی، گورانیوێژ گورانیگەل فلکلور فرەێک  شاد ناوچەی ئیلام و کرماشان وە لەهجەێ ئی مەردمانە پێشکەش کرد کە
.شەوەکە خوەشتر کرد کە گورانیەکان جارێکتر مەردم بردە میلکان باو باپیران خوەێان کە چەندەها ساڵە وەدەلایلگەڵێک لە لێ دویرخریانەسوە
مەراسمەکە تا سات ١ شەو وە گورانی و موزیک شاد ئدامە داشت و مەردمیچ جور هەمویشە تا ئاخر لەهزات کوتای بەرنامەکە وە شادی و خوەشی هەڵپەڕێ کردن. لە دویاێ بەرنامەکە مەردم چین چین
.لەیەکتر ماڵئاوای کردن و ئارەزو ژیانێک خوەشتر و ساڵێک پڕ لە خوەشی و سڵامەتی ئەڕا یەکتر خوازین.
لە کوتایی جێ دێرێت لە کاک بەێات میرزایی و دوستانێکتر کە لە شار ماڵموی چەندین ڕوژ مێوانداری هونەرمەند وە ئودە گردوین تەشەکور بکریەت، ماڵێان ئاوا و نمونەێان فرە بوت

فدراسیون یارسان

٢١.٠٣.٢٠١٥

بازدیدها: 58