Yarsanmedia Yarsan Democratic Organization Official Website
له ئشعار شاعر ئه زیز کاک حسین قاسمی، ناسراو کا وسیخان قاسمی
سیاوانه وینه گر کاک سهراب یوسفی
دالاهو تنگه.
روژی شیم اوسیر کانی وسراوان
دیم تیدا نیشتن جرگه نازاران
ونازا نیشتن طویله نمامان
گفتگوشانن شیرین مهوشان
یکی نه لیشان کال وکل و حویل
من دیری کردن لیوه واراگیل
ماکسی کمر چین زرد بیم آلی
پوشناس سرتاپا سوسنی خالی
که وش نیم پنجه سوز چیمنی
خستن نه سرپاش وه وش دیمنی
روی سری قرمز سفید خال خالی
هانه روی جمین شیرین جمالی
ابرو کمانی مژگان جور خدنگ
چوین مار زامدار آماده پی جنگ
دو دیدش کالن نگاش نیشدارن
لیوش هلاله سره کوه سارن
بالاش بی عیبن نه پا تا وسر
خیاطه خامش وستن او کمر
جفتی گوشوار طلای زرد چوین بی
مماسن هامتای گردن مینای می
زنجیر زنار زرین هن جه مل
مدروشو لولو چوین خرمانه کول
دوهنار کال چویزه گل ودم
لره ولارشن دل مکو وتم
سر چشمه کانی کم کم مند وچول
شی وه شانه شان پی پر کردن دول
شی وه سر کانی دوله کش پرکرد
شیشه عمره کی منش داوه برد
دوله کش پر کرد جه آوکانی
نیاش نه بان سر چویزه چمانی
آوکمی لرپ دا دول تکانش ورد
پر شنگ آوکه ممانش تر کرد
یار داچلکیا لرزا انامش
منش دی دنیا هاما وکامش
بال چم ورداشت نگاه وناز کرد
ریشه جرگه کی من مقراض گاز کرد
نیم نگاش ناز بی نارش ناشت نه دل
هی گل ودیده م پی چیشمن گول
چلش دا زامم پی شیرنی شیوه ش
پی دس نارسی نه باخ ومیوه ش
روانه را بی گام ونازه وه
بن بن ریشه دل داوه گازه وه
پیچقاوه خانه وتکیه دوریشان
کوک آسا مشیا نپی یانه ویشان
قلاچه سالار میعادگای یاران
جگه دیدارن پری دلداران
چمم هانه راش مشیا وراوه
راگه شقدیسن چوین راگه کاوه
شیت واراگیل ویل و ویلانم
دایم ها نه سو ئیش زامانم
اینه کل ویاد دوران جوانی
وسیخان واتن و وشزوانی
بازدیدها: 49