Yarsanmedia Yarsan Democratic Organization Official Website
یاسارن میدیا:وە پاێ خەوەرەکان دویکە ڕژیم جمهوری ئسلامی زندانی سیاسی کورد بهروز ئاڵخانی و چەن زندانیتر ئعدام کرد. ئیە نیشان دەێت کە ڕژیم جمهوری ئسلامی هویچ وەخت دەس لە کوشتار و ئعدام کردن هەڵناگرێ و لە شون وە سەرکار هاتن ڕوحانی ئعدامەکان فرەتێر وە بیە و هەر ڕوژ دوینیم کە ئی ڕژیمە وە بەهانەگەل جیاواز جوانەیل وڵات ئعدام کەێت. لە تەبلیغات ئنتخاباتی ڕوحانی قەوڵ دا کە کلیل ئازادی وەل خوەێ بارێ ئەگەر بڕەسێتە دەسەڵات، وەڵێ دیمن وەختێ ڕەسیە دەسەڵات هویچ فەرقێ وەل باقی ئاخونەکان نەێرێ و گشت ئیانە لە ژێر هەر ناوێک پەێرەو وڵایەت فەقیەن و تا ڕوژێک ئی ڕژیمە لە سەر کار بووت ئعدام، شکنجە و دەروەدەری هەر درێژە دێرێ.
سازمان دمکراتیک یارسان ئعدام بهروز ئاڵخانی شەرمەزار کەێت و سەر سڵامەتی لە بنە ماڵە و کەسو کارێ کەێت و لە هەمان وەخت لە سازمان ملل و ئورگانگەل ناودەوڵەتی داوا کەێت لە وەرانوەر ئی جنایەتگەل ڕژیمە بێ دەنگ نەون.
سازمان دموکراتیک یارسان
کومیتەێ تەبلیغات
٢٦.٧.٢٠١٥
بازدیدها: 43