“خاونکار جەشن ئاخێز و سەرهەڵدان “

یارسانمدیا

١.نوامبر ٢٠٢٢

“خاونکار جەشن ئاخێز و سەرهەڵدان “یاران مۆبارز و ۆە گشتی کومەڵگاێ یارسان، جەشن خاونکار پڕ ۆە دڵ وە
گشت پیروز بۆ
ئەوجورە کە زانیم ئیمساڵ ساڵ خوین بی، ساڵ سەرهەڵدان خەڵقەیل سەرانسەر ئێران دژ وە تاریکی و کونەپەرەستی،
ساڵێگ کە تەواو جەمگاکان ئەز جومڵە کومەڵگاێ یارسان دێرن کوشش کەن ئەڕا ئازادی، ئداڵەت و ڕەسین خەڵک وە
ماف ڕەۆاێان لە چوارچو نزامێگ دموکراتیک، کە ئیمڕوژ مەردم لە خێاوانەیل دێرن ڕێگە چارەگەێ وە دەنگ بەرز
ویشن وە ئەویش ڕمیان کامڵ ڕژیم ئرتجائی جمهوری ئساڵمی و وڵایەت فەقی لە جوقرافیای گشتی ئێرانە .
ئیجورe دیارە کومەڵگای یارسان جور هەمویشە بێشتر سەهم خۆەی دێرێ دەی وە دار ئازادی چەنها گیانبەخت کردگ،
چەنها بازداشتی، زەخمی و چەنها تەن لە ژێر هۆکم ئێئدام، کە ئیە نەک هەر نیشانەێ خودئاگاهی ئیمڕوژ جامئەێ
یارسان، بەڵکە نیشانەێ خودئاگاهی نزام فکری یاری لە گشت سەردەمەگانە و بێ ۆچان ۆە مۆبارزەێ جمشت ئداڵەت
تەڵەبی ۆ ئازادی بیە و قێام سەدەێ هەفت و دەۆران پیر و پادشاهی سولتان و یاران جۆر نمۆنەێگ لەی خەروار و
کۆماێ ئەقیەت نزام جەم و بیا و بەس یاریەسە لە ڕێگەێ ئازادی .
ئیجور دیارە لەی بورهەێ زەمانیە، نەهادەیل و ئەشخاس موتەنەفز مەدەنی و ئەقیدەئی کومەڵگایش هاۆدەنگ بینە
وەگەرد گشت مەردوم و دقەت کەن ئەڕا دەف و ڕەف کردن یەک سری تەۆتەئە و نەقشەێەل شۆم جور ئتفاقەیلێگ کە
لە ساڵەیل پێش لە ئیران رۆخ دا کە تەڵەفات گیانی و ڕۆۆهی فرەیگ ۆە جێ هیشت، ۆە ئیە خۆەێ تۆانە نیشانەێ
پێشڕەفت ۆ دەرک ئشتمائی گشتی کۆمەڵگا جور زەنجیر ۆەسڵ ۆە یەک بۆدن .
سازمان دموکراتیک یارسان داوا لە کۆمەڵگاێ یارسان کەی ئەڕا نواگیری لە تەۆتەئەێەل ئهتماڵی ڕژیم ۆ جنۆساید ۆ
کۆمەڵکۆژی ۆە شکڵ جەمئی لە هزور لە ئەماکن دینی باۆەڕی بپارێزن، و جەشنەگان ۆە شکڵ خانەوادەگی و
خسوسی بەرپا کەن .هەلەێۆا سازمان دموکراتیک یارسان داۆا لە گشتی کۆمەڵگاێ یارسان کەێ کە ۆە شکڵێگ
سازماندهی شدەتر دریژە بیەنە جمشت ئنقاڵبی خۆەی لە کنار گشت خەڵکەیل خوقرافیاێ ئیران، کە جەشن گەۆراێ
پیەوزی ڕوشنائی ۆە زوڵەمات ها ڕێۆە .
سازمان دمۆکراتیک یارسان هەمتر جەشن خاونکار، جەشن پیروزی نۊیر لە بەرانبەر تاریکی ۆە گشت یاران تەبریک
ۊیشە .جمشت ئنقاڵبی، ئەڕا ڕەسین ۆە ئازادی ۆ ئداڵەت یاران پایدار و بەردەۆام .
سازمان دموکراتیک یارسان
شەوراێ مەرکەزی
١.نوامبر ٢٠٢٢

بازدیدها: 108