Yarsanmedia Yarsan Democratic Organization Official Website
سازمان دمكراتيك يارسان ئێدام ” محيدين ابراهيمي ” و پەنج هاونيشتمان کورد ترەک کە لە لایەن ڕژیم ئسلامی دژ بەشەر ئێران گیانێان سەنیاس مەحكوم كەی. وەپای خەوەرەکان ئیمڕوژ ( ۲۶ اسفند ۴۰۱ ) پنج هاونيشتمانی كوردمان و دەس جنايتكارەیل جمهوری ئسلامی له زندان ئورميه ئێدام كريانه.
حکومەت دێکتاتوری جمهوری ئسلامی لە تویڵ ٤٤ ساڵ دەسڵات شوم خوەی، تومەتەیل ناڕەوا خستێەسە پاڵ چالاکەیل سیاسی و کومەڵایەتی و لە رێ ئێدام تەڵاش ئەڕا حذف فیزیکی موخاڵفان ڕژیم کەی. تەنانەت فرەجار تومەت حمڵ مەواد موخەدر ، جاسوسی و قەتڵ خەێتە پاڵ مخاڵفەیل ڕژیم و ئیدامێان کەی. لە خەوەرەکان باس لە ئەوە کریەت کە ” محيدين ابراهيمي” وە تومەت ئەندامێەتی لە یەکی لە ئەحزاب کوردی ئێدام کریاس، ئەما پەنج زندانی ترەک تومەت مەواد مخەدر خریاسە پالێان و ئێدام کریانە. سازمان دمکراتیک یارسان سەربار محکوم کردن ئی جنایت زد بەشەری، هاوخەمی خوەی وەگەرد بنەماڵە و کەس و کار ئەو گیانبەخت بیەیلە دەربڕی.
سازمان دمکراتیک یارسان داوا لە نیروەیل موخاڵف ڕژیم کەی کە واز لە ناکوکی و چەن بەرەکی بارن و ئەڕا گوزار لە جمهوری ئسلامی، لە دەور مەنشور (مهسا) وە یەک دەنگی فشار بخەنە سەر وڵاتەیل ناودەوڵەتی کە مشروئیەت جمهوری ئسلامی لە جەهان لەلێ بسەنیەت تا فرەتر لە ئیە مەردم لە ناو ئێران نەونە قوروانی سیستمیک دیکتاتور. سازمان دمکراتیک یارسان باوەڕ دێری یەکیەتی و هەمبەستەگی گشتی توانی ئەڕا ڕمیان ڕژیم ئسلامی ئێران رێ وازکەر بوت.
ژن ژیان ئازادی
نەمان ئەڕا جمهوری ئسلامی
سازمان دمکراتیک یارسان
۲۰۲۳/۰۳/۱۷
بازدیدها: 59