پیروزبایی سەر ساڵ تازە.

یارسان میدیا:

ئەندامان، لاێانگران و دڵسوزەێل سازمان دموکراتیک یارسان، سال تازە ٢٠١٩ وە گشتان پیروز بۆت.

هەر ئەو جورە کە زانین رژیم جمهوری اسلامی لە ساڵ ٢٠١٨ فشارەکان ئەڕا سەر ئازادیخوازەێل لە بەشگەل جوراوجور ناو کومەڵگە، کارگەرەێل، ژنان، بازنشستەگان، معلمەێل و فەعالەێل ژینگە پارێز و تمام اقلیەتەێل دینی و مزهبی لە ناو ئێران فرەتر کردگس. فشارکان بیە بایس اعترازات یەک لە دویاێ یەک بەشەێل و تەبەقەێەل ناو کۆمەڵگەێ ئێران و شعارەکان لەی اعترازاتە ڕەسیە مەرگ بر رژیم و مەرگ بەر خامنەیی و گشت ڕژیم گردە هدەف.

فشارگەل اقتسادی و بێ مودریەتی و دزی و فساد اداری لە تمام ادارات حکومی ڕەسیە ناو ماڵ بەیت ڕهبری و شخص خامنەای. بێ تەوەجویی سەران حکومەت وە مەردم زڵزڵە لێداگ استان کرماشان کە سەدان قوربانی گیانی لەلێ کەفتوە و لەدەسدان دار و نەدار چەندین ساڵە کە مەردم وە هەزاران دەرد و ڕەنج سەروسامانێک داوینە وەز زندگی خوەێان، وەلێ سەران ڕژیم لەجیاتی وەهاناوەهاتن و کومەککردن مەردم لەی نه هامەتیە، خود ڕژیم خوەێ وە ئەنقەس هویچ هاوکاری مردم نەکرد و بێ تەوەجویی ڕژیم بیە بایس قوربانی فرەتر و نهامەتی بێشتر، وەلێ مەردم ئێران لە گشت بەشەکان ئێران بێ لەوەرچەو گردن مەزھەب یا نەتەو وە همەت و هاوکاری انسانیەت خوەێان وە رژیم نیشان دان. جارێکتر اتحادێک انسانی لە بەین مردم دروس بی ئەڕا هاوکاری و کومەک وە هاو ولاتی خوەێان.

دیارە کومەک نەکردن ڕژیم وە مەردم لە استان کرماشان چەندین دەلیل داشت، یەکم بەش فرەێان یارسانی بین و اسلام نەوین و ئەوبەشەکەێترێان سونی بین. دیارە ڕژیم لەی حرکت مەردمیە خوەشێ نهات و فرە لە کومەکەکان مردم دزی و دەسگردە ملێانا و وەناو خوەێان بەشێکێ دانە مردم و بەشێکێ فروتن. لەساڵ ٢٠١٨ سەدان انسان ئازادیخواز لە لاێان ڕژیم اعدام کریان و هەزاران خریانەسە زندان و دەسوەسەر کریانە، سەدان کوڵبەر وەدەس افراد ڕژیم وە ئەنقەس گیانێان گیریا و سەدانتر زەخمی بینەس. وە گشتی توانریەت بویشیەت کە ساڵ ٢٠١٨ یەکی لە پڕ نهامەتیترین و ناخوەشترین ساڵەێل بیەس ئەڕا مەردم ئێران وەگشتی و ملەت کورد و وەتاێوەت مەردم یارسان.

سازمان دموکراتیک یارسان باوەڕ دێرێت کە ساڵ ٢٠١٩ بکریەتە ساڵ اتحاد و هاوکاری و هاوفکری احزاب اپوزسیون رژیم وەتاێوەت ئەوانەێ موبارزە ئەڕا سەرنگونی ڕژیم کەن و باوەڕیان وە حکومەتێکی مەردمی وسکولارە. سازمان دموکراتیک یارسان ڕێز گرێت لە تمام موبارزات و قوربانیەێلێک کە مەردم ئەڕا ئازادی و عداڵەت و برابەری دانەسەێ لە ناو ساڵ گزەشتە و ئارەزو دێرێ ساڵ ٢٠١٩بوتە ساڵ سەرنگونی ڕژیم زد انسانی جمهوری اسلامی اێران و وەدی هاتن حکومەتێک دموکراتیک و مەردمی.

ساڵ تازەتان بمارک. سازمان دموکراتیک یارسان

٢٠١٩.٠١.٠١

بازدیدها: 31