پەیام سازمان دمكراتیک یارسان (سدی) لە كونگرەی نەتەوەیی كوردستان لە لایەن شهریار القاصی, عضو شورای مركزی سازمان

یارسان مدیا
٢٠\١٠\٢٠١٩

بەشداران، ئەندامان و مێوانان ڕێزدار

یاران, مەر ئەوسا تیمور دڵشاد بو     ئازادی مخلوق دادڕەسی داد بو

لە مقابل پا وە گەز داین و فدا کاری دلێرانەێ شەرڤانان و مردم کورد لە رۆژئاواێ کوردستان سەر تەزیم دا نەونم.

مردم یارسان، هاوسو وە گەرد تمام ملت کورد لە سەرتاسەر دونیا ئەڕا حملە و قتل عام کورد لە ڕوژئاواێ کوردستان لە لایەن تورکیا، خفەتبار و خەڵق ئیمە هنوز ئەڕا ئازادی و سەربەستی مبارزە کەن.

ئەگەر ئیسە مردم کورد وە وەر چەو دونیا قەتل عام کریەت، هەر چەند غەێر ئنسانی و فرە بێڕەحمانەس، ئەما لە سیاسەت لە چوارچۆ منافع ملی،هیچ نامۆ نیە. چوین وەختێ باس لە ئرتباتات ناۆنەتەوەیی کەیم، لەێرە دی دوس و دوژمن دایمی نەیریم، ئەما منافع و بەرژەوەندی نەتەوەیی هەس.

لە تەجاوز و حملە تورکیە ئەڕا سەر ڕوژئاوا، جور ڕوژ ڕوشن دیارە کە ئیمە جور نەتەوەێ کورد هەمراێ بەرژەوەندی و ئەمنییەت نەتەوەیی ئەڕامان خاڵ یەکیەتی و یەکلاکەرەوە نیە.

لە تەمام دونیا ئیە پێچەوانەس، چوینکە وەختێ منافع و بەرژەوەندی و ئەمنیەت نەتەوەیی کەفێتە خەتەر، تەمام رەقیبگەل سیاسی و فرە جار دوژمنگەل قدیمی یەکتر وە خاتر پاسداری و دفاع لە مونفەعەت ملی لە دەور پلان و بەرنامەێک هاۆبەش جەم بن.

لە تورکیە لە مەلای ئسلامی بگرە، تا پارلمان، احزاب سیاسی مخالف یەکتر و تا فوتبالیست یەکدەنگ لە پشت تجاوزکاریەکان حکومت اردوغان و تورکیە وەسانە و لە

ڕاسیا بیەسە مەسەڵەیک ملی و ئەمنیەت ملی و کەس ئەڕای نیە لەی خەت قرمزە عبور بکەێت.

کوردەکان حەتا ناتوانن لە تەزاهوراتەکان لە سەر مەسەڵەیک نەتەوەیی کە نیاز وە ئتحاد نەتەوەیی دێرێت لە سومبڵگەل نەتەوەیی ئستفادە بکەن یا هەر نەوەت عکس و ڕسم تجاوزکارییەکان تورکیە وە دونیا نیشان بیەن. هر حزب و لایەنێک ئەوەڵ خوەێ نیشان دەێت تا نەهامەتیەکان ڕۆژئاوا کوردستان.

ئەوەی ئێسە ئیمە لە دەور یەک جەم کردگە، دەقیقەن بەرژەوەندی و مەسەڵەی نەتەوەییە. هەر لەی پرسپێکتیڤەوە، لازمە ئەندامان و کۆبوونەوەی کونگرەی نەتەوەیی، وە دیدێکی ڕخنەگەرانە و دویر لە موزایدەی سیاسی و بەرخورد عاتیفی و ئحساساتی، ڕێگا چارەیەک گۆنجاو وە سەردەمیانە کە جواوگو داوخوازیەکان ئیمڕوژ نەتەوەی کورد بوت، دەسنیشان بکەێت.

کورد ناتوانێ وە عەقڵییەت و میتودێ سەدەی بیستەم، مەسەڵەی نەتەوەیی کورد، کە نیاز وە مکانیزم و ڕێگاچارەی ئیمڕۆژی دێرێت حل بکەێت.

سازمان دموکراتیک یارسان باوەڕ دێرێت، هر پارچەێک لە کوردستان خسوسیات خاس خوەێ دێرێت و موقعیەت سیاسی، جوگرافی و فرهنگی و کۆمەڵایەتی هەر کام لەی بەشەگەلە کوردستانە نیازمند ڕێگا چارەیەل سیاسی لە چوارچو وڵاتگەل مربوتەن. دویای ساڵها خەبات و تێکوشان، وەخت ئەوە هاتگە کە لە چوارچو مەنافە و بەرژەوەندی نەتەوەیی، سیاسەت واقعبینانەترێک بگریمە وەر. لە غەێر ئی سورەتە، ئمکان دێرێت دویای ساڵانێکترنەک هەر ئتحاد و بەرژەوەندی ملیمان بکەفێتە خەتەر، بەڵکو بوتە باعس ئەوەیچە کە وڵاتانێک کە کورد لە ناوێان زندگی کەن هیچوخت ئجازەی پێشرفت و موفقییەت کورد لە هیچکام لە پارچەکان کوردستان نیەن. لە رفراندوم کوردستان عراق و ئیسە لە ڕوژئاوا شاهد ئی سناریوەیمە.

سدی ئەڕا ئایندەی ئێران باوەڕ دێرێت:

– سیستم سیاسی لە ئێران باید غەێر متمرکز بود

– قانون ئەساسی باید لە سەر ئەساس ئوسول عدم تمرکز و سکولاریسم و پلورالیسم، حقوق تاکەکان کۆمەڵگا و حقوق جەم زەمانت بکەێت.

– سازمان دمکراتیک یارسان لە بارەێ شکل نزام و حکومت، پادشاهی یا جمهوری هیچ تەعەسوبێک نەێرێت، و ئنتخاب هەرکام لە یانە واگذار کەێتە دەنگ مەردوم لە یەک گشتپرسی دموکراتیک و تحت نظارت سازمان ملل. ئەما سدی باوەڕ دێرێت کە پادشاە یا رئیس جمهور بایەد نقش تشریفاتی داشتوت و ناتوانێ دارای قدرت سیاسی و اجرائی بود.

– ئێران، وڵات تەمام ایرانیەکانە بدون لە وەرچەو گرتن تعلقات و وابستگیگەل زوانی، دینی، اتنیکی ، مذهبی، طبقاتی و جنسیتی. تەمام ئەفراد جور هاونیشتمانی دارای حقوق برابر و نویسریاگ لە قانون اساسیە وە مەنزوور ئستفادەێ دمکراتیک و آزاد لە هاوبەشی و مودیریت کردن وڵات.

– جیایی دین و دوڵەت و لغو دین ڕەسمی لە وڵات. دین باید بوتە ئەمرێک خسوسی ئەفراد لە سەر ئەساس ئحترام بەرابەر ئەڕا پەێڕەوان و دین و مذهب و بیروباوەڕەکانتر.

-دویاکەفتگی ئقتسادی، کومەڵایەتی باید لە تەریق بوجەگەل زیاگە ئەرا مەناتق محروم جوبران بکریەت و جیاوازیە تەبەقاتیەکان، و لە وەرچەو گرتن رعایت ئستانداردگەل محیط زیست کەم بکریەت.

– دابەش کردن سەروەت و سامان، درآمد و خدمات و دەسنیشان کردن حداقل استانداردگەل معیشتی و بهداشتی.

– سدی باوەر دێرێت کە تەمام قانونگەل دژ وە ژن باید نەمینیەت و ئێران باید حقوق ژنان لە چوارچو کونوانسیون حقوق بشر رعایت بکەێت.

سازمان دموکراتیک یارسان

١٨/١٠/٢٠١٩
هوڵەند

بازدیدها: 332