٢٥. نوڤامبر، ڕوژ لە وەروسان تون و تێژی زد وە ژن

یارسان مدیا
‏چهارشنبه‏، 25‏ نوامبر‏ 2019

شەوراێ مەرکەزی سازمان دموکراتیک یارسان:

٢٥. نوڤامبر، ڕوژ لە وەروسان تون و تێژی زد وە ژن

سلطان مرمو:
كِناچه و كُري ،كِناچه و كُري
توفيرشان نين كِناچه و كُري
بش سلطانن ازل هوَري
خاتونه دايراك اي بَشش خِري
پوشاك ياري او بالاش بِري
بيا وَ دايان پوران هوري
هر كس باچو كناچه وكري
موزيش و دم مولاي كَي بري

سلطان مرمو:
كُر و كِناچه ، كُر و كِناچه
توفيرشان نين كُر و كِناچه
اَو بَش بي راه مواچه
موزيت نَه دم تيغ دو هاچه

٥٦ ساڵ پێش وەختێک کە خوێشکەکان “میرابل” لە وەرانورە نزام جەور و جەفای ” رافائل تروجلو” لە وڵات دومەنیکان وەسان و قەیام کردن ڕفیان و دەسدرێژی کریا سەریان و لە دواییچدا کوشیان. ٢٥ نوڤامبر لە ساڵ ١٩٩٩ لە لایان رێکخریاێ نەتەوە یەکگردێەکان وەک ڕوژ جەهانی موبارزە کردن و نەهیشتن تونو تێژی دژ وە ژنێەل دیاری کریا.

بیشتر لە ٧٠٠ ساڵ لە ئیە وەر لە کوردسان ڕابەڕیەل “دین یاری” وە سەرکردایەتی شاە سولتان سەهاک ماف و موقعیەت کومەڵایەتی ژن لە ناو “دیوان گورە” دیاری و سەبت کردن. ئیجور فکر و ڕەفتارێک لە ئەو کات و زەمانە بدون داشتن نزامێک فکری کە خاونداریەتی لە تاریف کردن جی “ژن” لە کومەڵگاە بکەیت کارێک ئاسان و بی کوسپ نەویە.

ئیسە لە کوردسان، وە تاێوەت لە ڕوژ ئاواو و جنوب وە لە ناو مردوم یارسان، ژن کورد شان وە شان پێایەکان لە جمشت و هەلسان “نەتەوەی” لە بوار چەکداری، هونەر و موسیقا و سیاسەت دژ وە سیاسەت تاواننەوە و ئاسیملاسیون اتنیکی و دینی، کە کوولەکەکان ناسنامەێ نەتەوەی کوردن، تێکوشان کەن. ئیسە تەنیا ژن کورد کە لە خورهەڵهات ناوڕاسە دیریتن دیوارەکان پیاێ سالاری یەک لە دویای یەک ڕمنێتن وە هەر دوک ئیدە ئسلامی سونی و شیعە ( جمهوری اسلامی ایران و داعش) لە بار فکری و فەلسەفی وە چاڵش کیشیت. ژن کورد یارسانی وە رەقس و ژەندن تمویرە، وە ژن کورد لە ڕوژئاوا و جنوب کوردسان، هەردوک لە کنار پیاێەکان وە هاوشان و هاوگام ئەوان ئاڵای جمشت و هەلسان ئەڕا زنێانی ئازاد لە شان خوی هەلگردیە.

لە ئاخردا داوا لە سەرجەم ژنێەل یارسانی کەیمن لە داخل و خارج لە وڵات بیشتر لە ئیسە خویان لە ڕیكخریاێە سیاسی، فەرهەنگی و مەدەنییەکان یارسانی ڕێکبەخەن وە جاریکتر وەک خاتوین ڕەزبار، جلالە و فاطمە لورە وووو….بانە مەیدان تا ئەوکە جێ تارێخی ژن کور مسوگەر کەن.

شەوراێ مەرکەزی

سازمان دموکراتیک یارسان

٢٥/١١/٢٠١٩

بازدیدها: 113