راپۆرت خۆێ نیشاندان سازمان دموکراتیک یارسان لە استکهلم(سوئد)

                    سازمان دموکراتیک یارسان                                                        

https://www.facebook.com/sdy.yarsan?fref=ts

ڕاپورت!

هەر ئەوجور لە ئاگاداریگەل چەن روژ پێش ئشارە کریاوی، ئیمڕوژ ریکەفت  ٢٠١٦.٠٣.١٢ لە شار

 استوکهوڵم پاێتەخت وڵات سوئد گردبینەوەێک ئترازی ئەڕا مەحکومکردن رەژیم کۆمار اسلامی ئێران

 نسبەت وە تەوهین و بیڕێزی کردن وە کومەڵگەێ یارسان لە هەفتەێ وەرین لە شار اسلام آباد و هەر لەێوا پشتیبانی لە داخوازی و خواستە دموکراتیکەکان مەردم یارسان لە داخڵ ئێران وەرێوە چی.

جێ دیریت ئشارە بکریەت کە بەش وەرچەویک لە ئەندامان و لاێانگرەێل سازمان دموکراتیک یارسان و فدراسیاون یارسان لە وڵات سوئد و ئدەێک لە فەئالەێل و دڵسوزەێل  یارسانی و نوێنەر چەن حزب و لاێان سیاسی کوردستانی لە گردبینەوەکە هەم ئەڕا هماێەت کردن مەردم یارسان و لە هەمان وەخت ئەرا مەحکوم کردن تەوهین و بیڕێزیەکان جمهوری اسلامی ئێران نسبەت وە جامئەێ یارسان بەشدار ئترازە کە بین.

سەرەتا بەرنامەکە وە دەقەێک بێ دەنگی ئەڕا رێز گردن لە تەمام ئازادیخوازەێل گەل کورد وەتاێوەت

 یارسانیەلێک کەلە ڕێ ئازادی و برابەری گیان خوەێان بەخت کردنەس دەسوەپێ کرد.

هەرلەیجورە پەێام سازمان دموکراتیک یارسان لە لایان کاک منسور جوانمیریوە پێشکەش  کریا، لە پەێام سازمان دموکراتیک یارسان ئشارە کریاویە شرایەت حەساس جامعەێ تحت ستەم یارسان  و زوڵم و تەبئیزگەل سیستماتیک جمهوری اسلامی ئاخونی ئێران ئەڕا سەر ئی  جامئە لە مودەت ٣٧ سال لە سەردەدمداری و حوکمڕانی خوەێ.

لە ئدامەێ پەیامەکە ڕەفتار و ئەمڵکەردگەل لاێانگرەێل ڕەژیم و تەوهین و بێڕێزیەکان ئەڕا سەر کومەڵگەێ یارسان مەحکوم کریا و موبارزە و مقاومەت مەردم یارسان ئەڕا پاداگردن لەسەر حق و حقوقەێل خوەێان بەرز نرخان.

دویای پەێام سدی، پەێام فدراسیون یارسان لە سوئد لە تەرەف کاک احمد خودایاری وە زوان سوئدی خوەنیاوە. لە پەێامەکە اسارە کریاوی کە حکومەت اسلامی ئێران ناتوانێت وە هەرەشە و فشار مەردم یارسان و ئازادیخوازەێل لە داخوازیە کانێان دویرە و بخەێت، بەڵکە خاستری ڕاحەڵ گوشدان و قەبول کردن داوا و خواستەکان مەردمە، هەر لەیجور لە رەژیم داو کریا کە ئاێێن یاری جور باقی ئایین و دینە کانتر لە قانون اساسی خوەێ جور ئەقەلیەتێکی دینی قەبول بکەێت.

لە ئدامەێ بەرنامەکە پەێام کاک الح اسکەر خوسرەوی وە زوان فارسی پێشکەش وە بەشداران کریا، کە لە پەێامەکە اشارە وە زوڵم و ستەمگەل وڕژانە و بەرنامەرێزی شدەی حکومەت اسلامی اێران لە سەر کومەڵگەێ یارسان.

هەر ئیجورە پەێام حزب دموکرات کوردستان لە لاێان کاک محمد ڕەشید پیشکەش کریا، کە لە پەێامەکە سەرەڕاێ مەحکومکردن بێڕێزی وهتک حرمەت جمهوری اسلامی اێران لە سەر کومەڵگەێ یارسان، لە پەێامەکە ی حزب دموکرات کوردستان پشتیوانی لە حەرەکەتە موتەمەدنانەکان و داخوازیە رەواکان کومەڵگەێ یارسان جور بەشێک دانەبڕیاگ لە بنەماڵەی گەورەێ گەل کورد کریاو و ئامادەی هەرجور هاوکاری و هاو خەباتی خوەێان نیشان دان.

یەکیتر لە قسە کرەێل خوەێ نیشاندانەکە کاک ئەقباڵ سەفەری فئال سیاسی یارسانی بی کە فرە پاداگرد لەسەر مەسەڵەی نەتەواێەتی و ئتحاد و یەکیەتی هێز و لاێانەکان وە تەنیا ڕێگاێ رەسین وە ئارەز و خواستەکان گەلەێل ئازادیخواز لە ئێران زانی.

لە ئدامەێ کارە کان شێئرێک وە زوان کوردی لە وەسف فەلسەفەی ئاشتیخوازانە و سولح تەلەبانەێ  ئایین یاری  لە لاێان کاک ئومێد ڕەمەزانی بی کە فرە دڵنشین و پوڕ مان بی.

جێ دیریت ئشارە بکریەت کە نوێنەر حزب دموکرات کوردستان ئێران نەتوانستن لەوەخت خوەی نیشاندانەکە بەشدار بن بەڵام پەیام خوەێان هەناردوین،لە پەێامەکە پشتیوانی خوەیان لە داخوازی و خواستەکان کومەڵگەێ یارسان دەربڕوین و بێڕێزیەکان حکومەت اسلامی ئێران ارا سەر جامئەێ یارسان محکوم کردوین.

 لە کوتایی ئترازەکە سازمان دموکراتیک یارسان لە گەشت بەشدار بویگەل قەێرزانی کرد و لە سات ١٤.٠٠ دویا نیمەڕو ئترازەکە وەشێوەێ هێمنانە تەمام بی.

سازمان دموکراتیک یارسان!

فدراسیون فەرهنگی یارسان لە وڵات سوئد!

٢٠١٦.٠٣.١٢

Telephone:,

Sweden:  +46 739120406         Manssor Javanmiri

Sweden:   0046 729104004      Ali Mehrabi

Email:  km.sdy@outlook.com Website: www.yarsanmedia.org

بازدیدها: 47