بەیانیە سازمان دموکراتیک یارسان لە رابتە وەگەرد ئامادەکاری ئەڕا کونگرە ٣ی سدی

بەیانیە سازمان دموکراتیک یارسان لە رابتە وەگەرد ئامادەکاری ئەڕا کونگرە ٣ی سدی

سازمان دموکراتیک یارسان جور نەریت دموکراتیک و باوەڕ قویلی وە پرنسیپە دموکراتیکەکان هەر دو ساڵ جارێک کونگرە خوەێ گریت تا ئەندامان و دوستان ودڵسوزان سازمان دموکراتیک یارسان و مەسەڵەی یارسانی بتوانن لە کاناڵەکان دموکراسی و لە ناۆ گەورەترین ئورگان بڕیادەر ئی جەریانە تأسیر دابنەن و ڕەهبەریک تازە ئەڕا ئەنجام داین کارەکان ئایندەی سدی هەڵوژارن. 

یەکیک لە وەزایف گەورەی سازمان دموکراتیک یارسان و ڕەهبەری کونگرەێ ٢ وە نەهادینە کردن و مودرنیزە کردن سازمان دموکراتیک یارسان بیە و تەڵاشەکان لەی رابتە هەر لە ڕوژ ئەوڵ دویای کونگرەی ٢ وە شکڵگەل جوراوجور خوەی نیشان داس. نەهادینەکردن و پروسەی دموکراتیزاسیون ئی جەریان یارسانیە یەکیکە لە کارە ئەساسییەکان سازمان دموکراتیک یارسان. چوین مەوەفقییەت و ڕەسین وە هەدەفەکان سدی نیازمەند وە کولتورکردن دموکراسی لە ناو ڕەهبەری و تەمام ئورگانەکان سدیە. سازمان دموکراتیک یارسان، هەرچەند بێ کەم و کەسەری نیە و نیاز وە هاوکاری و هاوفکری هاونیشتمانەیل ئەڕا ڕەسین وە هەدەفەکانێ دێرێت، ئەما بێشک کارنامەێ چەند ساڵەی کە مودەتێک فرە کەمیچە نیشان دەێت کە لە پروسەێ وە فەرهەنگ کردن دموکراسی لە ناو سدی پێشڕەفت فرە کریاگەس و زەمینەسازی لەی ڕابتە کە جواوگو وەخت و مەوقعییەت تاریخی سدیە، کریاس.

لە عەین وەخت سازمان دموکراتیک یارسان باوەڕ دێرێت کە بایەد لەی ڕابتە کار و فەعالییەت زیاتر بکرییەت وهیچ وەخت لە ئەهمییەت پروسەی دموکراتیزاسیون و نەهادینە کردن تەشکیلات سدی کەم نەکریەتوە، چوینکە بین سدی یەک زەرورەت تاریخیە کە بایەد بتوانێت لە ئایندە لە حەق و حقوق دموکراتیک خوەێ ئەڕا پیادەکردن بەرنامەگەل دموکراتیک و سکولار خوەی تەڵاش بکەێت.

بنا وە باوەڕ وە فەرهەنگ دموکراسی، سدی لە تەریق کونگرەوە تەڵاش کەێت تا ئەندامان و تەرفداران حەق و حقوق یارسانی، دگرئەندیشان و مونتەقدان سازمان دموکراتیک یارسان لە پروسەێ تاسیرگوزاری لە کار و پلان و بەرنامەکان خوەێ دەخیل بێیەت. ئومێدواریم کە کونگرەێ ٣ی سدی، کونگرەی دەنگە جیاواز و ئازادیخوازەکان کومەڵگای یارسان بود و بتوانێت پلان و بەرنامە و ئستراتژی سدی وە جورێک تەنزیم بکەێت کە جواوگو کۆمەڵگای یارسان و چواردەورمان بود.

لە ڕێگای ئی بەیاننامەوە سازمان دموکراتیک یارسان داوا کەێت، کە هەر کەس، گرو یان جەریانێک هەر پەێام، دیدگا، پێشنیار و ڕخنە لە کاروبارەکان سدی و شێوە و شکڵ کارو فەعالییەتەکان سدی دێرێت ئەڕا سایت سازمان دموکراتیک یارسان تا تاریخ ٢٠١٦/٥/٣٠ کل بکەێت.

یارسانیان واجد شەرایەت کونگرە ئاگادار کەیمن کە کونگرە لە ڕێکەفت ١٨ و ١٩ی مانگ ژوئن لە سوئد وە ڕێوە چوت.

ئادرس و وەخت گردن کونگرە لە وەخت مەناسب وە ئتلا بەشداران کونگرە ڕەسێت.

کۆمیتەی ئامادەکاری کونگرە ٣ی سازمان دموکراتیک یارسان

٢٠١٦/٣/٢١ 

بازدیدها: 40