بەرگۆزاری مراسم نەوروز لە ولات سوئد

بەرگۆزاری مراسم نەوروز لە ولات سوئد

لە هەلکەفت 26/03/2016 لە لایان فدراسیون یارسان  لە ولات سۆئد شار اسکیلستونا مەراسم نەوروز وەرێوە چی. دیارە مەراسم نەوروز  لە ناو ملەت کۆرد وە گشتی و کۆمەلگاێ یارسان وە تایوەت جێگای خاس خۆێ دێرێد ، نه وروز له واقع ارا کومه لگه ی کوردی همویشه بیه سه ره مز و سمبل مبارزه  ارا وه ده سهاوردن آزادی و دموکراسی له مقابل دوشمنه یل.  دیاره هەر ساڵ وە یاد نەورۆز لە ٢١ مانگ مارس  ئی رۆژە وە هەلپەرکێ و گۆرانی چیمنە پێژوازی نەورۆز  و جشن گریم .ئەما وە دەلیل ئەوەێکە ٢١م ئیمسال کەفتە ٢ شەمە کە رۆژ کاری بی ناچار بیمن کە لە ٢٦ م جەشن نه وروز سه وز بکه یم. هەر ئەوجۆرە لە ئتلائیەقەبلی هاتۆی مەراسمەکە  لە سەهات ١٧ وە وەخت ئرۆپا لە لایان بەرپرس ئەنجۆمەن فەرهەنگی گۆران  کاک مۆراد فەتاحی لە شار ئسکیلستۆنا  کە میواندار مەراسمەکە بین دەس وە پێ کرد.جێ ئاماژەس کە مەردۆم لە سەرتاسەر سۆئد لە شەمال تا جنۆب کە زیاتر لە ٢٠ سائەت مەسافەت دێرێد وە شوق و زەوق فرەێکوە بەشدار بین تا لە ئی فۆرسەتە وە گەرد دۆستان ۆ ئاشنایان ئەێدبمارک بکەن و دیدارێک تازەوە بکەن.لە سەرەتا پەیام  پیروزبای فدراسیون یارسان لە لاێان کاک احمد خۆدایاری پێشکەش وە بەشداران کریا و آره زو شادی و سلامتی و سالیک پر له ده سکه فت ارا گشت لایک کریا. پەیام  نەوروزی سازمان دمکراتیک یارسان لە لایان کاک مەنسور جوامیری پێشکەش وە هازرین کریا، له پیام سازمان دموکراتیک یارسان اشاره کریا تحولاتگه ل خوه رهه لات ناوین وه تایوه ت زولم و ستمگه ل روژانه ی رژیم اسلامی ایران ارا سه ر کومه لگه ی یارسان و و تبعیز و تفرقه ی دروس کردن له به ین پیکهاته آیینی و مزهبی کان له  آخرین انتخابات له ایران. هه ر له ادامه ی په یامه که اشاره کریاویه  کوچ دان اجباری نیرو  جوانه یل یارسانی ارا ولاته یل اروپا و ارا سه ر نوشتی ناروشن  و ئاینده ی نادیار. له ادامه ی به رنامه که گۆرانی وێژ دەنگخۆش کاک سابیر جوامیری شەو شادیەکە دەس وە پێ کرد لە شۆنێ گۆرانی وێژ کاک ئازاد نۆری وە دەنگە خۆشەکەێ بەزمەکە گەرمتر  کرد.دیارە پەنجەێ رەنگین سەید بهزاد نەقش فرەێک لە شادیەکە داشت.لە شۆن چەن سائەتێک هەلپەرکەۆ شادی و چۆپیکیشان وچانێک دریا لە ئی فۆرسەتە فرە کەس کە مۆدەتها بی لە یەک بریاوین لە دەور یەک جەم بین و هاتن نەوروز وە یەکەن پیرۆز وەتن.لە ئدامە مەراسمەکە لە ڵاێان گۆرانی ویژەیل وە توانا کاک کیانۆش جۆامیری وکاک ئەزیز سەفەری چەن گۆرانی وە ئەێدانە پێشکەش وە بەشداران کردن کە فرە جێ رێز و دەس خۆشیە و لە لاێان بەشدارەیل ئستقبال لە لیان کریا. ئدامە مەراسمە  وە گۆرانی  هەلپەرکێ و شادی لە لایان کاک سابیر و کا ئازاد  تا سەهات ٢٤ ئدامە داشت

فدراسیون یارسان لە ئەنجۆمەن فەرهەنگی گۆران لە شار اسکیلستۆنا  دەسخۆشی ویشێد ئەرا مێوانداریان

فدراسیون یارسان

٢٧/٠٣/٢٠١٦

بازدیدها: 37