Home / پستهای تازە / اسلامگرایی و ضدیت وەل غیرە موسلمانەکان وە بەهانەێ  وەکافر و شیطانپرست زانستن یارسانیەکان لە لایەن مەلا حمید فرجی ووتارخوەن مزگەفت لە شار سرپیل زەهاو

اسلامگرایی و ضدیت وەل غیرە موسلمانەکان وە بەهانەێ  وەکافر و شیطانپرست زانستن یارسانیەکان لە لایەن مەلا حمید فرجی ووتارخوەن مزگەفت لە شار سرپیل زەهاو

 

یارسان مدیا
2020.11.24

رابەری هاوبەش سازمان دموکراتیک یارسان
لە تاریخ اسلاما مزگەفت جور ماڵ خوا و جێگای موقدس و عبادتگاە موسلمانان سەێر کریەت. هەر لە ناو مزگەفت و لە منبر مزگەفتوە گوتار و وتار دینی و دینداری و باوەڕ هاوردن ارا سەر دین اسلام ئاراستە و ڕەوانەێ جەمگا کریەت.

موسڵمانەکان ئەڕا عبادەت و نماز و وەجێ هاوردن  فرایض دینی ڕوی لە مزگەفت  کەن  و لە لایەن بانگخواز و مەلای مزگەفتوە هەم ئاموژیاری کریەن و هەم وەگەرد پەیامەکان اسلام و قورئان و پیغمبەر و پێشواگەل  ئسلاما ئاشنا کریەن. هەر لە مزگەفتەکانیچوە باس اسلام سیاسی و افکار توندوتیژی و لایەنگری لە گروپە جوراوجورەکان اسلامی و فتوا و جەهادیچ صادر کریەت.

ملاگەل بانگخواز وە وتارەکانیان لە منبر مزگەفتەکانەوە فرە تاسیرگوزارن لە سەر افکار عمومی موسلمانان، وە تایوەت بەشداران و گوشگران، چوینکە مردم ئاموژگاری و قسە و باسەکان مەلای مزگەفت جور نەزەر و دیدگای ئسولی قورئان، حەدیس نبوی و دین اسلام سەیر کەن، نەک نەزەر و دیدگای خود وتارخوەن و مەلای مزگەفت. لەیرەسە کە قسە و باسەکان مەلای مزگەفت تاسیرات خوەی لە سەر عەقڵیەت دینی، سیاسی و ئجتماعی جەمگاێ اسلام وە جی هیلی.

لە بار تاریخیوە بانگخواز ئسلامی موبلغ فرمودە و پیامە دینیەکان اسلامن و لەی ڕیوە هەم مردم مسلمان ارا دینداری و عبادت تشویق کەن وهەمیچ داوا لە مەردم غەێرە موسڵمان کەن کە ایمان وە دین اسلام بارن.

گوتار و وتار مەلا و بانگخوازە ئاینیەکان لە ژێر تاسیر سلفیزم و اخوانەکان قرار گردگە و اسلام سیاسی جور هەڕە شەیک ئەرا سەر زندگی ئاشتیخوازانەی تەمام ادیان  غەێر ابراهیمی و دیدگا جیاوازەکان ناو کومەڵگای ڕنگاوڕنگ کوردسان ئێرانە، وە  ڕەوت سەلەفی وەهابی دویای سەرهەڵدان القاعدە و وەتایوەت داعش لە کوردسان ئێران وە ڕوشنی پەیامێک آشکار ئاراستەی جەمگای کوردسان، وە تایوەت مردم یارسان کەیت و زنگ خەترەیکە کە باید جور آگر ژێر خوڵەکەو تماشای کرد.

هەڵبەتە لە کوردسان ایران و ایران، اسلام سیاسی ریشە لە تاریخ دیریت و ئی تاریخە توانیەت بوریەت ارا وەر لە وەسەرکار هاتن جمهوری اسلامی ایران. اما وەهاتن جمهوری اسلامی ایران، رسما حکومتیک وە ئیدئولوژی اسلامی شیعە دامەزریا کە عملا ارا سادر کردن انقلاب اسلامی ارا ولاتگەلتر وە ئاشکرا کار کەیت. لە جمهوری اسلامی ایران، هرچند دین رسمی وڵات دین اسلامە ، اما اسلام سونی لە حق و حقوق مساوی جور شیعەکان لە نەهادگەڵ قودرەت و تەسمیمگیری بەشدار نەوینە.

دامەزرانن احزب اسلامی جور مکتب قورئان و خەبات اسلامی کوردستان و  وە گشتی ڕوتە سلفی وهابی و ئەخوانەکان  لە کوردسان ئێران و بەشەکانتر کوردسان نیشادەر ئی واقعیەتەسە کە لە هەر تحولیک لە کوردسان ئیران وە وجود بایت احزاب اسلامی کوردی لە سەر اساس تفکر سونیزم دەور و نقش خوەیان بازی کەن. تفکرات اسلامی و سونیگری لە ناو احزاب نەتەویی کورد هەر لە سەرەتای دورس بینیانەوە ریشە داشتگە و هەرماێ ئی حزبگەلە خوەێان لە ژێر تاسیر امت اسلام و زاروەێ سورانی و ناوچەێک موشەخەس خوەێان تاریف کەن و نەتوانستنەس لەو بازنە تەنگە بانە دەیشت.

ارا نمونە لە افغانستان، عراق و سوریە چەندین جوان کورد ارا دفاع لە افکار ئخوانی، سلفی وهابی و جهادیسم خوەیان تەقاننەسوە وە دها کەس لە لێان کوشیا و دسگیر کریان.  سەدان کەس لە ڕیزەکان داعش و القاعدە و هاتن هزاران کەسی لە موریدان شیخ کەسنەزانی ئەرا کوردستان عراق بدون اجازە رسمی و رعایت کردن قوانین بین المللی و لە وخت حساس نەخوشی کرونا و بڕین سدها کیلومتر وە پا، نیشاندەر ئەوەسە کە جمگای موسلمان سونی مذهب کوردسان ایران هنوزئەو پوتانسیەلە مذهبیە دیرن کە هەر زوی خوەیان لە ناو زرفیک مذهبی افراطی جمع بکەن.

دیارە القاعدە، داعش و وهابیزم سلفی و ئخوانەکان و تەمام لق و پوەکانی سەرچاوە و زادەی ئی مکتب فکریەسە کە ١٤٠٠ ساڵە ارا سەپاننی وەسەر دین، مزهەب و کلتورگەل غەێر ابراهیمی کار کریەت و فرە جاریچ ئەڕا لە ناوبردنێان دەس دانەسە قەتڵ عام و کوشتن و لە ناو بردن. ایزدی، کاکەی و مەسیحیەکان کە خاون سەێر کردن و ئەرزشگەڵ ئخڵاقی و ئجتماعی جیاوازن، نمونەگەل دیار ای پاکتاو و لە ناوبردنەسە. ارا مل کچ کردن دیگران وە اسلام و ارا وە اسلام کردن کومەلگا لە زوان هەڕەشە و توندوتیژی و لە آیات قورائانی و حدیث نبوی اسلام استفادە کریاس و ئی کلتوورە هەرمای ادامە دیریت.

مەلا حمید فرجی لە سرپیل زەهاو براساس دقە دینیەکان اسلام مردم یارسان وە کافر و شیطانپرست و غیرە برا زانرێیت. ئیە نیشان دیت کە مەلا و بانگخوازەکان مزگەفتەکان نەک هەر هەول لە ناوبردن توندوتیژی و افکار فناتیکی و سلفیگری نەیانە، بەڵکو فرە جار هر لە منبر مزگەفتەکانوە ئەرا تقویت کردن ئی فکر ئخوانی و داعشیە تبلیغ و تەڵاش و کار کردنە و کەن. متاسفانە جەمگای کوردسان ایران وە ستەمیک کە زیاتر لە ٤١ سالە لە لایەن رژیم هار و ایدئولوژیک جمهوری اسلامی وەلی چوت، سخت لە ژێر فقر فرهنگی، ئاگاهی سیاسی و کومەڵایەتی، فقر مالی و سرکوب شدید ناڵەی تیت و لە ئازادییە ابتداییەکان بیبەش کریانەس. سەرکوت و خەفەقان و اجازە نەیان هەڵکیشان هوای ئازاد زیاتر ئنسانەکان وەرەو افراطیگری و فکر توندروەی و انتقام جوییوە پال نەیت. بیشک وڵاتگەل عەربی، جور عربستان سعودیە و قطر و ئەخوانەکان کوردسان عراقیچ تاسیرات خوەیان لە سەر مردم سونی لە کوردستان ئیرانیچ داشتنە و لە ئایندە دویای ڕمیان جمهوری اسلامی ایران، اگر اسلامگرایی و رەوت سلفی و وهابیزم مهار نکریەت، لە هەر وسیلەیک اڕا سەپانن افکار و بوچون خوەیان لە کومەلگای رنگاورنگ کوردسان استفادە کەن.

سازمان دموکراتیک یارسان باور وە همزیستی  ئاشتیخوازانە و قبولکردن یەکتر دیری و لەی بارە بنا وە معیارگەلیک کە لە فلسفە و جهانبینی و زات یارسانی سرچشمە گریت تلاش کەیت و کوملگای کوردستان وە تمام   جیاوازیە دینی، مزهەبی و کلتوریەکان قبول دیریت و باور دیریت کە نەتەوەی کورد باید لە رسالت و اصالت خوەی کە کلتور یارسانی لە سەری بنا نریاس ئستفادە بکەیت و تولرانس و پلورالیسم فرهنگی و سیاسی بکەیتە سرمشق تەمام تەقالاکان خوەی ئەرا دورس کردن جەمگایک کە ئەرزشە ئنسانیەکان لە ناوی پاریزیاگ بود.

متاسفانە سەدان ساڵە لە منبر مزگەفتەکانوە لە کوردسان تبلیغ ارا جیخستن اسلام تونڕەو و سەلفیزم کریەت. پیامگەلیک کە زیاتر لە سەر اساس فرهنگ و خواستە ناسیونالیستیەکان عرب دامەزریاس تاسیر فرە گەورایک لە سەر افکار ئی مردمە داشتگە و بیەسە بەشێک فرە موهم لە هویت و شناس ارایان. فرەیک لەی پەیامگەلە بوتە بایس توندوتیژی و پاکتاو و آسیملە کردن و نەتەوەی کوردیچ لەی ڕاسا باج فرەی داگەس و هەرمای ئەی خەتەرە لە قرن ٢١یچ  وجود دێریت.
باس ئی مقالە شەخس یا مەلای بانگخواز نیە، بلکە پەیامیکە کە وە نەزریە و بریار و تعلیمات دینی براساس بڕێک لە دەقەل لە دین اسلام ، قودسیەت دەیتە قسەکانی و لە ڕوانگەی دینوە مردم و افکار عمومی ولیا برخورد کەن.

لەی گوشە نوڕین سازمان دموکراتیک یارسان سەلفیزم تونڕەو وە خەتریک جدی ارا تبای لە ناو جەمگای کوردەوار کوردسان زانیت، وە باوەر دیریت کە جەمگای یارسان باید جور ماران گەستە همیشە ئامادگی دفاع لە مان و هەستی وشوناس نەتەویی و دینی خوەی داشتوت و هیچ وخت اجازە نەیەت کە تجربە تلخ یارسانیەکان (کەکەای) ئیزەدیەکان کوردسان عراق لە کوردسان و کوملگای یارسان لە ئیران تکرار بوتوە.

سازمان دموکراتیک یارسان باوەر دیریت کە گوفتمان نەتەوەیی و کوردایەتی، باید تعریفیک سەردەمیانە و هەمزەمان تاریخی ارای بکریەت و ئەرا تعریف کورد و کوردەوار ناتوانیەت هیچ سەرچاوەیک مستند تاریخی خاستر و باورپێکریایگترلە سەرچاوە  یارسانیەکان پەیا کرد، کە بتوانی ئەرزشگەل ئنسان کورد و نەتەوەی کورد تعریف بکەیت. لە ناو دفتەرگەل یارسانی توانیەت ارزش، جهانبینی و ذات و فلسفەی کوردەوار تعریف و مشخص بکریەت.

سازمان دموکراتیک یارسان ئەرا ئی ئەرزشگەلە کە توانی نەتەوەی کورد خوەێ وەپێ تاریف بکەێ موبارزە کەیت و باور دیریت کە کورد وە خاتر ئەوەی بتوانی گوفتمانیک نەتەوی واحد داشتوت بایەد سرلە نو خوەی تاریف بکەیت. یک گوفتمان هاوبەش و واحد کوردی توانی زەمانەتیک بود ارا زندگی مسالمت آمیز و قبولکردن ڕنگاورنگی  تەمام پێکهاتەکان جەمگای کوردسان.

رابەری هاوبەش سازمان دموکراتیک یارسان

2020/11/23

 

Visits: 107