Home / بیانیە کوردی / سازمانی دێموکراتیکی یارسان پشتیوانی  داوا ڕەواکانی خەڵکی ڕاپەڕیوی کوردستانی عێراق دەکات و کۆشتار و زیندانی کردنی خۆپێشاندەران مەحکووم دەکات

سازمانی دێموکراتیکی یارسان پشتیوانی  داوا ڕەواکانی خەڵکی ڕاپەڕیوی کوردستانی عێراق دەکات و کۆشتار و زیندانی کردنی خۆپێشاندەران مەحکووم دەکات

یارسان مدیا
١٢.١٢.٢٠٢٠

 

سازمانی دێموکراتیکی یارسان پشتیوانی  داوا ڕەواکانی خەڵکی ڕاپەڕیوی کوردستانی عێراق دەکات و کۆشتار و زیندانی کردنی خۆپێشاندەران مەحکووم دەکات

لە دواێ شەری دووهەمی کەنداو لە سالێ ١٩٩١وە تاکوو ئیستا جورە حکومەتیكی ناوچەیێ کە بە حکومەتی هەرێمی کوردستان بەناوبانگە  لە لایەن دوو حیزبی سەرەکی پارتی دیموکراتی کوردستان و یەکیەتی نیشتمانی کوردستان بە دەسەڵاتی سیاسی، ئابووری و نیزامیەوە بەڕێوە دەچێ.

بە داخەوە ئەم دو حێزبە لە پێناۆ بە دەسهێنانی هێزی سیاسی و نیزامی و ئابووری زیاتر، بەرژەوەندی گەورەی نێشتمانی و نەتەوەیی قوربانی بەرژەوەندیەکانی خوێان کردووە. دەسەڵاتداران و بەڕیوەبەرانی حکومەتی هەریمی کوردستان لە کاتە هەستیارە مێژوویی و سیاسی و نێشتمانی و نەتەوە یەکاندا لە پێناو تٶزێک دەسەڵات و بەرژەوەندی زیاتر سەرەبەخوێ و سەروەری گەل و نیشتمانیان بە وڵاتانی ئقلیمی و ناوچەیی فروشتووە.

حکوومەتی هەریم کە لە سەر ئەساسی بەرژەوەندی کەس و بنەماڵە بونیاتنراوە، پێوەندی سیاسی و ئیداری خوێ لە گەڵ ناوەند واتە حکومەتی فیدرالی عێراق پێشتر لە سەر بناخەێ ‌هێز تەنزیم کردوە تا قانونی ئەساسی (دستور). ئەمەش وای کردووە کە سیستمی دارایی و ئیداری حکوومەتی هەریم ناڕوونە و ئاماری داهاتی نەوت، گاز، گومرگ و داهاتەکانی باج و ناۆخۆ نادیارە و هێچ ناوەندێکی ئیداری سەربەخۆ چاوەدێری بە سەر “دخل و صرف” و گرێبەستەکانی نێوان حکوومەتی هەریم لە گەڵ کوومپانیە جێهانیەکان و وڵاتانی درواسێدا نیە.

لە دواێ ڕووخانێ حکومەتی سەدام حوسەین لە ساڵێ ٢٠٠٣ تائیستا دوحێزبی پارتی و یەکیەتی پێشتر لە جاران جێگە و هێزی خۆێان سفت و سوڵ کردووە و لە ناوچەکانی ژێر دەسەڵاتی خۆێان قسەێ ئەوڵ دەکەن. بە داخەوە دوای سێ دەیە لە حوکمڕانی و دەسەڵاتی کوردی، تاکی کورد ئێحساسی خالی بوون، بی هەویەتی، بێ هێواێ و بێ ئارمانی دەکات. قورخکاری و گەندەڵی بە سیستم کراوە و کەرامەت و شەخسیەتێ تاکی کورد وەک ئینسان بوتە موڵکی دەسەڵات.

ئینسانی کورد کە لە زاتیدا ژێر دەستەیی قبول نەکردووە، ناتوانێ لە بەرانبەر ناعەداڵەتی و چەوساندنەوەی کۆمەڵگا بە ناوی ناسیونالیزم و قودرەتی کذایی بێدەنگ بێت. خەڵکی کوردەوار لە کوردستانی عێراق ئیستا هەستی دۆبارە بە ئینسان بوون لە ناخی پەنگخواردویدا  سەری هەڵداوتەوە و لە بەرانبەر دەسەڵاتدارانی هەرێم دەستی بە ڕاپەڕین کردووە.

 

سازمانی دێموکراتیکی یارسان وێڕای پشتیوانی لە داوا ڕەواکانی خەڵکی کوردستانی عێراق دژ بە دەسەڵاتی نادیموکراتیک و ناعادڵانەی حکومەتی هەرێم، هەرچەشنە توند و تێژی ناوەندە ئەمنی، ئاسایشی و ئتڵاعاتیەکانێ حکوومەتی هەریم و هێزە حێزبیەکانێ  پارتی و یەکیەتی دژ بە ڕاپەڕیوان و خۆپێشاندەران مەحکووم دەکات.

 

سازمانی دێموکراتیکی یارسان، شەورای ناوەندی

١٢ دسامبر ٢٠٢٠

 

بازدیدها: 71