Home / پستهای تازە / تورکیە، بەشێک لە نزم پاوانخوازی جەهانی

تورکیە، بەشێک لە نزم پاوانخوازی جەهانی

یارسان مدیا
15.052022

 

کوردەکان لە وڵاتگەل ( چوارچوو دەوڵەت- ملەت) ئیران، تورکیە،ئەراق و سوریە  لە تەناسوب وە گەرد شەرایەت سیاسی لە مەقاتع  جیاواز شێوە و ڕەوش موبارزە سیاسی و هەڵس و کەفت دیپلماتیک خوێان تنزیم کردنە. لە کنار ئی ڕەوشە لە موبارزە ئەمەڵی ڕێ کارگەل فکری و نەزەری تاەزەێچ ئرائە کردن. هەر لە خودموختاری بگرێە تا سەر و خوێبیین وک رێکار لە نەزەر شێوە نزام سیاسی و ئداری تەرح کردنە. تا نوێسان ئی مەتنە فەقەت کورد لە ئەراق و سوریە و نوئێک لە خودمختاری سیاسی ڕەسینە کە بایەد لە تەناسوب وە گەرد شەرایەت حاکم لە هرکام لە ئی دو جێیە خستە وەر باس و تێڕامان.

وختێ ماشین جەنگی ، ئیدولوژی و سیاسی داعش وە پشتیوانی ئوردوگاێ سونی قەتەر، تورکیە و فرە لە وڵاتگەل خەلیج لە ناو مەنتەقە، مەخسوسەن سەرزوێ تاریخی کوردەکان، کەفتە ڕێ ئەولین قوروانیەکان جەمگای ئیزەدی و کاکەای و باقی جمگاگەل خاون ئەررزشگەل قەێر ئسلامی بین کە لە دروس کردن شارستانیەت مەنتەقە نەقش گورە بازی کردنە.

لە سەر بناخەێ دۆکومنت و ئەسناد، پارت دموکرات کوردستان وە چوڵ کردن شنگاڵ لە جنوساید جەمگاێ ئیزەدی موستەقیم دست داشت. ئەما وە خاتر ڕەوابت و موناسبات سیاسی و مەنافەێ موشتەرک قودرتگەل مەنتەقەێ و جەهانی ، نە پارتی، نە آمریکا و نە ڵاێانێکتر وە مەسئول ئی نەسڵ کوشێە مارفی کریا.

نێروگەل نزامی ( شەرەوان و گریلا) وابەستە وە ڕێکخریاگەل  ژێر چەتر پ.ک.ک هەم لە پاراستن مەردوم شنگال و دەرواز بێنیان لە کوشتن فرەتر نەقش جدی و موهم بازی کردن وە هەم لە پاراستن قودرت سیاسی لە هەولێر و سڵێمانی.

ئیمروژ دوێنێم کە تورکیە هەر وەختێ ئرادە بکەێت وە بەهانەێ حزور پ.ک.ک لە ناو خاک ئەراق- ئقلیم کوردستان هێرش کەیتە سەر بنکە و بارگاێ پ.ک.ک و مەناتق مسکونی مەردوم قەیر نزامی لە ئی مەنتەقە. تورکیە بەشیکە لە جەهان نئولیبرال، ئەندام ناتو وە سپەڕ شەرقی ناتو. مدێاێ ڕوژئاوا، نەهادگەڵ ناونەتەوی وە وڵاتگەڵ ڕوژئاوا ( ئوردوگاێ نئولیبرال ) لە وەرانوەر ئی ڕەفتار و بەرخورد تورکیە وە سکوت خوێان ئەڵامەت سەوز و ئجازە دانەشە تورکیە کە لە ژێر ناو “ئەمنیەت ملی” دەس وە هرگونە جنایەت وە تەجاوز بێیت. جێ داخە کە پارتی بێسە بەشێک لە ئی بازێ و جەنگ زەڕگەری قودرتگەڵ جەهانیە.

جێ شک نیە کە پارتی و پ.ک.ک، وە ئلەت ئەوە کە لە مەیدان موبارزە سیاسی بینە وە کەماکان هەن دووچار هەڵە بینە و بن، ئەما ئیانە نەبایەد بوتە دەلیل و ئامڵ وە داوو کەفتن قودرەتگەل مەنتەقەای بەرخەڵاف مەنافەێ کورد لە ناو ئی وڵاتگەلە. پارتی و پ.ک.ک بایەد حەد کەم تارێفێک موشەخەس ئەڕا مەنافەێ هاوبەش نەتەوەی کورد لە تورکیە و ئەراق داشتوێن وە لە چواچوو واقئییات سیاسی جەهانی مینەێ ڕێ کار و حەڵ سیاسی و ئەمەڵی بکەن. پارتی بایەد دەس و پاێ خوێ لە زەنجیر تورکیە واز کەێت و پ.ک.ک بایەد شەرایەت سیاسی پارتی دەرک بکەێت و لە سەر بناخەێ ئیجور دەرک و تەشخیس سیاسیە مەسئەڵەێ کورد لە ئەراق و تورکیە ( ئەو جورە کە هرکام لە ئەوان بەرنامەێ سیاسی ئەڕاێ دێرن) دوونباڵ بکەن وە لە ئاست جەهانی خاون پلاتفورم هاوبەش بن.

سازمان دموکراتیک یارسان

ڕابەری هاوبەش

مای ٢٠٢٢

بازدیدها: 56