درێژەدان فعالیەتەکان کومیتەێ کشوەری سازمان دموکراتیک یارسان لە وڵات نروژ

یارسانمدیا

29.10.2022

ڕووژ شەممە ڕێکەفت ٢٩ێ ئوکتوبر ٢٠٢٢ گردبینەوەێ جەماوەری ئەڕا پشتگیری لە شوڕش و ڕاپەڕین لە ناو ئێران لە ئوسلو پاێتەخت نروژ ڕێکخریاوی.
ئەندام ولایەنگرێەل سازمان دموکراتیک یارسان وەسەرپەرستی کومیتەێ کشوەری نروژ بەشدار ئەو ڕێپێوانە بین.
جێ باسە کە ئی ڕێپێوانە لە لاێەن کومیتەێ ئێرانیەکان نروژ ڕێک خریاوی وە سازمان و احزاب فرەێک ئێرانی بەشدار بین.
هەر لە سائەت دوو دواێ نیمەڕو جەمعیەت فرەێەک لە ئێرانیەل دانیشو وڵات نروژ لە وەر دەم ئیستگاێ قەتار ئوسلو جەم بین و تا دەر وەزارەت خارجەێ نروژ ئدامە وە ڕاپەێمایی خوەێان دان.

هەر لەیوا شعاریەل جوراوجور دژ وە ستەم و جناێەتیەل ڕژیم جمهوری ئسلامی ئێران ئدامە وە ڕێپێوانەکە دریا.
جێ باسە کە لە ماوەێ چل رووژ سەرهەڵدان ڕاپەڕێن ئێران، هەر هەفتە کومیتەێ کشورەری نروژ و ئەندام لاێەنگرێەل سازمان دموکراتیک یارسان فعالانە بەشدار گردبینەوەێ جەماوەری لە نروژ بینە وە دەنگ خوەێان خستنەسە پاڵ بەقیەێ ئێرانیەل دانیشتو نروژ ئەڕا پشتیوانی لە ڕاپەڕین مەردم لە داخڵ ئێران و مەحکوم کردن جناێەتیەل ڕژیم جمهوری ئسلامی ئێران دەرهەق وە مەدم بێ دەفاێ وڵاتمان ئێران

سازمان دموکراتیک یارسان، کومیتەێ کشوەری نروژ