Breaking News
Home / بیانیە کوردی / سازمان دموکراتیک یارسان لە سێدارەدایین موحسن شکاری و مەجیدرەزا رەهنەوەرد شەرمەزار کەی.

سازمان دموکراتیک یارسان لە سێدارەدایین موحسن شکاری و مەجیدرەزا رەهنەوەرد شەرمەزار کەی.

یارسانمدیا
‏22‏.12‏.13

رژیم زد بەشەری و دەسڵات‌خواز ئسلامی ئێران، وە بێ لە وەرچەو گردن حقووق شەخس و گوزەرانن پرووسەی دادگایی، کەس ناڕازی و موخاڵف بەیدە پای پەت سێدارە. ئەوەڵین قوروانییەیل ئی پرۆسەی جنایەت و تەسفیە حەساو سیاسییە، کەسەیلێک لە وێنەی “موحسن شکاری و مەجیدرەزا رەهنەوەرد” بینە.

جمهوری تاوان و جنایەت وەی کردەوەیل زد ئنسانی خوەێیە خوازێت فەزای ترس و تووقانن داسەپنێت وە سەر جەمگەیا. هەر ئیجوورە خوازیت لە دریژەی سیاسەتەیل قیزەوەن خوەی، دووبەرەکی لە بەین مەردم دروس بکەی و هەمیچ ئرادەی  پاوەگەزدانێان شل و لاواز بکەی. وە خوەشییەو خەڵک وە ئاگایی و وشیاری ئدامە دەنە مبارزەیان و وە گوزەر لەی ڕژیمە رەسنە لویتکەی ستراتیژی و ئەرزشەیل خوەیان. دامەزرانن  نزام دموکراتیک و سکولار ئامانج بنەڕەتی مەردمە.

سازمان دموکراتیک یارسان، سەربار ئێلام  هاودەردی وەل خانەوادەی “شکاری و رەهنەوەرد”، ئی کردەوەی قیزەون و جنایەت زد بەشەری رژیم ئسلامی ئێرانە شەرمەزار کەی و داوا لە ناوەندەیل ناونەتەوەیی کەی کە پشتیوان مەردم ئێران بوون و لە ڕێ وە پەرتەخ رەسانن پەیوەندییەیل سیاسی و ئقتسادی خوەیان، رژیم گوشەگیر بکەن و وەیجوورە ناچاری بکەن  ک تەسلیم داخواز مەردم ئێران بووت، ئیەیچە تەنیا وە جێهشتن دەسڵات ئمکان دێرێت.

مردن ئەڕا جمهوری ئسلامی ئێران

پایار بووت دموکراسی و لائیسیتە، ئەداڵەت کۆمەڵایەتی و ئقتسادی

 

سازمان دموکراتیک یارسان

 

Visits: 44