Home / پستهای تازە / ‎بەشداری سازمان دمکراتیک یارسان لە ساڵ یاد دامەزراندن کۆنگرەێ نەتەوی کوردستان

‎بەشداری سازمان دمکراتیک یارسان لە ساڵ یاد دامەزراندن کۆنگرەێ نەتەوی کوردستان

 

یارسانمدیا
25 May 2024

ڕووژ شەممە ٢٥/٥/٢٠٢٤ وە بەشداری نوێنەر پارت و ڕێکخراوە کوردستانیەکان و چەندین کەساێەتی نیشتیمانپەروەر لە وڵات نروژ’ وەبونەێ ٢٥ ساڵەێ دامەراندن کۆنگرەێ نەتەوەیی کوردستان مەراسمێک وەڕێوە بریا.

ھەێئەتێک لە یاران سازمان دموکراتیک یارسان کە پێک ھاتوی لە کاک احمد مرادی مسئول کمیسیون روابط سیاسی و دیپلماسی، کاک شادوست کەریمی مسئول کومیتەێ نروژ سازمان دمکراتیک یارسان و کاک مەنسور سەلیمی یار ئی کومیتە لەسەر دعوەت ( کومیتەێ نروژ  ک ن ک) بەشدار  مەراسمەکە بین و پەێام پیروزبایی سازمان دموکراتیک یارسان ڕەساننە کومیتەێ  کەنەکە لە نروژ .

لەێ مەراسمە تەنیا نوینەرەکان کەنەکە وتار پێشکەش کردن و تعکید لەسەر  زەرورەت یەکدەنگی و یەک ھەڵوێستی و کار ھاوبەش و ھەماھەنگی زیاتر لە بەین پارت و رێکخراوە کوردستانیەکان کردن.

جێ باسە کە بەشداری وەرچەو ژنێەل کورد وە لەباس کوردیوە سیماێ مەراسمەکە رەنگینتر کردوین. مەراسمەکە وە چەندین بەرنامەێ ھونەری کوتایی وەپێ ھات.

پەێام سازمان دمکراتیک یارسان وەبونەێ ٢٥ مین ساڵڕووژ دامەزراندن کونگرەێ نەتەوەیی کوردستان

‎لە ڕووژ ٢٤/٥/١٩٩٩ لە شار امستردام پاێتەخت هولاند وەبەشداری نوینەرگەل هێزە سیاسیەکان چوارپارچەێ کوردستان، ناوەندگەل مەدەنی و ڕووشنفکرگەل نیشتمانپەروەر، کونگرەێ نەتەوەیی کوردستان دامەزریا. لە ماوەێ ئی ٢٥ ساڵە،کونگرەێ نەتەویی کوردستان، بێوچان کار ئەڕا به‌ها دێموکراتیکە کان کەێت.

‎سازمان دمکراتیک یارسان سەرەڕاێ دەسخوەشی و ماندونەوین لە تەڵاش بێوچان بەرپرسگەل کونگرەێ نەتەوەیی کوردستان کە نە کە لە هەمان وەختا   یاد ٢٥مین ساڵ دامەزراندن ئی ناوەند نەتەوەییە وە گشت وەڕێوەبەرگەل *کە نە کە و سەرجەم ئازادیخوازان پیروزبایی هویشێت. لە ڕوانگەێ سازمان دموکراتیک یارسانوە، لەی هەلومەرج ئیستا کە ئازادیخوازان زیاتر لە ژێر گوشارو چاوسانەوەێ نەێارەکانێا کە نە کە جور ناوەندێک دموکراتیک و سکولار توانێت چەترێک بووت ئەڕا یەکخستن ناو ماڵ ئازادیخوازان و پویچەڵ کردنەوەێ پڵان نەێارەکانێ. هەر وەیخاترە ئەرکە لەسەر گشت هێز و لاێەگەل دموکراتیک، لە هاوکاری و هاوئاهەنگی وەگەرد کونگرەێ نەتەوەیی کوردستانا بەردەوام بوون.

‎جارێکتر ٢٥مین ساڵڕوژ دامەزراندن کونگرەێ نەتەوەیی پیروز بوت و ئارەزو سەرکەفتن ئەڕا نەتەوەێ کورد

سازمان دمکراتیک یارسان ‎کومیتەی نوروژ

‏شەممە‏، 25‏ می ‏، 2024

Visits: 130