بەیاننامەێ کوتایی کونگرەی هەفتم سازمان دموکراتیک یارسان( حزب دموکراتیک یارسان- کونگرەی(ملیکا دەستیاب)

٥ ئەپریل ٢٠٢٦ میلادی

کونگرە لە هەڵکەفت ٤ ئەپریل ٢٠٢٦ میلادی وە یە دەقە بێدەنگی وە یاد گیانبەختکردگەل ڕێ ئازادی، خسوسەن گیانبەختکردگەل یارسانی، دەسوەپێکرد.

لە درێژەیا، ئەڕا ڕێزگرتن لە پاوەگەزدان مەردم یارسان لە سەف جمشت مقاومەت جەمگەی ئەهل هەق( جنبش مقاومت جامعە اهل حق) و گیانبەختکردگ ئی ڕێیە ، زنێگ یاد(( مامەنەزەر نووری))، کونگرە وە شێوەی ڕەسمی وەلایەن یار سازمان کا (( ئەردەشێر نووری)) واز کریا و وە لایەن بەشداربیگەل کونگرەوە پەسەن کریا.

کونگرەی هەفتم سازمان دموکراتیک یارسان لە هەلوومەرجێک وەڕێوەچی ک ئێران لە ئەنجام سیاسەتگەل جمهووری ئسلامی وارد شەرایەتێگ جەنگی و ڕویوەڕوبینەوەی وەروڵاو لە بوار ناوچەیی، خسوسەن وەرانوەر وە وڵاتگەل یەکگرتگ ئمریکا و ئسرائیل هاتگەس. هاوزەمان وەگەرد قەیرانگەل قویل لە بوارگەل سیاسی، ئشتمایی و ئکنوومی، دەسوپەنجە نەرم کەی. وەڕێوەبردن ئی کونگرە نیشاندەر پابەندبین بەردەوام ئی جەمە وە ئسوول دموکراتیک، درێژەی فەئالیەتگەل ڕێکخریاگ و پەڕەدایین وە مەکانیزمگەل ناوخویی سازمانە.

لە بەش یەکم، گوزارش شەوراێ مەرکەزی وەلایەن یار ڕابەریی هاوبەش کونگرەی شەشم، کا ئەمیر سەلیمی، پێشکەش کریا.

ئی گوزارشە لە شوون هەڵسەنگانن هەلوومەرج گشتی وڵات و شەرایەت ئشتمایی، شەوق خستەسەر فەئالیەتگەل و پەیوەندی و هەڵسووکەفت سازمان وەل نێرووگەل و جەریانگەل جورواجوور موخاڵف جمهووری ئسلامی،  مەسەڵەیلێگ لەوای، ئکنوومی،  ئاڵوگوڕگەل ناوچەیی و ناودەوڵەتی، هەلوومەرج کوردەکان لە بەشگەل جورواجوور کوردسان و ڕەهەندگەل ڕویوەڕوبینەوەی ئێرەنگەیی لە ناوچەگە. ئی گوزارشە لە شوون باس و ئاڵووگووڕ ویروڕا وەلایەن کونگرەوە پەسەن کریا.

لە درێژەیا، گوزارش کومسیوونەکان و کومیتەگەل کشووەری پێشکەش کریا.

ئی گوزارشگەلە وە نووڕینێگ گشتگیر لە سەر فانکشن (عملکرد) ئورگانەکان لە فاسڵەێ بەین دو کونگرە، زەمینەیێگ ئەڕا هەڵسەنگانن دەسکەفتەکان، شناسایی چاڵشەکان و دانان نەخشەڕێ ئەڕا کارگەل ئایندە دەسنیشان کریا.

کونگرە لە مودەت دو ڕووژ جەمەوبین چڕوپڕ، هەڵسەنگانن ئەڕا بەرنامەکان،  ساختارەکان و ئەساسنامە کرد و لە ئەنجاما بەڵگەنامەکان کونگرە پەسەن کریا.

بەشداربیگەل جەخت لە سەر بەردەوامیی هاوکارییەکان، بردنە بان هەماهەنگی دەروین سازمانی وبەرنامەرێزی هەدەفمەند ئەڕا فەئالیەتگەل ئایندە کردنوە.

سازمان دموکراتیک یارسان لە زەمان دامەزرانیوە لە ساڵ ٢٠١٢ ، وە کردەوە لە ژێر ناو هەویەت حزبێک سیاسی فەئالیەت کردێیە. لە سەر ئی بنەوا و وە پێشنیار شەوراێ مەرکەزی،  کونگڕە بڕیار دا  ک ناو (( سازمان دموکراتیک یارسان)) بگوڕێت وە  (( حزب دموکراتیک یارسان)) و لەیەولا فەئالیەتەکان خوەێ لە چوارچوو یە حزب سیاسی درێژە دەێت.

کونگرە لە شوون قەێرزانی لە بەشداری ئەکتیڤ تەمام یاران و کووشش ئورگانگەل جورواجوور، ئمێدەوارە ک پەسەنکریاگەل ئی دەورە بتوانێت بووت وە دەلیل یەکڕێزی فرەتر، کارایی بەرز و هەنگاوگەل کاریگەر لە ڕێ وەدیهاوردن ئامانجگەل سیاسیی حزبەکە.

کونگرە وە پادانەگەز لە سەر ڕووحیەی یاکانگیری،  هاوکاریی دەسەجەمی و پابەس بین وە ئسوول تەشکیلاتی و حزبی، وە هەڵوژاردن شەوراێ مەرکەزی تازە، دومایی وەکارگەل خوەێ هاورد.

حزب دموکراتیک یارسان

شەوراێ مەرکەزی

بازدیدها: 91