Yarsanmedia Yarsan Democratic Organization Official Website
وە پاێ خەوەرێک کە لە سایتەکان رەژیم ولا بیەسوە ٢ دۆیەت نەوجوان ١٤ سالان سەهات ١٦.٤٤ دەقیقە لە جەنەت ئاوا خەیاوان پەێغەمەر لە تەیران لە بان ساختمان خۆێان خستنە خوار و وە سەبەب خۆینریزی شەدید وەداخوە هەردۆکێان گیانێان لە دەس دان .
فاجئە دەردناک و تاسف هاوەر خۆدکۆشی پەێدەرپەێ لە ئێران رۆژ لە شون رۆژ هالە زیاد بیین.دیارە بنچینەێ ئی مالوێرانیە لە فەقر و نا امیدی سەرچشمە گرێد. وە گۆفتەێ ئەحمەد حاجی لە کاروەدەسەیل وەزارەت بهداشت لە جەلەسەێ رۆژ یەشەمە ئتراف کرد کە کەسانێک دەس دەنە خۆد کۆشی بەین سن ١٥ تا ٢٤ سالانە. ناوبریاگ ئشارە کرد کە ئەفراد بێکار فرەتر لە دیگەران دەس وە خۆدکۆشی دەن.
ئزافە کرد کە ئامار خۆدکۆشی لە دەهات ٣٠/٠ ئەما لە شارەکان وە ٧٠/٠ رەسیە. خەوەررەسانی ئیسنا ئیخەوەرە پەخش کرد ئزافە کەێد کە هیچ ئامارێک لەو کەسانە ک لە سال گۆزەشتە دەس دانەسە خۆدکۆشی تا ئیسە پەخش نەکریاس ئەما تبق گۆزارش رۆژنامە خۆرهەلات(مەشرەق) لەسال ١٦/٠٨/٢٠١٤ وە گۆفتەێ رەئیس سازمان دۆکتر قانۆنی ولات لە ئەو سالە ٤٠٥٥ نەفەر دەس دانەسە خۆدکۆشی.
بازدیدها: 50