پیام سازمان دمکراتیک یارسان ( سدی) و بونه هاتن نوروز و سال تازه

هەر ڕوژتان نەوروز و نەوروزتان پیروز

لە وەختێکا وە پیری نەورۆز چیمن کە مردم ئێران وە گشتی و کورد وە تایبەتی لە ئێران لە سەختترین مەوقعییەت لە بار مالی و سیاسی و ئازادییە بنەڕەتییەکان قەرار گردنە. زەوی لەرزەێ ئوستان کرماشان و وێران بین هەزاران مال و قوربانی بین سدها کەس و نەڕەسین حکومەت وە مردم، بێشتر ماهییەت ناکارآمدی سیاسی و ئقتسادی جمهوری ئسلامی ئێران و زوڵم و زۆر ئی رژیمە نیشن داس. وەنگوە هاتن مەردم لە سەرتاسەر ئێران و وەتایبەت مەردم کورد وە کومەک کردن وە قورباینان زلزلە لیدریاگەل، پەیامیک سیاسی و ئنسانی کۆمەڵگای ئیران بی. مەردم وەی حەرەکەتە توانایی و ئستعداد سیاسی و هاۆئنسانی خوەێان نیشان دان، کە مەردم لە نزام جمهوری ئسلامی ئێران نائومیدە، ئەما دەس لە بان دەس بیتەفاوەت لە کنار زلزلە کرماشان دانەنیشتن. مەردم لە سیستم حاکم لە ئێران لە تەمایەت خوەێا ناڕازیە. ئعترازات ئاخر لە سەرتاسەر ئێران، جارێتر نیشان دا کە مەردم ئێران دەسەڵات جمهوری ئسلامی ئێران قەبوڵ نەێرن و شعارگەل مەردم ناڕازی ئیجارە تەمام نزام ولایەت فەقی و شەخس ڕەهبەر کردویە نیشانە. شار کرماشان جور دویەمین شار لە ئێران وارد ناڕەزایەتی مەردم ئێران بی و لە ڕاسی فاکتەرێک فرە موهم ئەڕا ئەدامەی تەزاهورات و ئعترازاتەکان ئێران بی.

سەرەڕای تەمام موقاوەمەت و موبارزەی کورد، ئەما نەوروز ئیمساڵ لە وەختێکا گیریەت کە کورد لە کوردستان عراق دویای 27 ساڵ دەسڵاتداری دۆچار کەورەترین شکست سیاسی و نەتەوەی بیە و حکومەت عراق توانستگە قودرەت تاحەدێک فرە ئەڕا مەرکز هەڵگەردنێتوە و لە ناۆ ماڵ کورد چەند دەستەیی دروس بکەێت. وەیجورە کورد لە کوردستان عراق لە ئارەزۆ ئستقڵال فرە دویر ختسوە.

کورد لە کوردستان سوریە وە مقاوەمەتێان لە بەرنبەر تاریکپەرستان داعش توانستن لە دۆنیا بۆنە ڕەمز و سومبڵ دفاع لە ئەرزشە ئنسانیەکان و تەمودن بەشەرییەت. ئەما موتەسفانە وە حەمڵە تورکیا وە سەر هەر ئی مەردمە کە یە زەمان سومبل ئنسانییەت بین، سواڵێت گەورە لە موقابڵ کەلەمەی تەمەدون و ئنسانییەت و حقوق بەشر دانریاس. بێدنگی و تایید کردن قەتڵعام مردم عفرین لە وەر چەو دونیا جارێکتر نیشان دا کە حقوق بشر تەنیا لە چوار چۆ ئەو تاریفە قەرار گرێت کە مونفەعەت و مەسڵەحەت نەتەوەیی وڵاتگەل خاوەن قودرەت.

لە حاڵێکا عەفرین لە وەر چەو دونیا و مودافعان دموکراسی و حقوق بەشەر جنوساید کریەت، نەتەوەی کۆرد لە سەرتاسەر دونیا وە پێشوازی نەوروز چەن. نەوروز نە تەنیا تاویل دان ساڵ کونەس و هاتن ساڵ تازەو شرو ژیانێکتر ، نەوروز هەمویشە پڕە لە ئومێد و ئارەزو و بەشەر خوەێ ئامادە کەێت ئەڕا ژیانێک تازە. نەوروز ئەڕا نەتەوەێ کورد تەنیا هاتن سەرساڵ و تازەوەبین ساڵ نیە، نەوروز سەدان ساڵە بیەسە ڕەمز موبارزەو و خوەێڕاگری نەتەوەێ کورد لە وەرانوەر زۆڵم و زۆر و بێعداڵەتی و نەوروز بیەسە مەشخەڵ ڕوشنایی لەموقابڵ شەو پەرسەێل و هزر تاریکی کە وەهەزاران شکڵ تەڵاش کەن ئی ڕوژە بکەنە تاریکی و نەتەوەێ کورد لەلێ دابوڕن. وەلێ سەرەڕاێ تەمام ئی زوڵم و زورگەلە و موخاڵفەتێان وەگەرد نەوروز و جەشن و شادی و هزر نەتەوەیی و فلسەفەێ نەوروز، نەتەوەێ کورد هەر ساڵ لە جاران فرەتر و خاستر پێشوازی کەن لە نەوروز و ساڵ تازە و جارێکتر سەنگ سەرد دەنەدڵ شەوپرسەێل و تاریک فکرەێل داعشی و موخاڵفەێل ئی ڕوژ نەتەوەییە.

سازمان دموکراتیک یارسان نەوروز و ساڵ تازە لە تەمام ئەوانەێ نەوروز جشن گرن و نەتەوەێ کورد پیروزبای کەێت و باوەڕ دێرێت کە نەوروز ڕوژێکە کە بیگەسە ڕەمز خەبات و تێکوشان کورد ئەڕا وەدەسهاوردن ئازادی و رزگاری نەتەوەیی
جارێکتر نەوروز بمارک و هەر ڕوژتان نەوروز و پڕلە خوەشی و شادی
کومیتە مەرکەزی سازمان دموکراتیک یارسان.

کمیتە مرکزی
سازمان دمکراتیک یارسان

بازدیدها: 71