په یام سازمان دموکراتیک یارسان،وه هاوکاری فدراسیون یارسان لە وڵات سوئد

     سازمان دموکراتیک یارسان

بەشداران ئی وەخت گەشتانە وەخەێر!

دیارە هەدەف  سازمان دموکراتیک یارسان لە ڕیکخستن ئی گردبینەوە وە هاوکاری فدراسیون یارسان لە وڵات سوئد، ئەرا مەحکوم کردن و وەرپرچدانەوەێ سیاسە ت و زوڵم و ستەم و بێ ڕێزیەکان چەن ڕوژ وەرین ڕژیم اسلامی آخونی ئێرانە نسبەت وە کومەڵگەێ چەن ملیونی یارسان لە  داخل لە اێران.

دیارە ئەوجور ئەرا گەشت موشەخەس و ڕوشنە ڕژیم کونەپەرەس و مزهەبی اسلامی اێران لە مودەت37 سال لە ئومر نکبەتبار و زالمانە ێ خوەی بێجگە نەهامەتی،نائداڵەتی ،تبئیز، زندانی کردن و کوشتن و بڕین نەێاران و ئازادیخوازەێل هویچ دەسکەفتتێک ئنسانی و کومەڵاێەتی ئەڕا کومەڵگەێ ئێران و کوردستان نەیاشتگە.

ڕەژیم جمهوری اسلامی اێران لە مودەت حکومرانی و دەسەڵات خوەێ لەی37 ساڵە ، وەدەلیل سیاسەتەێل موداخلەگەرانەێ لە ناوچەکە و هاوکاری کردن سازمان و گروەێل تروریستی و توند رەو بیەسە بایس ئیە کە تەمام ولاتەێل هاواس و دویر جور دوشمن تماشاێ و تهدید ئەرا سەر خوەیان تماشای اێران کەن و ئی سیاسەتگەل قەڵەتە بیەسە بایس تەریک و پەراوێز کەفتنی لە دونیای دەیشت خوەێ.

ئیمە دوینیم کە ڕەژیم ئێران لە بەین دو دەسەێ وەقەوڵ خوەێان اسلاحته له ب و اصولگه را تەقسیم بینە س و هەمویشە مشتمڕ و ناکوکیگەل گەورەێک لە بەین ئی دو جناح هەس ئەویچ نەک ئەڕا خاسوەکردن یا کەم کردنەوەێ موشکڵات کومەڵگەێ ئێران و کوردستان بەڵکە وەخاتر حفز منافە و دەسەڵات و وەبان کیشان بەش فرەێ لە پویل و دەرامەد که لان وڵات.

دیارە لەی 37 ساڵە گەل کوردوەخاتر مەسڵەی نەتەواێەتی زوڵم فرەترێک لەڵی چیەس و هەمویشە لەژێر فشار بیە و تا ئیمڕوژیچ وە چەو ئەمنیەتیوە لە ناوچەکان کوردستان نوڕیەت.

بەڵام کومەڵگەێ یارسان  هەم جور کورد زوڵم لەلێ چوت و هەمیچ وەخاتر ئیەێکە موسەڵمان نیە و خاون ئایین و دینێک کوردیە.

لە قانون ئەساسی ڕژیم اسلامی اێران لە فرە لە ئایین و مەزهەبە کان ڕەسمەن ناویان هاتگە و تاهەدێک حەق وەڕێوەبردن مناسبات دینی،مزهەبی خوەێان دیرن وەلێ دین یاری لە قانون ئەساسی ایران هویچ ناوێک لەلێ نەهاتگە و تەنانەت تا ئیسە دەێان جار لە تەرەف رادیو، رەسانە گەل ڕەسمی ڕەژیم و شەخسیەتگەل دەرەجە ئەوەڵ و خاون دەسەڵات و مەنسەب لە ناو رژیم مەردم یارسان و موقەدەساتێان کەفتنەسە وەر بێ رێزی و حەتک هورمەت وەپێان کریاس، کە فرە جار ئیجور مەسائلێ بیەسە بایس اتراز و ناڕەزاێەتی مەردم یارسان ، مەردم یارسان تا ئیسایچ و شێوەی موتەمەدنانە و مسالمەتآمیز و دویر لە خوشونەت ئترازگەل خوەێان وەگوش رژیم رەساننەس.ئیمە گشت زانیم کە وەر لە ٢ سال چەن یار یارسانی وەخاتر بیڕیزی و زولم و ستەمەکان رژیم گیان خوەێان کە گەورەترین سەرماێەی ژیان هەر ئنسانێکە کردنە شەم و ئاگر لە جەسەێ خوەێان دان تا وە ڕژیم و دارودەسەێ نیشان بێەن کە ئەوان هازرن گیان خوەیان ئەڕا ئازادی و ئداڵەت اجتمائی بسزنن وەلێ هویچ وەخت زوڵم قەبول ناکەن. و ئتراز و نارەزایەتی هەزاران نەفەری کومەڵگەێ یارسان لە شارگەل جوراجور ایران  رەژیم مجبور کرد کە تەن بەێتە چەندین کوبونەوە لە سەت مقامگەل بەرز وەگەرد مەردم یارسان، هەرچەن چەندین قەول و وادە دریا وەلێ تا ئیسەیچ هویچکام لەو قەوڵ و وادەگەلە ئەمەڵی نەوینەسوە.  تازەترین بێ ڕێزی وتەوهین دارو دەسەی ڕەژیم هەفتەێ وەرین بی کە بڕێک کەس وە ناو( شیعه یان پەێرەو ولاێەت)  وە دەلیل ئەوەێ مەردم یارسان دەنگ نەیاوینە کاندید مەورد نەزەر ئەوان ،وەشێوەی مەسخەرە  و جور تەوهین لە سێوڵ مەسنەوی استفادە کەن و دەر وپەنجەرە و شیشەی تەنیا جمخانەی یارسانی لە اسلام آبادقەرب شکانن.

و تەنانەت لە تەرەف ڕژیم نەک هویچ بەرخوردێک وەپێان نەکریا بەڵکە فرەێچ راحەت هاوکاریان کریا و تا ئیسەیچ هویچ کام لەو کەسەێلە نە گیریانە س و نە وەپێان بەرخورد قانونی کریاس.

ئیجور حەرەکەتێک مونجەربیە ئیە کە بەش فرەیک لە مەردم یارسان وە شێوەی اتراز بانە اسلام آباد ارا دەربڕین نارەزاێەتی و مەحکوم کردن انجام دەرەێل ئەو کردەوە و لە چەندین نامە و یاداشت لە کاروەدەسەێل داوا کریا کە ڕێ بێریەتە مەردم یارسان ئەڕا وەڕێوە بردن خوەێ نیشاندانێکی ائترازی هیمنانه  لە موقابڵ آملین و انجامدەرەێل، بەڵام جور هەمویشە داخوازی مەردم یارسان ڕەد کریا و اجازەێ هویچ اتراز و خوەێ نیشاندانێک وەپێان نەێریا .

دیارە ئی زوڵمگەلە لەسەر جامئەی یارسان  نەک تەنیا تازە نیەبەڵکە سیستماتیک ڕیپێدریاگ و قانونیە.

مەردم یارسان  هەمویشە جور انسان دەرەجە چەن تماشاێان کریەت و وەدەلیل کورد بین و آیینێان لە هویچ ادارات دەوڵەتی اجازەێ کار وەپێان ناێریەت، اجازە نەێرن جور هەر شارومەندێکتر خوەێان اراهویچ پوستێک انتخاب بکەن لە

  لەمراحلگەل  گزینشی رد صلاحیەت کریەن‌ و شایەتییان لە مەحاکمەێ قەزایی مورد قەبول نیە.

ئیە وەیماناسە ک لە حکومەت جمهوری اسلامی ایران شارومەنەێل یارسانی وە شکل زاتی لە وەخت وەدونیا هاتنێان وەخاتر یارسانی بیینێا ن تەمام حەق و حقوق سەرەتایی و انسانی کە باقی شارومەنگەل ترە ایرانی لەلێ بەهرەمنن لەلیان سنیەت.

  ئیە نیشانەێ نەقزسیستاماتیک حقوق شارومەنی چەندین میلیونی پەیرەوگەل ئایین یارین کە اکسەر ئی مەردمە لە لە ڕوژهەڵات کوردستان ژیان بەنە سەر و بەشیک لە کومەڵگەێ ڕوژهەڵات کوردستان تیەنە هەساو ، مەردمانێک کە هویەت، زوان و آیینێان وەشێوەی موستەمر ئەنکار کریەت و وە شێوەگەل جوراجور هانە خەتەر آسیمیلاسیون حکومەتی

سازمان دموکراتیک یارسان هەر لە روژ دروس بینی تا ئیسە جور سازمانێکی ئازادیخواخ و دموکرات باوەرێ ئیەسە کە ئەرا وەدەس هاوردن ئازادی و دموکراسی و نەیشتن زولم و ستەم لە ئێران، تەنیا نەمان حکومەت اسلامی آخونی اێرانە . و یەکی لە ئاڵتەرناتیوگەل موناسب ارا وەرێوەبردن دەسەلات لە اێران، حکومەتێکی سکولاردموکرات و ناموتەمەرکز و پلورال سیاسی فەرهەنگیە کە گەشت پێکهاتە و نەتەوە و اقەلیەتەکان لە ئێران بێ فەرق و جیاوازی لە دروس کردن و وەێوەبردنێ وە شێوەی مساوی حەق موشارکەت لەتێا داشتون و نوێنەر و نمایندەێ خوەێان وە شێوەی دموکراتیک و انتخابات لە ناو ئەو دەسەڵاتە بەشدار بکەن

ئیمە باوەر دیریم کەگەشت هێز ولاێانەکان وە هاوکاری، هاو خەباتی و یەکیەتی توانیم لە بەرانبەر ڕژیم زد انسانی اسلامی اێران وە مافە رەواو و دموکراتیکەکانمان برەسیم و هەر لەێروە داوا لە گشت لاێک کەیم ک بەرژەوەندی و منافەێ نەتەوەی  ونیشتمانیمان با وەرلە .

دمنفافه ی حزبی و ریکخراوه یمان بوت. سازمان موکراتیک یارسان  جارێکتر حتک هورمەت و بیڕیزی و زوڵم و ستەمەکان ڕژیم جمهوری اسلامی ئێران ارا سەر کومەڵگەێ یارسان مەحکوم کەێت کە نەقش فرەێک داشتگە لە بەرزوە کردن دەنگ کومەڵگەێ یارسان لە مودەت کار سیاسی خوەێ چ لە رویداوگەل وەر لە ٢ سال ارا سەر جامئەێ یارسان و چ لەی ڕویداگ تازە وجور تاقە رێکخریاگ سیاسی یارسانی مەشروع. لە گشت حزب ، هێز و لاێانێک کوردستانی و ئێرانی انتزار دێریت کە پشتیوانی لە داخوازیە انسانی و دموکراتیکەکان کومەڵگەێ یارسان بکەن، جور بەشیک لە بناماڵەێ گەورای نەتەوەێ کورد. .

سپاس لە بەشداری ،دلسوزی و احساس مەسولیەتتان.

سازمان دموکراتیک یارسان.

٢٠١٦.٠٣.١٢

بازدیدها: 34