Home / پانل آزاد / ئایا انتخابات لە ئێران آزادە!

ئایا انتخابات لە ئێران آزادە!

 

mariwan raxئنتخاب کردن و ئنتخاب بیین وە شێوەێ بەرابەر و مساوی لە هەر ولاتایک دموکراتیک حەق هەر شارومەندێکە بێ لەوەرچەو گردن ڕەنگ،جنس ، ملیە ت و دین و مە زهەب گشت پێکهاتەگە ل دانیشتگ لە و وڵاتە.

ئنتخابات لە وەختێک ئەنجام گرێت کە شارومەن بتوانێت فەرد مەورد نەزەر خوەێ ئەرا وە ئودە گردن وەزیفەێک لە جێ و شونگەل جوراوجور جور پارلمان ، مجلس ، استانداری یا مەنسەبێکترئنتخاب کەێت وە یا خود فەرد بتواێت ئەرا قەبول وەزیفەێک خوەێ ئنتخاب بکەێت.
وەیمانا کەسێک کە دەنگ خوەێ دەێتە کەسێک یانێ باوەڕ خوەێ دەێتە شەخس مەورد نەزەر ئەڕا وەڕێوەبردن ئەرک و وەزیفەێ خوەێ. ئەفرادێک دەنگ و باوەڕ مەردم وەدەس تیرن  وەزیفە دێرن کە ئەرک و وەزیفەکانێان  لە موقابڵ دەنگدەرگەل بێ فەرق و جیاوازی وە ئنجام بڕەسنن ،چ لە موقابڵ ئەوانەی دەنگ دانەسە پێان یا چ لە موقابڵ ئەوانەێ دەنگ نەێانەسە پێان.

ئەڕا نمونە لە ولاتگەل سکاندیناوی جور وڵات سوئد ،نروژ و دانمارک هەر چوارسال جارێک ئنتخابات کریەت ئەڕا تەشکیل حکومەت تازە و مەردم وە گشتی حزب و لاێانگەل و نوینەرگەل خوەێان وە شیوەێک دموکراتیک ئنتخاب کەن . شرایەت ئنتخاب بیین و ئنتخاب کردن تەنیا ئەرا ئەوانەسە کە مودەت ٤ سال یا زیاتر لەی ولاتگەلە ژیانەو سیتیزنن لەی وڵاتگەلە بێ هویچ فەرق وجیاوازی.

لە وڵاتێک جور ئێران کە خاون سیستمێکە کە لەسەر ئەساس ولاێەت فەقی و اسلام شیعە بنیاد نریاگەس ، لە مودەت ٣٦ سال حکومرانی و دەسەلات ئی ڕەژیمە هویچ وەخت ئنتخابات آزاد نەویەس.

و هەمویشە ئەفراد مەورد باوەڕ خویان وە مجلس خوبرەگان و مجلس اسلامی ءیران ڕێ پە ێا کردنەس.

بەڵام لەێرە کومەڵگەێ یارسان لە گشت پێکهاتەکان ناو ئێران زیاتر زوڵم لەلێ چیەس و هەمویشە وە چەو ئەمنیەتی و بێگانە لەی مەردمە نوڕیاس و لە تەمام حەق و حقوقیک دموکراتیک بەرخوردار نیەن.

ئیسە ڕەژیم هەمزەمان لە وەرانوەر ٢ ئنتخابات ئەڕا مجلس خوبرەەگان و ئنتخابات ئەرا مجلس اسلامی ئێران قەرار گردگەس و ئەفراد فرەێک رەد سەڵاحیەت کریانە و تەنیا کەسەێل مەورد باوەڕ خوەێان توانستنە لە ژێر سانسور شوراێ نگابان دەربچن. جێ دیریت ئشارە بکریەت کە نوینەرگەل زەردەشتی و باقیترەک ئەدیان ابراهیمی و یا اهل کتاویچ توانن وە مجلس ڕێ پەێا بکەن، بە ڵام مەردم یارسان کە جەمئیەتێک چەن ملیونین لە ئێران و خاون باوەڕێکی نا اسلامین و سەروە دین(ئایین) یاریین تەنیا توانن دەنگ بێەن و حەق خوەێ ئنتخاب کردن و هەناردن نوێنەرگەل مەورد باوەڕ خوەیان لە کومەڵگەێ خوەیان ئەرا مجلس نەێرن ،کە ئیە گەورەترین زوڵم ئنتخاباتیە  لە سەر ئی مەردمە و زەبت کردن ئازادی و سپانن زوڵم و ستەم موزائفە لە سەر ئی جامئە. وەی مانا کە ئیجور ئنتخاباتێک هویچ تاسیرێک موسبەت لەسەر ژیان مەردم یارسان نەیریت و زیاگ کردن فشارەکانە لە سەر مەردم یارسان کە تەنیا دەنگەکانێان ئەرا کەسەێلیک چوت کە بەشێکن لە سیستم فاشیستی جمهوری اسلامی ئێران و نوینەر ڕاسەوینەێ ئی مەردمە نیەن .

 

دیارە شرکەت کردن و دەنگ دان لەیجور شەراێەتیک تەنیا مەشروئیەت دانە وە سیستم زد ئنسانی و نادموکراتیک مەزهەبی اسلامی ئێران ئەرا ئدامەێ ژیان و حکومڕانی ئاخونگەل شەوپەرەس و تەحریم و دەنگ نەیان نە وەتنە و ئیجور سیستمێک کە تەمام ئازادیەکان لە مەردم سەلب کردگەس.

زنە بوت ئازادی، دموکراسی و ئدالەت ئجتمائی!

نەمان ئەڕا رەژیم فاشیستی و مەزهەبی اسلامی ئێران!

مریوان راخ سوئد.

٢٠١٦.٠١.١٨

بازدیدها: 21

دیدگاهتان را بنویسید