سازمان دموکراتیک یارسان حملە مویشکی سپای پاسداران ارا سر اقلیم کوردستان عراق محکوم کی!

یارسان مدیا
13.03.22

کارنامە جمهوری اسلامی ایران لە مدت ای ٤٣ سالە پرە لە کشتار، قتل، شکنجە و اعدام نیاران و آزادیخوازیل لە ایران و حتی خارج لە خاک خوی.

لە روژ لە سرکار لاوردن رژیم صدام حسین لە طرف اعتلاف غرب و سرپرستی آمریکا لە عراق، رژیم ایران همویشە لە کار و بار سیاسی، حکومتی و ادارات عراق و تقویت کردن گرو و حزبگل شیعە و نزیک لە خوی لە بار مذهبی و فکری دسوردان مستقیم داشتگس ولە دروس کردن دیان لایان و حزب فرە جار سیاستکان عراق و نفع خوی سوق داگس.

لەیە زیاتر رژیم ایران بارها افراد سیاسی و نیار خوی لە اقلیم کوردستان ترور کردگس و فرەجار مقر و بنکی احزاب مخالف خوی لە عراق مویشک واران کردگس و گیان دیان کادر، پشمرگە و افراد سڤیل کردگسە هدف. ایجارە لە تازترین اقدامیل تروریستی ای رژیمە و ددستاویز قرار دان وجود مراکز امنیتی واطلاعاتی اسرائیل له اقلیم،  چن جییک و کانال کوردستان٢٤ لە اقلیم کوردستان لە هولیر لە طریق سپای پاسداران مویشک واران کریا کە وخوشیوە تا ایسە قربانی گیانی اعلام نکریاگس ولی خسارات مالی گیانگسە اقلیم.

ای دسوردان و کارگل تروریستی رژیمە شکانن هریم ولاتیک مستقلە کە دویرە لە تمام عرفگل سیاسی و دیپلماسی لە یک ولات کە دارای حکومت و کیان مسقل و خوی بوت.

سازمان دموکراتیک یارسان ای کردوی تروریستیە ارا سر  اقلیم کوردستان عراق محکوم کی و داوا لە نهادگل ناونتویی و اقلیمی کی کە لی رابطە بی دنگ نون.

سازمان دموکراتیک یارسان

٢٠٢٢.٠٣.١٣

بازدیدها: 103