یارسانمیدیا سەرخوەشی ئاراستەی بنەماڵەی تمری و یاروەیسی کەید

ئەوەڵ ئاخر یار

خاتون ئزەت خانم تمری تویشامی هاوژین ئوسا (ئوستاد)  تاهر یاروەیسی ته‌مویره ژەن و که‌ڵام خوه‌ن ده‌فتەرەیل یاری دون گوڕان، چیە ڕز یاران له دونه‌یل تازه‌.

خاتون ئزەت لە ژیان سەربەرز خوه‌ی و بنه‌ماڵەکەی تەسیر فرەێک لە سەر کومه‌ڵگای یارسان داشت. ئی خاتون دڵسوز یارسانیە توانست یار، هاوژین، هاوسه‌نگه‌ر و یاوه‌ر کەسایەتیگ وە ناو ئوسا ( کەڵام خوەن، تەمویرە ساز و تەمویرە ژەن ) تاهر بوت تا ئیمڕۆژ دونیای هونەر و ته‌مویره ژەنین و که‌ڵامگەل دەفاتر یاری نه‌ک هه‌ر وە زنه بیلێدەو، به‌ڵکو جیله‌یل نو وه شه‌وق و نویریگ فرەتر بانە دەم ئی هونەروە.

خاتون ئزەت جور ژنێگ له ده‌وران خوه‌ی لە خزمەت کردن، ئدامەدەر رێ و ڕێباز خاتون جه‌ڵاڵه و خاتون رەزبار  بیە و لە جەمگای یارسان ژیانێک پیروز داشتگە.

یارسانمیدیا یاد ئێ خاتون یارسانیە وە ڕێز و هورمەت وەهویر تێرێد و سەرخوەشی ئاراستەی بنەماڵەکەی و گشت جەمگای یارسان کەید.

یارسانمیدیا

١١ ژوئیە ٢٠٢٢م

بازدیدها: 150