سازمان دموکراتیک یارسان، کومیتەێ کشوەری نوروژ یەکیک لە بەرگوزارکەر اعتراز دژوە رژیم جمھوری ئسلامی ئێران لە ئوسلو

یارسان مدیا
07-11-2022

ڕووژ شەممە ٥ێ نوڤامبر ٢٠٢٢ چەند حزب و ڕێکخراو کوردستان ئێران لە دەر وەزارەت خارجەێ نروژ لە

ئوسلو گردبینەوەێک جەماوەری ئەڕا سەرجەم ئێرانیەکان دانیشتو وڵات نروژ ڕێکخستن وە ناڕەزایی خوەێان دژوە سەرکوب و جناێەتەکان رژیم جمھوری ئسلامی ئێران نیشان دان. هەر لە دەسپێک بەرنامەکە، لەلاێەن وەڕێوەبەرەکان وەهەرسێ زوان کوردی، فارسی و نروژی وەخەێرهاتن بەشداران کریا. لەشونێ دەقەێک بێدەنگی ڕا گریا ئەڕا ڕێزگردن لە گیانبەختکردگەل ڕاپەڕین سەراسەری ئێران. دویاتر وە چەن شعار دژ وە ڕژیم جمهوری ئسلامی ئێران، وە زوانەکان نروژی، کوردی و فارسی وەگەرد بەشداران اعترازەکە دریا. هەر لەیوا بەڕێز ئەختەر چودری، ئەندام پارلەمان لە حزب سوسیالیست پەێامێک پێشکەش کرد. بەڕێز ئەختەر پشتیوانی خوەێ ئەڕا سەرهەڵدان خەڵقەل سەراسەر ئێران دژ وە ڕژیم جمهوری ئسلامی دەربڕی و هاوپەێوەندی نیشاندا لە ڕاپەڕین مەردم ئێران ئەڕا ئازادی و دموکراسی و عداڵەت. لەشون چەند پارچە موسیقی هەماسی، قەتعنامەێ لاێەنیەل ڕێکخەر لە لاێەن کەزیە یوسفی خوەنیاوە. جێ باسە کە کومیتەێ کشوەری سازمان دموکراتیک یارسان یەکیک لە لاێەنگەل رێکخەر ئی اعترازە بی وە بەش فرەێک لە ئەندام و لاێەنگرێەل سازمان دموکراتیک یارسان چالاکنە بەشدار بین وە ، بەشداربینێان فرە و کارێک نیشتمانی و ئخڵاقی زانستن کە لە ئی رووژ سەختا پشتیوانی خوەێان لە راپەڕین مەردم ئێران دژوە نزام ئاخوندی ئێران نیشان بێەن.

سازمان دموکراتیک یارسان- کومیتەێ کشوەری