Home / پستهای تازە / چەوپێ کەفتن سازمان دموکراتیک یارسان لە پارلمان نوروژ

چەوپێ کەفتن سازمان دموکراتیک یارسان لە پارلمان نوروژ

یارسانمدیا

15.11.2022

سازمان دموکراتیک یارسان-کومیتەێ کشوەری نروژ و چەند جەریانێکتر ئێرانی وەگەرد یەک ئەندام کومیتەێ دەسڵات دادوەری ) قوە قضائیە( لە پارلمان نروژ کوبینوە

 

ڕووژ سێشەمە ١٥ێ نوامبر ڕێزدار ئاندریاس ئوینەلاند ئەندام پارلمان لە سەر لیست حزب چەپ سوسیالیست وئەندام

کومیتەێ دەسڵات دادوەری )قوە قضائیە( لە پارلمان نروژ وەنمایندەگی ئەو کومیتە پێشوازی کرد لە بڕێک جەریانات ئپوزسێون ئێرانی لە نروژ. هەر لە دەسپێک دیدارەکە بەڕێز ئاندریاس خوەشهاڵی خوەێ لە دیدار وەگەرد نوینەر جەریانات هازر لە دانیشتنەکە دەربڕی و لە درێژەێ قسەکانێا باس لە ڕوداوەکان ئاخر لە ئێران کرد و وەت ئەڕا حزب چەپ سوسیالیس فرە زەرورەت دێرێت کە بزانێت لە ئێران چەگوزەرێت و گوش لە خواست و داواکان ئیوە بگرێت و داواکانتان بڕەسنیەتە لاێ لاێەنێەل پەێوەندیدار وڵات نروژ.

هەێئەتێک لە سازمان دموکراتیک یارسان کە پێکهاتوین لە ڕێزدار امیر سەلیمی لە ڕابەری هاوبەش سازمان دموکراتیک یارسان و شادوست کەریمی بەرپرس کومێتەێ کشوەری سازمان لە نروژ بەشدار دیدارەکە بین. هەر لە دیدارەکە، بەڕێز امیر سەلیمی باسێک کوتا لەسەر زوڵم و جناێەتگەل ڕژیم جمهوری ئسلامی لە ماوەێ ٤٣ ساڵ دەسڵاتێان پێشکەش کرد. هەر لیوا ئشارە وە نەسڵ جەوان لە خەێاوانەکان کرد کە دی ناتوانن ئی شەراێەتە تەحمڵ بکەن و داواێ ئازادی کەن و ئیمەیج خوازیاریم کە ئی ڕژیمە کوتایی وە دەسڵاتێ باێت و حکومەتێک دموکراتیک و سکولار هاوشێوەێ وڵات نروژ لە ئێران باێتەروی کار تا گشت ئێرانیەکان بتوانن نەفەس ئازادی بکیشن. لە درێژەێ قسەکانێا چەند خاڵ جور خواست و داواکاری سازمان دموکراتیک یارسان پێسکەش وە بەڕێز ئاندریاس کرد کە ئیانەێ خوارەوەن:

دەسڵاتدارگەل نروژ هەوڵ بێەن ئەڕا دروسکردن فشار زیاتر لەسەر ڕژیم جمهوری ئسلامی ئێران تاکو جوانێەل ئازادیخواز لە خەێاوانەکان قەتڵ وئام نەکەێ

داخست سەفارەت ڕژیم جمهوری ئسلام ئێران لە نروژ

قەت ڕەوابت دیپلماتیک و تجارەت وەل ڕژیما

هەڵوەشاندنەوەێ دەعوەتنامەێ سەفیر ڕژیم جمهوری ئسلامی ئەڕا مەڕاسم جایزەێ نوبڵ

لە کوتایی بەڕێز ئاندریاس گشت خاڵەکان یاداشت کرد تاکو بڕەسنێتەێ لاێەنێەل پەێوەندیدار لە وڵات نروژ.

 

سازمان دموکراتیک یارسان-کومیتەێ کشوەری نروژ

١٥. ١١. ٢٠٢٢

 

Visits: 76