Home / پستهای تازە / پیام سازمان دمکراتیک یارسان(سدی) ئەرا ٢١مین کنگرە گشتی کنگرە نەتوی کوردستان

پیام سازمان دمکراتیک یارسان(سدی) ئەرا ٢١مین کنگرە گشتی کنگرە نەتوی کوردستان

یارسان مدیا
‏05‏.12‏.2022

وە ریوەبەران، بشداران،اندامان و میوانان گرامی کنگرە نەتوی کوردستان

٢١مین کنگرە گشتی لە وختیکا گریەت کە بەشیک لە نەتەوە کورد هانە ژیر حەملە دولت تجاوزکار ترکییا و هاووخت جهان شایەت ئاخیز آزادیخوازانە گەلان ئیران دەژوە نظام جنایتکار جموری اسلامیە.

ئی‌ دەنگ آزادیخوازانە کە وە رشیان خوین بی‌گوناە “ژینا امینی” بەرز بیوە و کەم کەم بیە ئاخیز سەراسەری و دیریت زال بوتە سەر حاکمیت ناروا و نامردمی نظام ولایت فقیەیا .

حکومت اسلامی ئیران لە ماوای ٤٣ سال فرمانروای ناعادلانە نەتنیا توانست جەمشتە آزادیخوازانەکان مردمان ایران وە پاساو جیاوەبین(تجزیەطلبی) و زد انقلاب  وە توندوتیژی بکیشیت، مخالفەکان خوی یک لە دویای یک سەرکوت و لە میدان دەرکیت، بەلکو کلتور دوچوەکی دینی، ملی و جنسیتی لە کوملگاە وە پیش برد تا بتوانیت درێژە وە دەسەڵات ستەمکارانە خوی بدیت.

بەڵام لە ئی ئاخیزە شایەت ئەویمن کە گەلان ئێران یەپارچەیی خۆیان پاریزانە و یەک دەنگ شوئار ئازادیخوازانە جور “ژن، ژیان، ئازادی” سەردەن و داوای ژیانێکی ئازاد و یەکسان ئەرا گشت هاووڵاتیەکان کەن و ئەرا وەدەس‌ هاوردن پشتیوانیی ناونەتەوی، پەیام دمکراسی‌خوازانەی خویان و گوش مردم دنیا رەسانن و نیشانیچ ‌دان  کە سیاسەت تبعیض و ستمکاری لە سیستەم حوکمڕانی ئەو وڵاتە سەرکفتەگ نەویس.

ڕەێژیم جموری ئیسلامی ئێران لە دریژەی حوکمڕانی خوەی، ئافرەتەکان، ئی چین توانای کۆمەڵگا لە فرە لە مافە اساسیە کۆمەڵایەتیکان خویان بی‌بەش کردگە و بی‌رزایت و ئیرادەی خۆیان، جور نماد ستەم، لەچەک ئیسلامی  وە سەریانا سپاندگە.

هەر ئەوجورە ئاگادارین، لە ئیران ئیمتیازە اقتصادیەکان، ئمکانات کار و بشداری لە کار و بار سیاسی و کوملایەتی و لە وەر چوگردن پەیوەندی نەتەوەیی، ئایینی و جنسیەتی بین هاووڵاتیەکان بەش کریت. لە سەرنجام ئی سیاستە، کەمینە ئایینیە و نەتەویەکان قوروانی ئی سیستەم تبعیضەنە. مەردم یارسان کە لە بار ئایینی‌وە لە ورانوەر ئیدولژی حاکمیەت قرار گرەن، لە فرە لە حقە کومەلایەتی، سیاسی و فرهنگیەکان بی‌بەشەن. وەپای ئەو ڕدەبندیە کە نظام ئەرا هاوولاتیەکان لە بارە حق انسانیوە لە وەر چەو گریت پیروان “ئایین یاری” لە نزمترین ئاست کۆمەڵگادا وە حساو تیەن.

لە ئەول ئنقلاب ئیسلامی، ئێمەی کونشگەرگل یارسانی درک وە  سەرئەنجام دامەزراندنی ئی نزام ئایدۆلۆژییە ئیسلامییە لە ئیران کردی‌من وە لە ماوەی ئی ٤٣ ساڵە لە ورانور نادادپەروەری ئی حکومەتە پاوەگەزدان کردیمنە و لە مبارزەیا بیمنەس.

لە میدانی سیاسیوە ئێمەی یارسانییەکان دیاسپورا توانستیمە و پشتەسەرنان پڕۆسەگل سیاسی لە چوارچو سازمان دیموکرات یارسان خۆمان ڕێکبخەیمن، ئەرا ئەوەی بتوانین و شێوەیەکی سازماندریاگ و وە تواناوە لە ئێسە و لە ئایندە داوای داواکارییەکان مردم یارسان بکەیم.

لە مرحلە ئەوەل سازمان هەوڵ دیت حق هاوڵاتی یەکسان ئەرا مردم یارسان وەدەست باریت. و جور هەدف استرتژیک، ئیمە خوازیار سیستەمێک دادپەروەرانە لەسەر بنەمای حقوق انسان لەسەر ئاست ناودەوڵەتیمن.

فعالیتەکان مردم یارسان ئەرا وەدەس‌هاوردن مافە ئینسانییەکان خوی تەنیا لە دەشت وڵات نییە، بەڵکم ئەرا زمانت کردن ئایندە خویان لە ئێرانی ئازاد، وە بەشداری فعالانە لە تەزاهورات لە شارەکان ئیران، و فدا کردن گیان خۆیان نەمام ئازادی و ادالت لە کۆمەڵگا  ئەرا نەوەکان ئایندە آویاری کەن.

روانشاد مینۆ مەجیدی، ئارمین سەیادی و سینا نادری لە ئەو کەسانەن کە ئازایانە شان وە شان سدان هاوولاتیتر لە ورانور ستەمکاران هەلسان و گیان خویان لە ریگە ئازادی بەخت کردن.

بەڵام، بەشدارن ئزیز، سازمان دموکرات یارسان باوەردیریت کە مافە رواکان مردم یارسان تەنیا وە دامەزرانن سیستەمێک سکولار دمکرات و نامرکزی (غیرمتمرکز) لە ئێران مومکونە، یەکگردن و هاوکاریی تمام لایەنە سیاسییەکان ئەرا رسین وە ئی هدفە زەروریە و بیین ئێمەچ لە ئی کنگرە ئەرا ئی هدەفەسە.

سازمان دمکراتیک یارسان دەس هاوکاری ئەول ئەرا حزب و سازمانە کوردیەکان کە لە بارە نەتەوەییەوە هاو چارەنوویسیم و ئەو لایانە سیاسییە ئیرانیەکان درێژ کەیت، تا بتوانیم یەدەنگ، وە هدف ڕووخانن جموری ئیسلامیی ئێران هیزەکانمان بخیمنە یەک.

سیستەم وەڵایەت فەقی لە ئیران رەمیەت، هاودنگی وە گەرد مردم ئێران وزیفە تاریخی تمام ئازادیخوازەکانە. سازمان دمکراتیک یارسان داوا لە ک.ن.ک کیت کە هەڵوێست روشنتر لە دەژ سیاسەت گشتی جموری ئیسلامی بگرێتە وەر وە ڕووخاندن ئی نظام زالمە بوتە دوکتورین استراتیژی ئی اورگانە.

هیرش دولت ترکیە وە کوبانی وە ئەو شارە کوردنشینەکان محکومە، بلام مەحاڵە هەڵوێست سەخت لە ورانوەر ڕژێم بەعسی سوریا و حکومەت تجاوزکار تورکیا داشت و جوریکتر لە بارەی تاوانەکان جموری ئیسلامی لە منطقە فکر بەکەیم.

تەمەرکز سیاسی و پراکتیکی ک.ن.ک. لەسەر گشت مسئلەکان پەیونددار وە نەتەوی کورد وە ئەو پێکهاتگلە جور یارسانەکان وە ئزیدیەکان کە ئی نەتەوی لە گشت وڵاتەکان پێک تیریت وە شێوەیەکی ئادل و بێلایانە و بێ لە وەر چوگردن مسئلە سیاسی و ئایدیۆلۆژی بوت.

و امید برقراری ئازادی وە ادالت.

شورای مەرکەزی سازمان دمکراتیک یارسان

02-12-2022

Visits: 92