دیدار هەیئەت نەمایندەیل سازمان دمکراتیک یارسان (سدی) وەگەرد هاوسەروک پارت ژیان ئازاد کوردستان (پژاک) لە وڵات هوڵەند

یارسانمدیا
‏22‏.12‏.06

لە حاشیە 21یەکمین کنگەرەی نەتەوەیی کوردستان کەنەکە لە وڵات هوڵەند، رۆژ شەمە ٣ دسامبر ٢٠٢٢ لە بارگاە کەنەکە هەیئەت نەمایەندەیل سدی کە پیک هاتوین لە ” احمد مرادی ” و ” شاریار ئەلقاسی “وە گەرد هاوسەروک پژاک ” سیامەند ” معینی دیدار و گفتگو ئەنجام دان.

لەو دیدارە هەردگ لایەن باس لەسەر ئاخرین رەوش ئاخێز گەلان ئێران کردن و ئشارە کردن کە مەردمان ئێران وە شوئار ئازادیخوزانە خوازیار گوزار لە جمهوری ئسلامی و ولایەت فەقین . هاووەخت تاکید کردن کە ئەڕا رووی وە رووی بیەن وەگەرد سناریو  ڕمیان یا زەئیف بیین ڕژیم ئێران لە ناوچەیل کوردی، هاوکاری و هەماهنگی لە بەین حزب و سازمانە سیاسیەکان زەرورەت دێرێت.

هەروەیجورە لەو دیدارە ئەهمیەت جئوپولیتیک ناوچەکە و رەوش مەردم یارسان خریا وەر باس و تاکید لە سەر رەوش مردم یارسان لە شوون گوزار لە جمهوری ئسلامی کریا.

هەیئەت نەمایەنەیل سازمان دمکراتیک یارسان لە دیدار وەگەرد هاوسەروک پژاک تاکید کردن کە مەردم یارسان خاون جەریان سیاسی خوەیانن و جەخت کردن هەرگونە هاوکاری مردم یارسان وەگەرد لایەنە سیاسیەکان تەنیا لە ری تەوافق سیاسی ممکنە. تەنانەت لازمە لە هەر جور هاوکاری سیاسی وەگەرد سازمان دمکراتیک یارسانا قازانج سیاسی مردم یارسان لە اولویت قرار بگریت.

لە کوتاهی کوبینەوەی بەین هەیئەت نەمایەنەیل سازمان دمکراتیک یارسان و هاوسەروک پژاک، هەردۆلایەن تاکید لە سەر ئدامە دان پەیوەندیەکان و باس لە سە سازوکاریک ئەڕا پەیوەندی فرەتر کردن.

کمیسیون سیاسی و دیپلماسی سازمان دمکراتیک یارسان

بازدیدها: 108