سازمان دیموکراتیک یارسان ١مای ڕۆژ جەهانی کارگەرەیل دونیا پیرۆز کەێت

١مای ڕۆژ و سومبوڵ موبارزەێ کارگەرەیل و زەحمەتکیشەیل دنیاس. لەی ڕوژە کارگەرەیل دونیا وە ڕاهپەیمایی و جەمبینەوە اعتراز خوەیان لە موقابڵ زوڵم و زورگەلێک کە وەپێیان کریەت، نیشان دەن. باوجود موبارزەێ کارگریەل، لە ڕاسییا هەنوز لە فرە لە کشورگەل دونیا و ئێران، کارگرەیل وەشێوەێک نائنسانی زوڵم وەلیان کریەت و لە کەمترین حەق و حقوق بەرخوردارن. هەنوز سەرمایەی مەمڵەکەت لە دەس جەمێک فرە کەم قەرار گرتگە و کارگەرەیل کەمترین دەستمزد وەپێیان ڕەوا دوینیەت. لە هەمان وەخت کەرگەرەیل لە کەمترین ڕەفاێ ئجتمایی سودبەن و کارخانەکان کەمترین ئەمنیەت کاری ئەڕا کارگەرەیل لەوەر چەوگرن.

ڕەژیم جمهوری ئیسلامی نەک هیچ ڕێز و ئەرزشێک ئەڕا حەق و حقوق کارگەرەیل دانانەێت، بەڵکە وە وەحشیانەتەرین شێوە لە حەق ئنسانی خوەێان مەحروومن. کارگەر لە سیستم و نزام ئەرزشی جمهوری ئیسلامی کەمترین ئەرزش ئنسانی وەپێان ڕەوا دوینیەت. بارها شاهد بیمنە کە کارگەر ئەڕا مەعیشەت زندەگی باێد لە ڕوژێکا چەند کار ئنجام بێیەیت کە هەرماێ کەفایەت خەرج و مەخارج خانەوادەکەی ناکەیت. هەر اعترازێک لە لایەن کارگەرەیلوە وە توندترین شێوە جواو دریەتوە.

وڵات ئێران وڵاتێک فرە غنییە لەبار مەنابەێ ژێرزەمینیەوە، ئەما ئی سەرمایە لە لایەن باندێک یا باندگلێکوە قورخ کریاگە و زەحمەتکیشەیل و کارگەرەیل هیچ سودێک لەلێ ناوینن.

سازمان دیموکراتیک یارسان لەی ڕوژە داوا لە کۆمەڵگای ناۆنەتەوەیی و نەهادگەل کارگەری کەێت فشار بخەنە سەر جمهوری ئیسلامی ئێران ئەڕا رعایەتکردن حەق و حقوق کارگەرەیل ئێران و کوردستان.

سازمان دیموکراتیک یارسان خوازیارە کە:

– تەمام کارگەرەیل و فعالیین سیاسی وە بێ قەید و شەرت ئازاد بکریەت

– تەمام ئەو قانونگەلە کە اختیارات بێشتر دەیتە کارفرماکان کە وە خواست خوێان مامەڵە وەگەرد کارگەر بکەن، هەڵبوشیەتوە

– توەجەێ بێشتر وە موشکڵات و خواستەکان کارگەرەیل بکریەت

– بیمەێ بێکاری و سەعات کاری ئەڕا کارگەرەیل وە ئستانداردئیمڕۆژی فراهم‌ بکریەت

– مەمنوعکردن وەکاربردن مناڵ لە بازاڕ کار و ئازادی نەهادگەل کارگەری مودافەێ کارگەرەیل فراهم بکریەت.

سازمان دمکراتیک یارسان باوەڕ دێرێت کە کارگەر هێز و تواناێ هەر جامعەێک مەوەفەقە و بدون فراهم کردن حەق و حقوق ئی گروپە هیچ جامعەێک ناتووانێت پێشرەفت وەرچەوێک کە جواوگۆ جامعەێک مودێرن بود داشتوت.

جارێکتر ڕوژ کارگەر لە تەمام کارگەرەیل جەهان، ئێران، کوردستان و مەخسوسەن کارگەرەیل یارسانی پیروز کەیم و ئومێد دیریم کە ڕوژێک بڕەسێت کارگەرەیل وە حەق و حقوقەیل خوێان بڕەسن.

سازمان دیموکراتیک یارسان

٣٠/٤/٢٠١٦

بازدیدها: 29