Home / پستهای تازە / بەشداری سازمان دموکراتیک یارسان، کومیتەێ کشوەری نروژ  لە مەراسم اوڵین ساڵگەرد جمعەێ خوینین زاھدان.

بەشداری سازمان دموکراتیک یارسان، کومیتەێ کشوەری نروژ  لە مەراسم اوڵین ساڵگەرد جمعەێ خوینین زاھدان.

یارسانمدیا
‏01‏ اُكتبر‏ 2023

 

رووژ شەمە ٣٠ێ سپتامبر ٢٠٢٣ مەراسم اوڵین ساڵگەرد جمعەێ خوینین زاهدان وەبەشداری حزب و ڕێکخراویەل ئێرانی و نروژی لە در پارلمان نروژ لە ئوسلو وەڕێوە چی. ڕێکخراوگەل بەلوچی لە وڵات نروژ تەدارک بەرگوزاری ساڵگەرد ئی جناێت زد بەشەریە لە ئەستو گردوین. ساڵێک پێش، لە زاهدان لە چەند ساعەتا زیاتر لە سەد کەس بێتاوان لە ھاووڵاتیەل بەلوچ وەدەس ستەمکارگەل ڕژیم جناێەتکار جمهوری ئسلامی گیانێان سنیا و سێسەد کەسیج زەخمی کریا.

کومیتە کشوەری سازمان دمکراتیک یارسان لە سەر داوەت ڕسمی کومیتەێ ھاوبەش بەلوچیەکان نروژ بەشدار ئی رووژ کارەساتبارە بی. بەرپرس کومیتەێ کشوەری نروژ، ڕێزدار دکتر فەریدون کەرەمی پەێامێک تایبەت وە ئی رووژە پشکەش وەئامادەبیەل مەراسمەکە کرد و یاد گیانباختەگان ئەو کارەساتە بەرز نرخاند و ھاودەردی سازمان دموکراتیک یارسان گەێانە ھاووڵاتیەل بەلوچمان. هەرلیوا جناێەت جمعەێ خوینین زاهدان دەرحەق وە هاوڵاتیەل بەلوجمان مەحکوم و شەرمەزار کرد. ڕێزدار کەرەمی لەبەشێکتر لە پەێامەکەێ ئشارە وە جامعەێ یارسان کرد کە دەیان ساڵە هاوشێوەێ هاوڵاتیەل بەلوجمان مەورد زوڵم و ستەم سیستماتیک ڕژیم جمهوری ئسلامی قەرار گردنە، هەروەیخاترە دەرک خاسترێک ئەڕا براێەل بەلوچمان دێرن.

جی باسە کە بەش فرەێک لە یاران سازمان دموکراتیک یارسان لە نوروژ بەشدار ئی مەراسمە بین و  یاد گیانباختەیەل بەلوچی گرامی  داشتن. هەر لیوا بەشداربینێان فرە وە کارێک و ئخڵاقی زانستن کە لە ئی ساڵگەرد کوشتار مەردم بێگوناێ زاھدان بەشدار بوون و ئی جنایەت ئاشکار ڕژیم جمهوری ئسلامیە مەحکوم بکەن.

سازمان دموکراتک یارسان- کومیتەێ کشوری نروژ

Visits: 52