Yarsanmedia Yarsan Democratic Organization Official Website
ڕاپورت !
هەر ئەوجورەێ لە ئتلائیەێ وەرین ئشارە کریاوی، لە ڕێکەفت ٢٠١٦.٠٦.٠٤ سات دوێ دویا نیمە ڕو، کونفرانسێک ئەڕا مەسئول بەش تەشکیلات سازمان دموکراتیک یارسان کاک منسور جوانمیری لە سەر کار و چالاکیەکان ئی سازمانە لە مابەین دو کونگرە لە شار شوپینگ وەڕێوە چی.
سەرەتا لە لاێان کاک کورش یاریوە وەخەێر هاتن بەشدار بویگەڵ کونفرانسەکە کریا.
دوای کونفرانسەکەوە دەقەێک بێ دەنگی ئەڕا گیان پاک تەمام ئنسانگەل ئازادیخواز وەتاێوەت یارسانیگەلێک کە لە ٣ سال وەرین گیان خوەێان بەخت ئازادی و حق تەڵەبی ئە ڕا کومەڵگەێ یارسان و وەگشتی ئدالەت و بەرابەری کردن دەس وە کارەکان خوەێ کرد. چەن دەقە لە سەر چوینیەتی وەڕێوە بردن کونفرانسەکە لە لاێان ڕێکخەر کونفرانسەکە کاک کورش یاری وە گوش بەشدارێەل ڕەسیا.
لە ئدامەێ کونفرانسکە کاک مەنسور جوانمیری وەتێروتەسەڵ باسێک لە سەر کار و چالاکیەکان سازمان دموکراتیک یارسان پێشکەش وە بەشدارگەل کرد.
لە باسەکە ناوبریاگ ئشارە کردە ئاڵوگورەکان خوەرهەڵات ناوین وەتاێوەت شەراێەت نەوین ئازادی لە ولات ئێران و زەرورەت و ئەهمیەت داشتن سازمانێک سیاسی یارسانی کە زیاتر لە سەر کەیس یارسانی کار بکەێت کە کومەڵگەێ یارسان خوەێ نونەراێەتی سیاسی و ئجتمائی خوەێ بکەێت وە موهم و زەرور زانست.
هەرلێوا لە باسکەێ ئشارە کردە شەراێەت پرش و بڵاوی و لە یەکتەرازیان جەریانات سیاسی کوردستان ڕوژهەڵات و نەوین پلاتفورم یا پلان و بەرنامەێک موشتەرک کە بتوانێ زامن داخوازیەکان نەتەوەێ کورد بوت لە هەر ئاڵوگوڕێک کە باێتە پێش وەک قەراردادێک ئجتمائی لەسەرێ کار بکریەت وە یەکی لە گرفتگەل ئە ساسی هێز و لاێانەکان زانست و ئشارە کردە پێشنیار سازمان دموکراتیک یارسان کە لە کوڕ و کوبونەوەکانێ وەگەرد ئی هێز و لاێانگەلا خستویەێ وەردەسێان ، کە ئەویچ دروس کردن شوراێک بەرژەوەندی نەتەوەییە کە بتوانێ نوێنەراێەتی سیاسی هێز و لاێانەکان کوردستان ڕوژهەلات وەگەرد دونیای دەرەوەێ خوەێ بکەێت. هەر چەن گەشت لاێانەکان وە پێشنیار دروس و مەنتقیک زانستنە وەلێ موتاسفانە تا ئیسە هویچ گامێک ئەمەڵی ئەڕاێ هەڵنەگیریاگەس.
لە ئدامەێ باسکەێ کاک منسور ئشارە کرد کە ئی سازمانە لە مودەت ئی چەن ساڵە کەمە لە ئومر سیاسی خوەێ وەپاێ توانا توانستگەس خواست و داخوازیەکان جامئەێ یارسان وە گوش دونیاێ دەرەوێ خوەێ بڕەسنێ، ئەڕا نمونە ناو بردن کومەڵگەێ یارسان لە گوزارش ساڵانەێ سازمان ملەل کە ساڵانە لە باوەت زوڵم و ستەم جمهوری ئسلامی ئێران ئەڕا سەر پێکهاتە وئەقەلیەتە دینی و مەزهەبیەکان ئنتشارێ کەێت وە دەسکەفتێک موهم زانست. بەشداری لە کوڕ و کوبونەوەکان وەگەرد هێز و لاێانە سیاسیەکان کوردستان ڕوژهەلات و گوفتگو لە سەر شەرایەت سیاسی کوردستان و ئێران و ڕەسانن پێشنیارەکان سازمان وە ئی هێز و لاێانگەلە مەسەڵەیکتر بی کە ناوبریاگ ئشارە وەپێ کرد.
شەراێەت سەخت ژیان و لە ژێر فشار خستن مەردم یارسان لە تەرەف کومار اسلامی ئێرانوە و تەوهین و بەڕێزی کردن وە موقەدەسات ئی مەردمە لە لاێان مەرجەگەل دینی ئاخونگەل لە ئێران و روژنامە و تلیزوینەکان زوانحاڵ ئی ڕەژیمە ئەرا سەر مەردم یارسان و لە لاێکتروە مبارزە و تەڵاش مەردم یارسان و وە تاێوەت کومەڵەی ڕاوێژکاری مەدەنی یارسان(مجمع مشورتی مدنی یارسان) لەچەن ساڵ ئاخرا مەوزوێکتر بی کە ئشارە وەپێ کریا.
ئەهداف و خەت مەش سیاسی سازمان دموکراتیک یارسان و ئنتزارات ئی سازمانە لە جوانەێل و فەئالەێل برونمەرزی و کە م و کوڕی و گیرو گرفتەکان سەر ری ئی سازمانە لە مودەت ئی چەن سالە خریا وەر باس و لە گەشت بەشدار بویگەل داو کریا کە لە کونگرە حزور پەیا بکەن و لە ناو ئی سازمانا نەقش موسبەت خوەێان بازی بکەن.
دویای باسەکەێ کاک مەنسور و وەرگردن وچانێک، نەوبەت گەیشتە پرسیار،ڕخنە و پێشنیارات بەشدار بویگەل.
جێ دیریت ئشارە بکریەت کە کونفرانسەکە قەراربی یەک سات و نیم ئدامە داشتوت بەڵام وەخاتر پرسیار فرە و وە دەرخاست بەشداربویگەل کونفرانسەکە زیاتر لە سێ سات ئدامە داشت و بەشدار بویگەل داوا لە سدی کردن کە ئیجور کونفرانسگەلێک ئدامە داشتوت.
کوتایی کونفرانسەکە تەرخان کریا ئەڕا پرسیار، ئنتقاد و پێشنیار بەشداران. لە کونفرانسەکە پرسیارگەل فرەێک کریا کە لە تەرەف کاک مەنسور وە ڕوشنی جواو دا پرسیارەکان و پێشوازی کرد لە ئنتقاد و پێشنیارەکان بەشداران.
جێ دێریت ئشارە بکریەت کە کونفرانسەکە جی رەزامەندی بەشداران بی و گەشت وە راحەت پرسیار،ئنتقاد و پیشنیارەکانێان وە گوش نمایندەی سدی ڕەسانن.
بازدیدها: 21