Yarsanmedia Yarsan Democratic Organization Official Website
هاوڕێگەل ئەزیز یارسانیم
وەختان وەخەێر
ئومێدوارم لە تەمام مەراحڵ زندگی رۆژانەتان سەرحاڵ و مەوەفق و تەندروست بین.
هەر ئەوجورەێکە ئاگادارین، سازمان دموکراتیک یارسان لە رۆژەکان ١٨ و ١٩/٦/٢٠١٦ لە وڵات سوئد سوەمین کونگرەێ خوەێ وەڕێوە بەێت.
دیارە ئەڕا گشت لاێکمان دەرکەفتگە کە مەوەفەقییەت و پیروزی جامعەی یارسان ها لە گرەو یەکدەستی، هەماهەنگی و وەیەکوە کار کردن تاکەکان ناو کومەڵگاێ یارسان، مەخسوسەن ئەوانەی کە لە خوەێان وە خاتر مەسەڵەی یارسانی مایە دانانە و لەی بوارەوە وە شکڵێک تەجربە یا توانایی دێرن.
ئیمه‌ی یارسانی سه‌ره‌ڕای فکره جیاجیاکان ناو کومه‌ڵگاکه‌مان، ئختڵاف سه‌لیقه و دویری له ئاو خاک و کولتور خوه‌مان، ئحتیاج وه ئتحاد، یه‌کده‌ستەگی و وه‌گه‌رد یه‌کا کارکردن له ژێر یه چه‌تر، یەک سازمان دیریم تاکو بتوانیم وه یه‌ک ده‌سه‌ت و یه‌ک سدا، ده‌نگ مه‌ردم و خواسته به‌رحه‌قه‌کان کومەڵگاێ یارسان وه گۆش دونیا بڕه‌سنیم و وەگەردیەکا مه‌وه‌فه‌قیه‌ت و پیروزی ئه‌ڕا مه‌ردم و مه‌سه‌ڵه‌ی ڕه‌وای یارسان وه ده‌سبا‌ریم.
بەشداری کردن هەرکام لە ئیوەێ ئەزیزلە کونگرە توانیت لە سەر ڕەوەند کار و تەسمیمگیریەکان کونگرەێ ٣ سازمان دموکراتیک یارسان تاسیر خاسێک داشتوت. ئومێدوارم هەرکەس لە ئیوەێ ئەزیز، وەپاێ نفوز و توانایی خوەتان ئەڕا پێشبرد کارەکان و ڕەسین وە هەدەفەکان کومەڵگاێ یارسان هەوڵ خوەتان بێەین. خوەشبەختانە لەوەختێکا کونگرەێ ٣ کریەت کە تفرقە و دودەستەگی لەی مەرحەڵە لە تاریخ یارسانی وە کەمترین حەد خوەی ڕەسیەس. ئیە خاڵ موسبەتێکە کە توانێت ئنرژیەکان جەم بکریەت و ئەڕا بەرژەوەندیەکان کومەڵگاێ یارسان وەکار بوریەت.
بەشداری کردن ئیوە بێشک ها لە خزمەت بەرژەوەندیەکان جامعەی یارسان وە توانێت لە سەر کار و بەرنامە و تەسمیمگیریەکان کنگرە تاسیر خوەێ داشتوت. پەس لە تەمام دوستان و دڵسوزان یارسانی داواکەم کە پاڵپشت و هاوکار و هاوفکرمان بۆون تا بتوانیم گشتمان وە یەک دەس ئەو جورەی کە شایستەێ تاریخ و جامعەکەمان بۆوت وە دەس باریم.
وە گەرد ڕێز و حورمەت
شادوست کەریمی
ئوسلو ١١/٦/٢٠١٦
بازدیدها: 28