به شداری سازمان دمکراتیک یارسان کومیته ی کشوه ری دانمارک لە ڕێزگردن لە چوار پیشمەرگەی گیانبەختکردگ کومەلەی شورشگیری زحمەتکیشانی ئیران

یارسانمدیا
‏11‏ فوريه‏ 2024

روژ شه مه ریکەفت ۱۰ – ٢ – ٢٠٢٤ کومیتەی کشوەری سازمان دمکراتیک یارسان له سەر داوای کومیتەی کشوەری کومەلەی شورشگیری زحمەتکیشانی ئیران له دانمارک، به شداری کردن له مەراسمێک ئەرا بەرز نرخاندن یاد چوار پیشمەرگەی حزبەکەیان که له چەند روژ وەرین له لایەن رژیم فاشیست ئیران له سیداره دريان.

جی باسه یاران سدی، له لایان کومیتەی كومه له وه گەرمی پیشوازی كريان. له ندامەی بەرنامه پەیام هاوخەمی سازمان دمکراتیک یارسان کومیتەی دانمارک، له تەرەف فروزان القاسی پیشکەش کریا.

وه‌گه‌رد ریز

کومیتەی کشوەری دانمارک سازمان دمکراتیک یارسان

١١.٢.٢٠٢٤

پەیام هاوخەمی

سازمان دمکراتیک یارسان کومیتەی دانمارک وه بونەی سیدارەدان چوار قارەمان و موبارز حزبەکەتان خوەی وه بەشدار خەمتان زانی. بیگومان ئی جور کارەساتیک وه جوریک قورسه که تەحەمولکردنی ئاسان نیه.

جمهوری جنایەتکار ئسلامی ئیران له خلال زياتر له چوار دەیەی تەمەن شومی هەمیشه و هەر وەخت له هیچ ئامرازیک ئەرا قر کردن و له ناوبردن ئازادی خوازەیل گەلان ئیران وه تایوەت گەل کورد دریخی نەکردیه. لای گشتمان ئاشکەراس که له رژیمیک جنایەتکارو فاشیست جور پەت و سیداره له ئیران بیجگه له قەتل و کوشتن و مال ویرانی نەبایست چەوەری ئازادی و ئاوەدانی کرد.

جی داخه ته مام دونیا وه تایوەت نەهادەیل حقوق بەشەری له ئاست جنايەتەکان ئی رەژیمه کەر و بیدەنگن.

گیان شیرین ئازادیخوازەیل ولاتەکەمان فەدای ساتوسەودای بازرگانی ولاتەيل وه قەولزل هيز دونیا وەگەرد رژیم نگریست حاکم له ئیرانا كرياس. جاری ترەک خوەمان وه به شدار خەمتان زانیم.

بەرز و بەریز بوت یاد گیانبەختکردیەل ری ئازادی: پژمان فاتحی، موحسن مەزلوم وەفا ئازەر بار، محمد فرامەرزی و سەرجەم گیانبەختکردیەل ری ئازادی و دمکراسی. مەرگ و نەمان ئەرا رژیم فاشیست و جنایەتکار حاکم له ئیران.

سازمان دمکراتیک یارسان / کومیتەی دانمارک