بەشداری کومیتەێ نروژ سازمان دموکراتیک یارسان لە پرسەو وەخاکسپاردن ماموستا مەلا مەجید پاڵانی

ڕووژ پەنجشەمە، ١٣\٦\٢٠٢٤ لە مەزارگەێ لۆرەنسکوگ لە وڵات نروژ وە ئامادەبین سەدان کەس لە کوردان سکاندیناڤیا، تەرم ماموستا مەلا مەجید پاڵانی وەخاک سپاریا و لە شون وەخاکسپاردن، کۆر پرسەکەی لە شەسموکوشە وەڕێوە بریا.

کومیتەێ کشوەری نروژ سازمان دموکراتیک یارسان بەشدار بی و پەێامێک سەرەخوەشی پێشکەش وە بنەماڵەێ کوچکردو ماموستا مەلا مەجید کرد کە لە کوڕ پرسەکە خوەنیاوە.

لە پەێامەکەێ کومیتەێ کشوەری نروژ هاوخەمی خوەێان ئەڕا بنەماڵەێ کوچکردو دەر بڕین. جێ باسە کە بەشێک وەرچەو لە یارسانیەل دانیشتو وڵات نروژ بەشدار خاکسپاری و کوڕ پرسەکە بین.

کومیتەێ کشوەری نروژ سازمان دموکراتیک یارسان